باتىس قازاقستانداعى ەلدٸ مەكەندەر توپان سۋدىڭ استىندا قالۋى مٷمكٸن, دەپ حابارلادى كتك. تەلەارنانىڭ حابارلاۋىنشا, باتىس قازاقستانداعى ەلدٸ مەكەندەرگە سۋ باسۋ قاۋپٸ تٶنٸپ تۇر.
جۋىردا تٷسكەن قالىڭ قار بىلاي تۇرسىن, دەمالىس كٷندەرٸ ٶڭٸردە اۋا رايى كٷرت جىلىپ, جاۋىن-شاشىن بولادى دەپ كٷتٸلۋدە. وسىعان بايلانىستى شاعان, دەركٶل جەنە جايىق ٶزەندەرٸ ارناسىنان اسىپ كەتۋٸ مٷمكٸن. ال تاسقىن بولا قالسا, ون مىڭعا جۋىق تۇرعىن زارداپ شەگەيٸن دەپ تۇر. قازٸر جەرگٸلٸكتٸ بيلٸك ٶكٸلدەرٸ مەن قۇتقارۋشىلار اپاتتىڭ الدىن الۋ ٷشٸن قولدان كەلگەننٸڭ بەرٸن جاساۋدا. ولار ٶزەن مۇزىن ويىپ, جۇرتقا قاۋٸپسٸزدٸك شارالارىن بارىنشا تٷسٸندٸرٸپ جاتىر.
"الەكساندر گاپوتچەنكو سۋ كٶپ جينالاتىن مىنا اۋماقتى جيٸ باقىلاپ جٷرەتٸنٸن ايتادى. ەيتپەگەندە ماڭايداعى ەرٸگەن قار سۋى وسىندا جينالىپ, ٷلكەن كٶلگە اينالۋى مٷمكٸن دەيدٸ. سونىڭ كەسٸرٸنەن بۇل اۋماقتا ورنالاسقان ٷيلەردٸ جىلدا سۋ باسادى ەكەن. مۇنى اۋداننىڭ كوممۋنالشىلارى جاقسى بٸلەدٸ", - دەپ حابارلادى تەلەارنا تٸلشٸسٸ.
تۇرعىندار بولسا, بيىل دا ٷيلەرٸنە سۋ كٸرٸپ كەتە مە دەپ الاڭداپ وتىر.
"بىلتىر قاردى ۋاقىتىندا شىعارىپ, قاۋٸپتٸڭ الدىن الدى. الدىڭعى جىلى بۇل شارۋانى كەشٸكتٸرگەندٸكتەن ماڭايداعى سۋدىڭ بەرٸ وسىندا جينالىپ, مىنا جەر كٶلگە اينالعان ەدٸ. تاعى قاۋٸپتەنٸپ وتىرمىز", - دەدٸ ورال قالاسىنىڭ تۇرعىنى الەكساندر گاپوتچەنكو.
سۋ باسۋ قاۋپٸنٸڭ بارىن جەرگٸلٸكتٸ اتقامٸنەرلەر دە مويىنداپ وتىر. ايتۋلارىنشا, قىس ايلارىندا از جاۋعان قار ناۋرىزدا قالىپتى مٶلشەردەن كٶپ تٷسكەن. كوممۋنالدىق قىزمەت سول قاردى ەلٸ تازالاپ بٸتەر ەمەس. ال سينوپتيكتەر دەمالىس كٷندەرٸ ٶڭٸردە اۋا رايىنىڭ كٷرت جىلىپ, جاۋىن-شاشىندى بولاتىنىن ەسكەرتۋدە. شەنەۋنٸكتەردٸڭ قازٸر جانتالاسىپ جاتقانى دا سوندىقتان.
"كوممۋنالدىق مەكەمەلەر ٶزٸنٸڭ تەحنيكاسىمەن جۇمىس ٸستەۋدە, بٸراق ول قازٸر جەتكٸلٸكسٸز بولىپ تۇر. سوندىقتان بٸز جول جٶندەيتٸن مەكەمەلەردٸڭ جەنە قۇرىلىسشىلاردىڭ تەحنيكاسىن تارتتىق. ال الىس ەلدٸ-مەكەندەردە شارۋا قوجالىقتاردىڭ تەحنيكاسىن دا جۇمىلدىردىق. سوندا بارلىعىمىز بٸرگە قازٸر وسى ناۋرىزعا دەيٸن تازالىپ تاستاساق, ەدەۋٸر جەڭٸلدەپ قالادى. قاۋٸپ ازايادى", - دەدٸ باتىس قازاقستان وبلىسىنىڭ ەكٸمٸ التاي كٶلگٸنوۆ.
قۇتقارۋشىلار بولسا قازٸر كٷشەيتٸلگەن تەرتٸپتە جۇمىس ٸستەۋدە. بۇرىن مۇزدى جارىپ تاستاۋ ەدٸسٸن قولدانعان ماماندار قازٸر ونى ارنايى قۇرىلعىمەن ويىپ جاتىر. ٶيتكەنٸ, جارۋ امالى قاۋٸپتٸ ەرٸ قورشاعان ورتاعا زيياندى ەكەن. ورال اۋماعىندا ٷش بٸردەي ٶزەن ارناسىنىڭ بارىن ايتا كەتەيٸك. قۇتقارۋشىلار قازٸر ونداعى قاۋٸپتٸ اۋماقتاردىڭ بەرٸن جٸتٸ باقىلاۋدا.
"مۇزدى كەسٸپ, ولاردى ويىپ ولاردىڭ قالىڭدىعىن ەلسٸرەتەمٸز. قالا بويىنشا 19 ورىندا شاعان جەنە دەركٶل ٶزەندەرٸندە, ال سونىمەن قاتار وبلىستا جٷرگٸزٸلٸپ جاتىر. بۇل تاسقالا, زەلەنوۆ جەنە اقجايىق اۋداندارى", - دەدٸ بقو تجد جەدەل قۇتقارۋ جاساعىنىڭ باس قۇتقارۋشىسى اياگٶز قوجانباەۆا.
بولجامدارعا قاراعاندا, بيىل جايىق ٶزەنٸنٸڭ دەڭگەيٸ بىلتىرعا قاراعاندا 6 مەترگە جوعارى بولادى دەپ كٷتٸلۋدە. تٸپتٸ, كەيبٸر جەرلەردە 8,5 مەترگە دەيٸن كٶتەرٸلۋٸ مٷمكٸن. بۇل وبلىس ورتالىعى اۋماعىنداعى ساياجايلار مەن ٶڭٸردەگٸ ەلدٸ مەكەندەردٸ سۋ باسۋ قاۋپٸ بار دەگەن سٶز. سوندىقتان قازٸردٸڭ ٶزٸندە جەدەل ەۆاكۋاتسييالاۋعا ارنالعان 28 ورىن ساقاداي ساي دايىن تۇر.
