باتىس قازاقستان وبلىسىندا Pfizer ۆاكتسيناسىمەن ەگٸلەتٸندەردٸڭ تٸزٸمٸ جاسالدى, دەپ حابارلايدى قازاقپارات.
بقو دەنساۋلىق ساقتاۋ باسقارماسىنىڭ باسشىسى مٸندەتٸن اتقارۋشى ارمان قاليبەكوۆتٸڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, اتالعان ۆاكتسينا ٶڭٸرگە جەتكٸزٸلٸپ, قويماعا تٷسكەننەن كەيٸن تيٸستٸ جۇمىستار جاسالاتىن بولادى.
جوسپار بويىنشا Pfizer ۆاكتسيناسىمەن بٸرٸنشٸ كەزەكتە جٷكتٸ ەيەلدەر مەن 12-18 جاس ارالىعىنداعى جاسٶسپٸرٸمدەر ەگٸلەدٸ. بالالاردى ۆاكتسيناتسييالاۋ تەك اتا-انانىڭ تاڭداۋى بويىنشا ەرٸكتٸ تٷردە جٷرگٸزٸلەدٸ.
ا.قاليبەكوۆتٸڭ ايتۋىنشا, كٷنٸ بٷگٸنگە دەيٸن وبلىستا 242 752 ادام ۆاكتسينانىڭ بٸرٸنشٸ كومپونەنتٸمەن ەگٸلدٸ. بۇل – ەگٸلۋگە تيٸستٸ تۇرعىنداردىڭ 58,6 پايىزى. سونىڭ ٸشٸندە 174 708-ٸ «سپۋتنيك V», 15 039-ى QazVac, 24 974-ٸ Hayat-Vax, 7 718-ٸ Corona-Vac, 20 313-ٸ Vero Cell ۆاكتسيناسىن قابىلدادى.
سونداي-اق 222 344 ادام ەكٸنشٸ كومپونەنتتٸ الدى.
«وبلىستا قولدانىلعان كارانتيندٸك شەكتەۋ شارالارى مەن ۆاكتسيناتسييا جاقسى نەتيجە بەرٸپ, كوروناۆيرۋس جۇقتىرۋ كٶرسەتكٸشٸنٸڭ ازايىپ, ٶڭٸردٸڭ جاسىل ايماققا ەنۋٸنە سەپتٸگٸن تيگٸزدٸ», دەدٸ ا.قاليبەكوۆ.
ونىڭ سٶزٸنە قاراعاندا, پاندەمييا باستالعاننان بەرٸ ٸندەت جۇقتىرعان 39 323 ناۋقاستىڭ 90 پايىزى (35 521) جازىلىپ شىقتى. بارلىعى 826, بيىل 657 ادام ينفەكتسييادان كٶز جۇمدى.
قازٸرگٸ كەزدە وبلىس بويىنشا 405 ادام امبۋلاتورلىق ەم الۋدا. وعان قوسا ينفەكتسييالىق ستاتسيونارلاردا جاتقان 136 ناۋقاستىڭ 11-ٸ اۋىر حالدە. اسا اۋىر حالدەگٸلەر جوق. ينۆازيۆتٸ ەمەس جاساندى تىنىس الۋ اپپاراتىنا 8 پاتسيەنت قوسىلعان.
