باتىس قازاقستان وبلىسىنىڭ جاڭاقالا اۋدانىندا ٷش جاسٶسپٸرٸم سۋعا باتىپ كٶز جۇمدى. قايعىلى وقيعا 9 ماۋسىم كٷنٸ كەشكٸ ۋاقىتتا جاڭاقازان اۋىلى ماڭىنداعى سارىٶزەندە بولعان, دەپ حابارلايدى ult.kz.
وبلىستىق تٶتەنشە جاعدايلار دەپارتامەنتٸنٸڭ مەلٸمەتٸنشە, 2009 جىلى تۋعان ەكٸ جاسٶسپٸرٸم مەن 2008 جىلى تۋعان بٸر جاس ازامات ارنايى جابدىقتالماعان ەرٸ شومىلۋعا تىيىم سالىنعان جەردە سۋعا تٷسۋ كەزٸندە باتىپ كەتكەن.
ۆەدومستۆونىڭ حابارلاۋىنشا, اتالعان اۋماقتا سۋعا تٷسۋگە بولمايتىنى جٶنٸندە ەسكەرتۋ بەلگٸسٸ ورناتىلعان.
وقيعا تۋرالى حابار تٷسكەننەن كەيٸن قۇتقارۋشىلار جەدەل تٷردە وقيعا ورنىنا اتتانعان. الايدا تجم بٶلٸمشەلەرٸ جەتكەنگە دەيٸن قازا بولعانداردىڭ دەنەلەرٸ جەرگٸلٸكتٸ تۇرعىنداردىڭ كٶمەگٸمەن سۋدان شىعارىلعان.
قازٸرگٸ ۋاقىتتا قايعىلى وقيعانىڭ مەن-جايى مەن سەبەپتەرٸ انىقتالىپ جاتىر.
بەلگٸلٸ بولعانداي, كٶز جۇمعان ٷش جاسٶسپٸرٸم دە بيىل مەكتەپ بٸتٸرگەن تٷلەكتەر بولعان.
تٶتەنشە جاعدايلار قىزمەتٸ ازاماتتاردى تەك ارنايى جابدىقتالعان جەنە رۇقسات ەتٸلگەن ورىنداردا عانا شومىلۋعا شاقىرىپ, بالالاردى سۋ ايدىندارىنىڭ ماڭىندا قاراۋسىز قالدىرماۋ قاجەتتٸگٸن ەسكە سالدى.
