تاراز مەملەكەتتٸك پەداگوگيكالىق ينستيتۋتىنىڭ جانىنداعى «باۋىرجانتانۋ» عىلىمي-زەرتتەۋ ورتالىعىنىڭ قىزمەتكەرلەرٸ ورتالىق مەملەكەتتiك كينوفوتوقۇجاتتار مەن دىبىس جازبالارى مۇراعاتىنان باۋىرجان مومىشۇلى تۋرالى جاڭا بەينە جەنە دىبىس جازبالارىن تاپتى, دەپ حابارلايدى قازاقپارات.
«1944 جىلعى كينوجىلناما تابىلدى, - دەدٸ جوو-نىڭ رەسمي ٶكٸلٸ جاندار اسان. - بەينەجازبالاردا باتىردىڭ پانفيلوۆشىلاردىڭ ەرلٸگٸ تۋرالى ەستەلٸكتەرٸ مەن جاڭا جىلمەن قۇتتىقتاۋ سٶزٸ بار. سونىمەن قاتار, مايدان دالاسىندا قازا تاپقان قازاق جاۋىنگەرٸنٸڭ اناسىنا كٶڭٸل ايتىپ بارعان سەتٸ تاسپالانعان».
«بٸز مەملەكەتتٸك مۇراعاتتىڭ ەرەكشە ەسەبٸندەگٸ قورىنان باۋكەڭنٸڭ جەڭٸستٸڭ 30 جىلدىعىنا بايلانىستى قازاقستان جازۋشىلارىمەن كەزدەسۋٸندەگٸ سٶزدەرٸنٸڭ جازبالارىن دا تاپتىق. بۇعان دەيٸن جازبالار ەش جەردە جارييالانباعان», - دەيدٸ ورتالىق قىزمەتكەرٸ ەلٸمباي نايزاباەۆ.
سونىمەن قاتار, «باۋىرجانتانۋ» ورتالىعى حالىق قاھارمانى باۋىرجان مومىشۇلىنىڭ كٶپتومدىق شىعارمالار جيناعىنىڭ كەلەسٸ 15 تومى دايىندالۋدا. بۇعان دەيٸن ونىڭ 30 تومى جارىق كٶرگەن بولاتىن.
2004 جىلى اشىلعان ورتالىق حالىق قاھارمانى باۋىرجان مومىشۇلىنىڭ مۇرالارىن جيناۋ, زەرتتەۋ جەنە باسىپ شىعارۋ باعىتىندا جۇمىس اتقارادى. بۇعان دەيٸن ۇلت ماقتانىشىنىڭ كٶپتومدىق شىعارمالار جيناعىنىڭ 30 تومى, مەسكەۋدەن «لەگەندارنىي باتىر» دەگەن اتپەن ەستەلٸك كٸتابى, الماتى قالاسىنان «فوتوقۇجاتتىق البومى» جارىق كٶردٸ. بٷگٸندە باھادٷر باۋكەڭنٸڭ كٶپتومدىق شىعارمالار جيناعىنىڭ كەلەسٸ 15 تومدىعى دايىندالۋدا.
كٶپتومدىقتا داڭقتى قولباسشى تۋرالى ەستەلٸكتەر, درامالىق شىعارمالار, ارناۋلار, پوەمالار مەن باللادالار توپتاستىرىلعان. 31, 32, 33, 34, 35, 36, 37, 38-تومداردا ب. مومىشۇلى تۋرالى بەلگٸلٸ قالامگەرلەر, عالىمدار مەن قوعام قايراتكەرلەرٸنٸڭ ەستەلٸكتەرٸ جيناقتالعان. ولاردىڭ قاتارىندا مامىتبەك قالدىباەۆ, دميتريي سنەگين, ەزٸلحان نۇرشايىقوۆ, تاحاۋي احتانوۆ, تەكەن ەلٸمقۇلوۆ, تۇرسىن جۇرتباي, مىرزاتاي جولداسبەكوۆ, باحىتجان مومىشۇلى, مەكەمتاس مىرزاحمەتۇلى, مۇحتار شاحانوۆ, قاسىم قايسەنوۆ, شەرحان مۇرتازا, عابيت مٷسٸرەپوۆ, زەينەپ احمەتوۆا, ەكٸم تارازي سىندى ازاماتتار بار. ال 39-تومعا مەلٸك عابدۋلليننىڭ «باۋىرجان مومىشۋلى» اتتى ورىس تٸلٸندەگٸ وچەركٸ بەرٸلگەن. باتىر تۋرالى درامالىق شىعارمالار 40, 41-تومداردا. وندا شەرحان مۇرتازانىڭ «نوقتاعا باسى سىيماعان», جەركەن بٶدەشتٸڭ «جۇلدىزتاس» جەنە ٶزگە دە جازۋشىلاردىڭ تۋىندىلارى بار. 42, 43-تومداردا جالپى سانى 200 ارناۋ ٶلەڭ توپتاستىرىلعان. 44-تومدا پوەمالار, 45-تومدا جىر, باللادالار جيناقتالعان.
«جالپى, دٷنيە جٷزٸندە باۋكەڭ تۋرالى جازىلعان ەڭبەكتەر ٶتە كٶپ. سولاردىڭ بەرٸن جيناپ, اۋدارۋ قاجەت. وسىلاردى رەتتەسەك, باتىر اعامىزدىڭ 100 تومدىعىن شىعارۋعا مٷمكٸندٸگٸمٸز بار», - دەپ اتاپ ٶتتٸ ورتالىق قىزمەتكەرلەرٸ.
تاراز مەملەكەتتٸك پەداگوگيكالىق ينستيتۋتىنىڭ رەكتورى دارييا قوجامجاروۆانىڭ قولداۋىمەن ورتالىق بٷگٸندە قازاقستان رەسپۋبليكاسى ورتالىق مەملەكەتتٸك مۇراعاتىنداعى باۋىرجان مومىشۇلىمەن قارىم-قاتىناستا بولعان قوعام قايراتكەرلەرٸ, اقىن-جازۋشىلار باسقا دا ٶنەر ادامدارىنىڭ جەكە قورلارىنداعى باۋكەڭە بايلانىستى ارحيۆتٸك قۇجاتتاردى جيناقتاۋ ٷستٸندە.
