باتىس قازاقستان وبلىسىندا جاڭا مۇنايگاز حيميياسى ٶندٸرٸسٸن قالىپتاستىرۋعا بولادى. بۇل تۋرالى «كوندەنسات» اق ديرەكتورلار كەڭەسٸنٸڭ تٶراعاسى, وبلىستىق مەسليحات دەپۋتاتى فاريد باحتيوزين مەلٸم ەتتٸ, دەپ حابارلايدى "ۇلت اقپارات".
مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا: «قازاقستاننىڭ باتىس ٶڭٸرلەرٸ مۇناي-حيمييا كەشەندەرٸن سالىپ, جوعارى دەڭگەيدەگٸ قايتا ٶڭدەۋ ٸسٸنٸڭ جاڭا ٶندٸرٸستٸك تسيكلدارىن قۇرۋ ٷشٸن ينۆەستيتسييا تارتاتىن ورتالىققا اينالۋى تيٸس» دەپ اتاپ كٶرسەتكەن بولاتىن.
- پرەزيدەنت ايتقان وسى مەسەلەنٸ قولداي وتىرىپ, باتىس قازاقستانداعى قاراشىعاناق كەنٸشٸ نەگٸزٸندە ونى جٷزەگە اسىرۋدىڭ تولىق العىشارتتارى بار. قازٸر مۇندا ٶندٸرٸلگەن گاز ەكٸ باعىتقا جٸبەرٸلۋدە. بٸرٸنشٸسٸ: ورىنبور گاز ٶڭدەۋ زاۋىتىنا ٶڭدەۋ ٷشٸن جەنە وبلىستى وتىندىق گازبەن قامتاماسىز ەتۋ ماقساتىندا بەلگٸلٸ بٸر بٶلٸگٸن كەرٸ قايتارۋ ٷشٸن. ەكٸنشٸسٸ: جەر قىرتىسىنا كەرٸ ايداۋ. شيكٸ گازدى وسى ەكٸ باعىتتان ٸشٸنارا الۋ ارقىلى باتىس قازاقستان وبلىسىندا جاڭا مۇناي-گاز حيميياسى ٶندٸرٸسٸن قالىپتاستىرۋعا ەبدەن بولادى. ول ٷكٸمەت تولىق قولداعان جاعدايدا جٷزەگە اسادى, - دەيدٸ ف.باحتيوزين.
ونىڭ ايتۋىنشا, «كوندەنسات» اق ماماندارى قاراشىعاناقتىڭ شيكٸ گازىن ٶڭدەپ, بٸرٸنشٸ كەزەڭدە پوليەتيلەن جەنە سۇيىتىلعان گاز ٶندٸرٸسٸن قۇرۋ, ال ەكٸنشٸ كەزەڭدە پوليپروپيلەن ٶندٸرۋ بويىنشا تەحنولوگييالىق جەنە قۇرىلىسقا قاتىستى كەرەك-جاراقتى جاساپ شىعاردى.
وسى ورايدا قاجەتتٸلٸگٸنە قاراي اتالمىش جوبا اياسىندا مىنانداي ٶزگە دە ٶندٸرٸستەردٸ ۇيىمداستىرۋعا بولادى: بٸرٸنشٸسٸ, ەتيلەنگليكول – جەڭٸل ٶنەركەسٸپتە سينتەتيكالىق جٸپ الۋعا قاجەتتٸ اسا باعالى شيكٸزات. ەكٸنشٸسٸ, ەتيلترەبۋتيل ەفير ەبتە, يزومەريزات س5+ نەمەسە الكيلات – موتور مايىنا جوعارى ساپالى قوسپا. ودان سوڭ اۋتوكٶلٸككە ارنالعان جوعارى ساپالى پروپان.
ف.باحتيوزيننٸڭ سٶزٸنە قاراعاندا, اتالعان جوبا اياسىندا 1 ملرد تەكشە مەتر قاراشىعاناقتىڭ شيكٸ گازى بٶلٸنەتٸن بولسا, وبلىس جىل سايىن 100 ملن اقش دوللارىنان كەم ەمەس كٶلەمدە سالىق تٷسٸمٸن تٷسٸرەدٸ, 1 مىڭ جاڭا جۇمىس ورنى اشىلادى.
تاعى بٸر ايتاتىن جايت, مەملەكەت باسشىسى ٶز جولداۋىندا مونوقالالاردى قولداۋ قاجەتتٸگٸن اتاپ ٶتتٸ. بٶرلٸ اۋدانىندا وسىنداي ٶندٸرٸستٸ ۇيىمداستىرۋ, قاراشىعاناق كەنٸشٸن يگەرۋشٸ وپەراتور – «قپو ب.ۆ.» كومپانيياسىنىڭ قىزمەتٸن قوسا العاندا, سٶز جوق, اقساي قالاسىنىڭ دامۋىنا قوسىمشا قارقىن قوسارى انىق.
پرەزيدەنت ۇسىنىسىنىڭ ماڭىزدىلىعى سول, وسى ٶندٸرٸس نەگٸزٸندە ٶزگە دە كٶپتەگەن قاناتتاس ٶندٸرٸستەردٸ, تۇتاس بٸر كلاستەردٸ دامىتۋعا جول اشىلادى. مىسالى, پوليمەرلەرگە جاتاتىن پلاستماسسادان كەز كەلگەن بۇيىمداردى جاساۋعا بولادى. ياعني كەدٸمگٸ قالام مەن شەلەكتەن باستاپ, كەمە قۇراستىرۋ مەن اۆياتسييالىق اسا كٷردەلٸ بۇيىمداردى ٶندٸرۋ مٷمكٸندٸگٸ تۋادى. كٷنٸ بٷگٸن باتىس قازاقستان وبلىسىندا ورنالاسقان, ەلدەگٸ جالعىز پلاستيك قۇبىر ٶندٸرەتٸن ٸرٸ كەسٸپورىن «ورال ساۋدا-ٶنەركەسٸپ كومپانيياسى» جشس قاجەتتٸ شيكٸزاتتى رەسەيدەن يمپورتتاۋعا مەجبٷر.
جاڭا جوبا جەڭٸل ٶنەركەسٸپتٸ, ناقتى ايتقاندا, كيٸم ٶندٸرٸسٸن دامىتۋعا جەردەمدەسەدٸ. جوعارىدا ايتىلعان اۋتوكٶلٸك جانارمايىنا جوعارى ساپالى قوسپالار ٶندٸرۋ, كٶلٸكتٸ ٶزٸمٸزدٸڭ سۇيىتىلعان گازبەن قامتۋ دا ٶڭٸردٸڭ ٶركەندەۋٸنە ىقپال ەتەدٸ. مۇنىڭ بارلىعى جاڭا جۇمىس ورىندارىن اشادى.
«حيمييا ٶنەركەسٸبٸندە قاراشىعاناقتىڭ شيكٸ گازىن ٶڭدەۋ كەزٸندە بٶلٸنگەن وتىندىق ٸلەسپە گاز دا وبلىستىڭ ٶز قاجەتٸنە جاراتىلىپ, بۇل ٶز كەزەگٸندە جەرگٸلٸكتٸ تۇتىنۋشىلارعا بەرٸلەتٸن گاز باعاسىنا وڭ ەسەرٸن تيگٸزەرٸ انىق. راس, ول جاعدايدا جوباعا بٶلٸنەتٸن شيكٸ گازدىڭ كٶلەمٸن از-كەم ۇلعايتۋ قاجەت. دەگەنمەن ول بٸزدٸڭ ەكونوميكالىق قاۋٸپسٸزدٸگٸمٸزدٸ نىعايتادى.
شيكٸزاتتى بٶلۋ مەسەلەسٸن شەشەر بولساق, بٸزدٸڭ مۇناي ٶڭدەۋ زاۋىتىنىڭ مىسالىنان دا كٶرٸنٸپ تۇرعانداي, اتالمىش جوبانى جٷزەگە اسىرۋ ارقىلى بٸز مەملەكەت باسشىسىنىڭ تاپسىرماسىن ٸس جٷزٸندە ورىنداي الامىز. ەڭ باستىسى, وبلىس, تۇتاس ەل ەكونوميكاسىنىڭ ٶسۋٸنە, ازاماتتاردىڭ ەل-اۋقاتىنىڭ ارتۋىنا ناقتى قول جەتكٸزەمٸز», دەپ تٷيٸندەدٸ ويىن ف.باحتيوزين.
