فوتو: اشىق دەرەككٶز
قازاقستاننىڭ حالىق ەرتٸسٸ ماقپال جٷنٸسوۆا ەلەۋمەتتٸك جەلٸدەگٸ پاراقشاسىندا ۆيدەو جارييالاپ, مارقۇم كومپوزيتور ارمان دٷيسەنوۆتٸڭ جارى ايسۇلۋ ايدانقىزىنىڭ قازٸرگٸ جاعدايىنا الاڭدايتىنىن مەلٸمدەدٸ, دەپ حابارلايدى Ult.kz.
ەنشٸ ەڭ ەۋەلٸ ٶزٸنٸڭ ايدانقىزىنا پەتەر الىپ بەرۋگە قارجىلىق مٷمكٸندٸگٸ جەتپەيتٸنٸن اشىق ايتتى. سوعان قاراماستان, ول مەسەلەنٸ شەشۋگە بولار جولداردى قاراستىرۋ ماقساتىندا قالا ەكٸمدٸگٸمەن كەزدەسكەنٸن جەتكٸزدٸ.
“جەلٸدە ارمان دٷيسەنوۆتٸڭ جارى تٷرلٸ جاعدايىن ايتىپ جٷر. شىنىمدى ايتسام, جٷرەگٸم اۋىرادى. مەن باي وتباسىنىڭ ٶكٸلٸ ەمەسپٸن, ٶز ەڭبەگٸممەن تاپقان تابىسىمدى عانا يگەرٸپ جٷرگەن اداممىن. ەگەر جاعدايىم كەلسە, ەش ويلانباستان كٶمەكتەسەر ەدٸم. بٸراق قازٸر پەتەر الىپ بەرەمٸن دەپ ايتا المايمىن”, – دەدٸ ماقپال جٷنٸسوۆا.
ٶنەر يەسٸ ٶتكەن جىلدارى ەكٸمدٸك تاراپىنان مەدەنيەت قىزمەتكەرلەرٸن باسپانامەن قامتاماسىز ەتۋ تەجٸريبەلەرٸ بولعانىن ەسكە سالدى.
“ەكٸمدٸك ٶكٸلدەرٸمەن اقىلداسىپ كٶردٸم. بۇرىن زەكەڭ تالاي ٶنەر ادامىنا كەزەكسٸز پەتەر بەرەتٸن. شەرحان مۇرتازا بٸر كٷندە 60 پەتەر الىپ بەرگەنٸن, تەلەراديو قىزمەتكەرلەرٸن باسپانامەن قامتىعانىن بەرٸمٸز بٸلەمٸز. ولجاس سٷلەيمەنوۆ تە 20-عا جۋىق پەتەر شەشٸپ بەرگەن. ول كەزدە ەكٸمدٸكتٸڭ بالانسىندا ٷي كٶپ بولاتىن. تاسماعامبەتوۆتىڭ تۇسىندا دا سولاي ەدٸ. قازٸر ونداي زاڭ دا, ٷي دە جوق”, – دەدٸ ول.
ەنشٸنٸڭ ايتۋىنشا, قازٸرگٸ جاعدايدا ناقتى كٶمەك بەرە الۋى مٷمكٸن جالعىز ادام — بايان ماقساتقىزى.
“مەن سەنەتٸن بٸر ادام بار — ول بايان ماقساتقىزى. باياننىڭ جولداسى اۋقاتتى ازامات. ەرينە, ادام ٶز وتباسىنىڭ جاعدايىن جاقسارتۋ ٷشٸن جۇمىس ٸستەيدٸ. بٸراق ارمان دٷيسەنوۆ باياندى قاتتى قۇرمەتتەگەن, ونىڭ جوبالارىنا جيٸ اتسالىسقان. سوندىقتان وسى مەسەلەنٸ شەشۋدە بايان كٶمەكتەسسە دەگەن ٷمٸتٸم بار. ٶزٸم دە مٷمكٸندٸگٸنشە قاراجات جيناپ بەرەمٸن. بٸراق بەرٸ بٸرٸگٸپ قولداسا دۇرىس بولار ەدٸ”, – دەدٸ ول.
ايتا كەتەيٸك, كومپوزيتور ارمان دٷيسەنوۆ 2023 جىلدىڭ قاڭتارىندا كٶز جۇمعان. ال بىلتىر قازاندا مارقۇمنىڭ ۇلى قايعىلى جاعدايدا دٷنيەدەن ٶتتٸ. 7 قازان كٷنٸ ول ٶز پەتەرٸندە اسىلىپ قالعان كٷيٸندە تابىلعان. الدىن الا دەرەكتەر بويىنشا, ٶلٸم سەبەبٸ – مەحانيكالىق اسفيكسييا. وقيعا الدىندا جاس جٸگٸت اناسىنىڭ قوڭىراۋىنا جاۋاپ بەرمەگەن.
بۇعان دەيٸن ايسۇلۋ ايدانقىزى “TalkLike” باعدارلاماسىنا بەرگەن سۇحباتىندا كومپوزيتوردىڭ ٶلٸمٸنە قاتىستى بٸرقاتار سۇراقتارعا العاش رەت اشىق جاۋاپ بەرٸپ, ونىڭ زاۋىت اۋماعىندا كٶز جۇمعانىن مەلٸمدەگەن بولاتىن. سونداي-اق ول ۇلىنىڭ دوسى جالعىز پەتەرٸن تارتىپ الماق بولعانىن ايتقان ەدٸ. كەيٸن ايدانقىزى الماتى سوتىنىڭ ۇلىنىڭ ٶلٸمٸنە قاتىستى شەشٸمٸنە كەلٸسپەي, پرەزيدەنتتەن كٶمەك سۇراعانىن جارييا ەتتٸ.
