باتىس قازاقستان وبلىسىندا ساۋدا ورىندارىندا قانتتىڭ جەتكٸلٸكتٸ قورى بار, دەپ حابارلايدى قازاقپارات.
بقو كەسٸپكەرلٸك جەنە يندۋستريالدى-يننوۆاتسييالىق دامۋ باسقارماسى مەلٸم ەتكەنٸندەي, 12-13 ناۋرىز كٷندەرٸ نەگٸزگٸ بازارلار مەن ساۋدا ورىندارىنداعى جاعدايعا مونيتورينگ جاساۋ جەنە ازىق-تٷلٸك ٶنٸمدەرٸن كٶتەرمە ٶتكٸزۋشٸلەرمەن كەلٸسسٶز جاساۋ بارىسىندا ٶزگە ەلدەر ازاماتتارى تاراپىنان تاۋار ساتىپ الۋعا دٷرلٸگۋ بايقالعان جوق.
سونىمەن قاتار ەلەۋمەتتٸك جەلٸلەردە رەسەيدەن ەكسپورتقا تىيىم سالۋعا بايلانىستى قانتتىڭ تاپشىلىعى بولۋى مٷمكٸن دەگەن اقپارات تاراپ كەتتٸ. سونىڭ سالدارىنان ورال قالاسىنداعى جەكەلەگەن سۋپەرماركەتتەردە جەرگٸلٸكتٸ تۇرعىندار اراسىندا قانتتى ساتىپ الۋ 4 ەسەگە ارتتى.
سوڭعى كٷندەرٸ قانت باعاسىنىڭ ٶسۋٸ رەسەيدەن ەۋرازييالىق ەكونوميكالىق وداق ەلدەرٸنە استىق پەن قانتتى ەكسپورتتاۋعا ۋاقىتشا تىيىم سالىنۋىنا وراي اتالمىش ٶنٸمدٸ جەتكٸزۋشٸلەردٸڭ كٶتەرمە باعاسىنىڭ كٶتەرٸلۋٸنە بايلانىستى.
وبلىس ەكٸمدٸگٸ قانت باعاسىن تۇراقتاندىرۋ ماقساتىندا قاجەتتٸ شارالاردى قابىلداۋدا. مەسەلە جەرگٸلٸكتٸ اتقارۋشى ورگانداردىڭ باقىلاۋىندا.
بقو ستاتيستيكا دەپارتامەنتٸنٸڭ مەلٸمەتٸنە قاراعاندا, سوڭعى اپتادا قانتتىڭ ورتاشا بٶلشەك ساۋدا باعاسى 1,7 پايىزعا ارتقان. مۇنىڭ نەگٸزگٸ سەبەبٸ دوللار باعامىنىڭ ٶزگەرۋٸنە بايلانىستى.
سونداي-اق قانتتىڭ نەگٸزگٸ كٶلەمٸ وبلىسقا رەسەي مەن بەلارۋستان جەتكٸزٸلەدٸ. رەسەيگە سالىنعان سانكتسييا سالدارىنان اتالعان ەلدەردەگٸ بٸرقاتار ٸرٸ زاۋىتتار كٶتەرمە ساۋداعا دايىن ٶنٸم شىعارۋدى جەنە ەكسپورتتاۋدى ۋاقىتشا دوعارعان.
قازٸرگٸ كەزدە ٷكٸمەت داعدارىسقا قارسى, سونىڭ ٸشٸندە ٶڭٸرلەردٸڭ يمپورتقا تەۋەلدٸلٸگٸن تٶمەندەتۋ باعىتىنداعى شارالاردى قابىلداۋدا. جەرگٸلٸكتٸ جەردە دە تاپشىلىققا جول بەرمەۋ جەنە وتاندىق تاۋار ٶندٸرۋشٸلەرمەن قارىم- قاتىناستى رەتتەۋ ماقساتىندا جۇمىستار جٷرگٸزٸلۋدە.
