باۋىرجان بايبەكتٸڭ ٶكٸلٸ ايجان تەشەنوۆا ٶزٸنٸڭ Facebook-تەگٸ پاراقشاسىندا ازامات جانبولات ماماي مەن ونىڭ جۇبايى ينگا يمانباەۆاعا قاتىستى الماتى قالاسى ەۋەزوۆ اۋدانى №2 اۋداندىق سوتىنا ازاماتتىق تەرتٸپپەن ار-نامىستى, ابىروي مەن ٸسكەرلٸك بەدەلدٸ قورعاۋ تۋرالى تالاپ ارىز بەرگەنٸن مەلٸمدەدٸ, دەپ حابارلايدى "ۇلت اقپارات".
ونىڭ ايتۋىنشا, قولدانىستاعى زاڭناماعا سەيكەس ەلٸمٸزدٸڭ كەز كەلگەن ازاماتى قۇقىعى بۇزىلعان جاعدايدا ونى ٷش تٷرلٸ ايادا قورعاي الادى: قىلمىستىق, ەكٸمشٸلٸك جەنە ازاماتتىق. باۋىرجان بايبەك ٶزٸنٸڭ جەكە ۇستانىمىنا سٷيەنٸپ, جاۋاپكەرلەردٸ قىلمىستىق جەنە ەكٸمشٸلٸك قۋدالاۋدان باس تارتىپ, ٸستٸ ازاماتتىق قاراۋمەن شەكتەلۋدٸ جٶن كٶرگەن. وسىلايشا, ول جەكە تۇلعا رەتٸندە تالاپ ارىزدى ٶزٸن نەگٸزسٸز جەنە جارييا تٷردە اۋىر قىلمىسپەن ايىپتاپ وتىرعان باسقا جەكە تۇلعالارعا قاتىستى بەرەدٸ.
«قۇرمەتتٸ دوستار!
بٷگٸن مەن باۋىرجان قىدىرعاليۇلى بايبەكتٸڭ مٷددەسٸن بٸلدٸرۋشٸ زاڭگەر رەتٸندە جانبولات ماماي مەن ونىڭ جۇبايى ينگا يمانباەۆاعا قاتىستى الماتى قالاسى ەۋەزوۆ اۋدانى №2 اۋداندىق سوتىنا ازاماتتىق تەرتٸپپەن ار-نامىستى, ابىروي مەن ٸسكەرلٸك بەدەلدٸ قورعاۋ تۋرالى تالاپ ارىز بەردٸم.
بۇل تالاپ ارىزدى بەرۋگە ج.ماماي مەن ي.يمانباەۆانىڭ بيىلعى 13 سەۋٸردە «دەموكراتييالى قازاقستان/دەموكراتيچەسكيي كازاحستان» youtube-ارناسىندا جەنە ەلەۋمەتتٸك جەلٸلەردە ورنالاستىرعان بٸرقاتار بەينەماتەريالدارى نەگٸز بولىپ وتىر. جارييالانعان ماتەريالداردا جاۋاپكەرلەر «جۋرناليستٸك زەرتتەۋدٸ» سەبەپ ەتٸپ, ب.بايبەكتٸ سىبايلاس جەمقورلىقپەن جەنە قىزمەت بابىن اسىرا پايدالاندى دەپ جارييا تٷردە, ٷزٸلدٸ-كەسٸلدٸ جەنە دەلەلسٸز ايىپتايدى.
اتالعان ماتەريالدارعا جاسالعان تالداۋ بەينەروليكتەردە جالعىز اقپارات كٶزٸ – انونيمدٸك «Uzyn Qulaq» تەلەگرام-ارناسىنىڭ اقپاراتىن عانا نەگٸزگە العان. بۇل ارنا – ٶسەك-اياڭدى, دولباردى, تەكسەرٸلمەگەن جەنە شىندىققا جاناسپايتىن اقپاراتتى تاراتۋمەن اينالىساتىنى مەلٸم.
تالاپكەر (ب. بايبەك) اتىنا قاراتا ايتىلعان ايىپتاۋلاردىڭ بۇدان بٶلەك شىنايى دەلەلدەمەلٸك بازاسى مەن راستالعان دەرەگٸ ج.ماماي مەن ي.يمانباەۆانىڭ بەينەماتەريالدارىندا دا, تٸركەلمەگەن قدپ سايتىندا دا ۇسىنىلماعان.
بيىل 19 سەۋٸردە, بٸر اپتاعا جەتپەيتٸن ۋاقىتتا باۋىرجان بايبەك قاجەتتٸ رەسمي قۇجاتتار مەن باسقا دا ماتەريالداردى كٶرسەتە وتىرىپ, بارلىق ايىپتاۋلاردى جارييا تٷردە جوققا شىعاردى.
بۇل رەتتە, ج.ماماي مەن ي.يمانباەۆانىڭ ايتقان سٶزدەرٸنٸڭ جالعاندىعىن, جالاڭسٶزدٸلٸگٸن جەنە ارسىزدىعىن ەسكەرە وتىرىپ, ب.بايبەك ٶزٸنٸڭ ار-نامىسىن, ابىرويى مەن بەدەلٸن سوت ارقىلى قورعاۋ قۇقىعىن پايدالانۋ جٶنٸندە شەشٸم قابىلدادى.
سوندىقتان ازاماتتىق زاڭناما اياسىندا بٸز بەينەماتەريالدار اۆتورلارى ايىپتاۋلارىنىڭ نەگٸزسٸزدٸگٸ مەن ماعىناسىزدىعىن دەلەلدەۋگە نيەتتەنٸپ وتىرمىز.
تالاپكەردٸڭ ەل الدىندا جٷرگەن تۇلعا ەكەندٸگٸن, سوعان وراي بۇل جاعداي مەن الداعى پروتسەستٸڭ ٷلكەن رەزونانس تۋدىراتىنىن ەسكەرٸپ, سونداي-اق ج.مامايدىڭ ەر تٷرلٸ تەسٸلدٸ قولدانۋ ارقىلى قوعامدىق پٸكٸردٸ بۇرمالاۋ ىقتيمالدىعىن بولدىرماۋ ٷشٸن, مەن جۇرتشىلىقتى سوت پروتسەسٸنٸڭ بارىسىمەن جەدەل جەنە وبەكتيۆتٸ تٷردە حاباردار ەتٸپ وتىراتىن بولامىن. مۇنى ەشقانداي ساياساتقا ارالاستىرماي, ٸسكە قاتىسى جوق باعالاۋلارسىز تەك قۇقىقتىق ايادا اتقارامىن», - دەپ جازدى زاڭگەر Facebook پاراقشاسىنا.
باۋىرجان بايبەك اقيقاتقا كٶز جەتكٸزۋ, ج.ماماي مەن ي.يمانباەۆا تاراتقان مەلٸمەتتەردٸڭ جالعاندىعىن دەلەلدەۋ جەنە ٶزٸنٸڭ بەدەلٸن قالپىنا كەلتٸرۋ ماقساتىن عانا باسشىلىققا الا وتىرىپ, كەلتٸرٸلگەن مورالدىق زالالعا ماتەريالدىق ٶتەماقى ٶندٸرٸپ الۋدان دا باس تارتتى.
