Batys Qazaqstan oblysynyń Jańaqala aýdanynda úsh jasóspirim sýǵa batyp kóz jumdy. Qaiǵyly oqiǵa 9 maýsym kúni keshki ýaqytta Jańaqazan aýyly mańyndaǵy Saryózende bolǵan, dep habarlaidy ult.kz.
Oblystyq tótenshe jaǵdailar departamentiniń málimetinshe, 2009 jyly týǵan eki jasóspirim men 2008 jyly týǵan bir jas azamat arnaiy jabdyqtalmaǵan ári shomylýǵa tyiym salynǵan jerde sýǵa túsý kezinde batyp ketken.
Vedomstvonyń habarlaýynsha, atalǵan aýmaqta sýǵa túsýge bolmaityny jóninde eskertý belgisi ornatylǵan.
Oqiǵa týraly habar túskennen keiin qutqarýshylar jedel túrde oqiǵa ornyna attanǵan. Alaida TJM bólimsheleri jetkenge deiin qaza bolǵandardyń deneleri jergilikti turǵyndardyń kómegimen sýdan shyǵarylǵan.
Qazirgi ýaqytta qaiǵyly oqiǵanyń mán-jaiy men sebepteri anyqtalyp jatyr.
Belgili bolǵandai, kóz jumǵan úsh jasóspirim de biyl mektep bitirgen túlekter bolǵan.
Tótenshe jaǵdailar qyzmeti azamattardy tek arnaiy jabdyqtalǵan jáne ruqsat etilgen oryndarda ǵana shomylýǵa shaqyryp, balalardy sý aidyndarynyń mańynda qaraýsyz qaldyrmaý qajettigin eske saldy.
