بەلارۋستە بىلتىرعى ەدٸلدٸگٸ داۋ تۋدىرعان پرەزيدەنت سايلاۋىنان كەيٸنگٸ حالىق نارازىلىعىن بيلٸكتٸڭ قاتىگەزدٸكپەن باسىپ-جانشۋى سەبەپتٸ باتىس ەلدەرٸ سانكتسييالار سالىپ جاتقان وسى ەلدٸڭ اۆتوريتار بيلەۋشٸسٸ الەكساندر لۋكاشەنكو "قاۋٸپسٸزدٸكتٸ" سىلتاۋراتىپ, ۋكراينامەن شەكارانى تولىقتاي جابۋ تۋرالى جارلىق شىعاردى. بۇعان قوسا ول ەلدە باتىسپەن بايلانىسى بار "تەرروريستٸك" استىرتىن ۇيىمدار ەشكەرەلەنگەنٸن مەلٸمدەدٸ, دەپ جازادى "ۇلت اقپارات".
مەملەكەت تەۋەلسٸزدٸگٸنٸڭ 30 جىلدىعىنا ارنالعان جيىندا سٶيلەگەن سٶزٸندە لۋكاشەنكو بەلارۋس اۋماعىنا "ٶتە كٶپ مٶلشەردەگٸ" قارۋ-جاراقتىڭ اعىلىپ كەلۋٸنە جول بەرمەۋ ٷشٸن شەنەۋنٸكتەرگە ەلدٸڭ ۋكراينامەن شەكاراسىن جابۋعا پەرمەن بەرگەنٸن جارييا ەتتٸ. ۋكراينا سىرتقى ٸستەر مينيسترلٸگٸنٸڭ باسپاسٶز حاتشىسى ۋكراينانىڭ ٶزٸمەن كٶرشٸ پوستسوۆەتتٸك ەلدٸڭ ٸشكٸ ٸسٸنە ارالاسپاعانىن جەنە ونداي جوسپارى دا جوعىن مەلٸمدەدٸ. ٶز ەكٸمشٸلٸگٸ جارييالاعان سٶزٸندە لۋكاشەنكو بەلارۋستە گەرمانييا, ليتۆا, اقش, پولشا جەنە ۋكراينامەن بايلانىستى "استىرتىن تەررور ۇيىمدارى" ەشكەرەلەنگەنٸن ايتقان.
لۋكاشەنكو ەش ايعاق-دەلەلسٸز ايىپتاۋىن ونىڭ رەجيمٸنە باتىستىڭ قوسىمشا سانكتسييالارى سالىنىپ جاتقان شاقتا ايتىپ وتىر. ەۋروپانىڭ بٸر ەلٸنەن ەكٸنشٸسٸنە ۇشىپ بارا جاتقان جولاۋشىلار ۇشاعىن مەجبٷرلٸ تٷردە قوندىرىپ, ونداعى وپپوزيتسييالىق بلوگەردٸ تۇتقىنداعاننان كەيٸن باتىس ەلدەرٸ مينسكٸگە قارسى شارالار قابىلداعان.
لۋكاشەنكو اتاعان ەلدەر ەزٸرشە بۇل ايىپتاۋعا بايلانىستى ەشقانداي مەلٸمدەمە جاساعان جوق. لۋكاشەنكو بولسا ٶزٸ ايتقان "ۇيىمداردىڭ" ماقساتى "ەلدەگٸ بيلٸك رەجيمٸن كٷشپەن ٶزگەرتۋ" دەپ وتىر.
