باتىس قازاقستان وبلىسىندا قاسقىردىڭ مالعا شابۋى جيٸلەپ كەتتٸ, دەپ حابارلايدى قازاقپارات اگەنتتٸگٸ.
وبلىس ورتالىعىنان ەڭ شالعايدا ورنالاسقان بٶكەي ورداسى اۋدانىندا قاسقىر مال باققان شارۋالار ٷشٸن باس اۋىرتار مەسەلەگە اينالدى.
حان ورداسى اۋىلدىق وكرۋگٸندەگٸ «بەرەكە» شارۋا قوجالىعىنىڭ باسشىسى ەركٸن جاباسوۆتىڭ ايتۋىنشا, سوڭعى ەكٸ-ٷش جىلدا قاسقىر اۋلانعان جوق. سونىڭ سالدارىنان ولاردىڭ سانى كٶبەيٸپ وتىر.
«قازٸرگٸ تاڭدا مالشىلاردا مىلتىق جوق. كٷن سايىن بٸر باس مالدى «جاماناۋىز» ەكەتٸپ جاتىر. جىل سايىن قۇلىننىڭ ەلۋ پايىزى يت-قۇسقا جەم بولادى. بۇرىن قىستا قارشانامەن اۋلايتىن ەدٸ, ول دا تىيىلدى. ەڭبەگٸن تٶلەپ, تٷز تاعىسىن اۋلاتاتىن قاسقىرشى دا جوق قازٸر. جيىنداردا وسى مەسەلەنٸ ايتۋداي-اق ايتىپ جٷرمٸز, بٸراق نەتيجە جوق», دەدٸ جاباسوۆ.
ۇيالى اۋىلدىق وكرۋگٸنٸڭ ەكٸمٸ ەرلان ەرمەكقاليەۆتٸڭ سٶزٸنە قاراعاندا, سوڭعى ون-ون بەس كٷندە قاسقىردىڭ مالعا اۋىز سالۋى جيٸلەدٸ.
وكرۋگتە 62 شارۋا قوجالىعى بولسا, سولاردان كٷنٸنە 4-5 باس بۇزاۋدى جەپ كەتٸپ جاتىر دەگەن حابار تٷسەدٸ.
«بٸر اڭشىعا ٷش قاسقىر اۋلاۋعا بولادى دەگەن ليميت بار, بٸزدٸڭشە, سونىڭ سانىن كٶبەيتۋ كەرەك», دەدٸ اۋىل ەكٸمٸ.
بقو ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنىڭ باس مامانى ارمان ٸزٸمعاليەۆتٸڭ مەلٸم ەتكەنٸندەي, بٸر جىلعا 196 باس قاسقىردى اۋلاۋعا ليميت بەلگٸلەنگەن. كٷنٸ بٷگٸنگە دەيٸن Egov پورتالى ارقىلى 186 باس بٶرٸنٸ اتۋعا رۇقسات بەرٸلدٸ. ەندٸ بيىل 10 باس قاسقىردى عانا اتۋعا رۇقسات قالدى.
«اڭشىلاردا ارنايى كۋەلٸگٸ, تٸركەلگەن مىلتىعى بولۋى كەرەك. ەر اڭشىعا 3 قاسقىردى اتۋعا رۇقسات بەرٸلەدٸ. ەگەر تٷز تاعىسىنىڭ سانى كٶبەيسە, ليميت سانى كەلەسٸ جىلى ارتادى», دەدٸ ٸزٸمعاليەۆ.
