باتىسقازاقستاندىق سپورتشىلار شەكٸرتاقى كەشٸككەنٸنە شاعىمداندى. ولارعا اي سايىن تٶلەم جەرگٸلٸكتٸ بيۋدجەت ەسەبٸنەن تٶلەنەدٸ, - دەپ حابارلايدى Tengrinews.kz.
شورت-ترەكتەن قازاقستان ۇلتتىق قۇراماسىنىڭ مٷشەسٸ ەدٸل قىرىمگەرەەۆ وسى مەسەلە, تٶلەمدەردٸڭ بٸرٸنشٸ رەت كەشٸگٸپ تۇرماعانى تۋرالى ەلەۋمەتتٸك جەلٸدەگٸ پاراقشاسىندا مەلٸمدەدٸ.
"باتىس قازاقستان وبلىسىندا سپورتشىلارعا شەكٸرتاقى تٶرت ايعا كەشٸكتٸرٸلدٸ. بٸز رەسپۋبليكالىق جارىستاردا وبلىس نامىسىن, ال حالىقارالىق جارىستاردا ەل نامىسىن قورعايمىز. قارجىلىق جاعىنان مەملەكەتتەن قولداۋ كٷتەمٸز, بۇل سپورتتىق مانسابىمىزدا ٶتە ماڭىزدى. ەرتەڭ نەتيجە بولۋ ٷشٸن قازٸر قاراجات بٶلٸنۋ كەرەك. ال بٸزدە كەرٸسٸنشە جاسالادى", - دەدٸ ەدٸل قىرىمگەرەەۆ.
سپورت شەنەۋنٸكتەرٸ بۇل مەسەلەنٸ 10 قاراشاعا دەيٸن شەشۋگە ۋەدە بەردٸ.
باتىس قازاقستان وبلىسىنىڭ دەنە شىنىقتىرۋ جەنە سپورت باسقارماسى قۇراما كوماندالاردىڭ مٷشەلەرٸنە ستيپەندييا 2017 جىلدان باستاپ تٶلەنەتٸنٸن اتاپ ٶتتٸ. بۇعان بيۋدجەتتەن قاراجات بٶلٸنەدٸ.
"بيىل سپورتتىڭ ەر تٷرٸنەن 240 سپورتشى بٸرٸنشٸ جارتىجىلدىققا تٶلەم الدى. ٷشٸنشٸ توقساندا ستيپەندييالار ەلٸ تٶلەنگەن جوق. بيىل بۇل ماقساتقا 106 ميلليون تەڭگە بٶلٸندٸ, بٸراق جەتكٸلٸكسٸز بولدى. بۇل جىلدان-جىلعا سپورتشىلاردىڭ سانى ارتىپ كەلە جاتقاندىعىنا بايلانىستى. توقساندىق شەكٸرتاقى قورى 60 ميلليون تەڭگە بولدى. تٶلەمدەردٸ بيىل 10 قاراشاعا دەيٸن تٶلەيمٸز", - دەدٸ بقو دەنە شىنىقتىرۋ جەنە سپورت باسقارماسى باسشىسىنىڭ ورىنباسارى جەڭٸس نىعمەتۋللين.
