قازاق-جوڭعار سوعىستارى مەن قازاق-قىتاي قاتىناسى كەزٸندە ەرلٸگٸمەن جەنە ديپلوماتييالىق قابٸلەتٸمەن كٶزگە تٷسكەن قوجابەرگەن باتىر جەنٸبەكۇلىنا موڭعولييانىڭ بايان-ٶلگەي ايماعىنىڭ ورتالىعىندا ەسكەرتكٸش قويىلدى. بۇل تۋرالى حالىقارالىق تٷركٸ اكادەميياسىنىڭ باسپاسٶز قىزمەتٸ حابارلادى.
مٷسٸن باتىردىڭ 320 جىلدىق مەرەيتويىنا وراي جاسالعان. تۇعىرىنان باستاپ, ۇستاعان تۋىنىڭ ۇشىنا دەيٸنگٸ بيٸكتٸگٸ 7 مەتر بولاتىن ەسكەرتكٸش ۇلانباتىر قالاسىندا, باتىر ۇرپاقتارىنىڭ قارجىسىنا جاسالعان. ەسكەرتكٸشكە ٶلگەي قالاسىنىڭ ەكٸمدٸگٸ ارنايى جەر تەلٸمٸن بٶلدٸ.
ەسكەرتكٸشتٸڭ اشىلۋ سالتاناتىنا ايماق باسشىسى عىلىمحان ايىپ, ايماقتىق قۇرىلتاي باسشىسى باۋىرجان دەلەلۇلى, زييالى قاۋىم ٶكٸلدەرٸ, قازاقستاننان بارعان باتىر ۇرپاقتارى مەن جەرگٸلٸكتٸ تۇرعىندار قاتىستى. ەڭسەلٸ ەسكەرتكٸشكە «قوجابەرگەن باتىر جەنٸبەكۇلى - 320 جىل» دەپ جازىلعان.
ۇيىمداستىرۋشىلار بولاشاقتا ەسكەرتكٸشتٸڭ قوس قاپتالىنا باتىردىڭ جوڭعار حانزاداسى ەمٸرسانامەن بٸرگە قىتايعا قارسى جٷرگٸزگەن جورىقتارى جايلى ارحيۆتە ساقتالعان قۇجاتتاردان ٷزٸندٸلەر جازىلعان تاقتا ورناتۋدى جوسپارلاپ وتىر. ارحيۆتەردەن, ەسٸرەسە قىتايداعى تسين پاتشالىعىنىڭ ورتالىق ارحيۆٸنەن قوجابەرگەن باتىر جەنٸبەكۇلى مەن ەمٸرسانانىڭ 1756-57 جىلدارى بٸرگە جٷرگەنٸ, اياگٶز ٶڭٸرٸندە بولعان قازاق-قىتاي شايقاسىنان سوڭ تسين يمپەريياسىنىڭ ەسكەرلەرٸنە قارسى تٸزە قوسا كٷرەس جٷرگٸزگەنٸ, كەيٸن قوجابەرگەن باتىردىڭ قازاق حاندىعى مەن قىتايدىڭ اراسىنداعى ساۋدا-ساتتىقتا بەلسەندٸ رٶل اتقارعانى تۋرالى دەرەكتەر تابىلعان.
بيىل باتىردىڭ تۋعانىنا 320 جىل تولىپ وتىر. وسىعان وراي موڭعولييادا باستالعان شارا استانادا جالعاسىپ, 19 قازاندا قر قورعانىس مينيسترلٸگٸ ەسكەري-تاريحي مۋزەيٸ مەن ش.ۋەليحانوۆ اتىنداعى تاريح جەنە ەتنولوگييا ينستيتۋتى بٸرلەسٸپ, باتىرعا ارنالعان حالىقارالىق كونفەرەنتسييا ٶتكٸزۋدٸ جوسپارلاپ وتىر. باتىردىڭ شاپانىن ۇرپاقتارى بيىل ەسكەري-تاريحي مۋزەيٸنە تاپسىرسا, جورىقتا ۇستاعان تۋى موڭعولييانىڭ بايان-ٶلگەي ايماعىنداعى ۇرپاقتارىنىڭ قولىندا ساقتاۋلى.
