باتىس قازاقستان وبلىسىندا 800 تٶسەكتٸك 10 ينفەكتسييالىق ستاتسيوناردا 580 ادام ەمدەلۋدە, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, اۋرۋحانالار 72,5 پايىزعا تولعان.
سونىڭ ٸشٸندە 29 ناۋقاس جانساقتاۋ بٶلٸمشەسٸندە جاتىر.
سونداي-اق 195 تٶسەكتٸك 4 كارانتيندٸك ستاتسيوناردا 17 ادام ەم الۋدا.
سوڭعى تەۋلٸكتە 117, بٸر اپتادا 830 ادامنان كوروناۆيرۋس انىقتالدى.
پنەۆمونيياعا شالدىققان 426 ادام ستاتسيوناردا, 43-ٸ امبۋلاتورلىق ەم الۋدا.
ينۆازيۆتٸ جاساندى تىنىس الۋ اپپاراتىنا 7, ينۆازيۆتٸ ەمەس وسىنداي قۇرىلعىعا 9, وتتەگٸ كونتسەنتراتورىنا 39, ورتالىقتاندىرىلعان وتتەگٸ كٶزٸنە 119 ادام قوسىلعان.
وقۋ جىلى باستالعان قىركٷيەكتەن بەرٸ 765, سونىڭ ٸشٸندە بيىل 560 بالادان ٸندەت تابىلدى.
بقو سانيتارلىق-ەپيدەميولوگييالىق باقىلاۋ دەپارتامەنتٸ مەلٸمەتٸنە قاراعاندا, قازٸرگٸ تاڭدا وبلىستا بٸر مەكتەپ (اۋداندا) تٷگەلدەي كارانتينگە جابىلعان. وعان قوسا 25 مەكتەپتە 35 سىنىپ, 1 جوو-دا 3, 8 بالاباقشادا 9 توپقا وسىنداي شەكتەۋ قويىلدى.
ەسكە سالا كەتەيٸك, بۇدان بۇرىن باتىس قازاقستاندا سوڭعى تٶرت كٷندە 463 ادامنان كوروناۆيرۋس انىقتالعانىن جازعان بولاتىنبىز.
