باتىس قازاقستان وبلىسىندا سوڭعى اپتادا كوروناۆيرۋس جۇقتىرۋ دەڭگەيٸ 20,5 پايىزعا ٶستٸ, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆ ٶڭٸرلٸك كوممۋنيكاتسييالار قىزمەتٸ الاڭىندا مەلٸم ەتكەندەي, الدىڭعى اپتادا وبلىستا 519 ادام تٸركەلسە, 26 ناۋرىز – 1 سەۋٸر ارالىعىندا 653-كە جەتتٸ.
سوڭعى تەۋلٸكتە كوروناۆيرۋس جۇقتىرعاندار سانى (104) جٷزدەن اسىپ كەتتٸ.
نۇرلىبەك ەرمەكۇلىنىڭ ايتۋىنشا, 1 ناۋرىزدان بەرٸ 2242 ادام تٸركەلدٸ. سونىڭ 1002-سٸنەن (44,6 پايىزى) جرۆي بەلگٸلەرٸ بويىنشا تەكسەرٸلگەندە انىقتالسا, 732-سٸ (32,6 پايىزى) بۇرىن اۋىرعاندارمەن قارىم-قاتىناستا بولعان.
399-ى (17,7 پايىزى) پروفيلاكتيكالىق ماقساتتا قارالعاندا, 109-ى (4,8 پايىزى) ستاتسيونارعا جاتقىزار الدىندا سىناما الىنعاندا, ۆيرۋس جۇقتىرعانى بەلگٸلٸ بولدى.
سونداي-اق وسى كەزەڭدە كۆي جۇقتىرعاندارمەن بايلانىستا بولعان 4396 ادام مەديتسينالىق باقىلاۋعا الىندى.
اۋىرعانداردىڭ 787-سٸ (35,1 پايىزى) – جۇمىس جاسايتىندار, 600-ٸ (26,7 پايىزى) – زەينەتكەرلەر, 453-ٸ (20,2 پايىزى) – جۇمىسسىزدار, 162-سٸ (7,2 پايىزى) – وقۋشىلار, 66-سى (2,9 پايىزى) – مەديتسينا قىزمەتكەرلەرٸ, 68-ٸ (3 پايىزى) – مۇعالٸمدەر.
«وبلىستا وقۋ جىلى باستالعاننان بەرٸ بارلىعى 636 وقۋشىدان كوروناۆيرۋس انىقتالدى. سونىڭ ٸشٸندە ٷشٸنشٸ توقساندا 11 قاڭتاردان بەرٸ 421 وقۋشىنىڭ (243-ٸ دەستٷرلٸ فورماتتا, 178-ٸ قاشىقتان بٸلٸم الادى) اۋىرعانى بەلگٸلٸ بولدى. قالا مەن اۋدانداردىڭ باس مەملەكەتتٸك سانيتارلىق دەرٸگەرلەرٸنٸڭ قاۋلىسىمەن ەكٸ مەكتەپتە 4 سىنىپ, تٶرت بالاباقشادا 4 توپ, 1 جوو-دا ەكٸ, 1 ورتا ارناۋلى بٸلٸم بەرەتٸن مەكەمەدە بٸر توپ كارانتينگە جابىلدى», دەدٸ ن.مۇستاەۆ.
ناۋرىز ايىنىڭ باسىنان بەرٸ مونيتورينگتٸك توپتار 642 رەيد جٷرگٸزٸپ, 5976 نىساندى قامتىدى. تٶرت نىساندا كارانتين تالابىن بۇزۋشىلىق انىقتالدى. 26 حاتتاما تولتىرىلىپ, 1,7 ملن استام تەڭگە كٶلەمٸندە ايىپپۇل سالىندى.
