Batys Qazaqstan oblysynda 800 tósektik 10 infektsiialyq statsionarda 580 adam emdelýde, dep habarlaidy "Ult aqparat".
BQO densaýlyq saqtaý basqarmasy málim etkenindei, aýrýhanalar 72,5 paiyzǵa tolǵan.
Sonyń ishinde 29 naýqas jansaqtaý bólimshesinde jatyr.
Sondai-aq 195 tósektik 4 karantindik statsionarda 17 adam em alýda.
Sońǵy táýlikte 117, bir aptada 830 adamnan koronavirýs anyqtaldy.
Pnevmoniiaǵa shaldyqqan 426 adam statsionarda, 43-i ambýlatorlyq em alýda.
Invazivti jasandy tynys alý apparatyna 7, invazivti emes osyndai qurylǵyǵa 9, ottegi kontsentratoryna 39, ortalyqtandyrylǵan ottegi kózine 119 adam qosylǵan.
Oqý jyly bastalǵan qyrkúiekten beri 765, sonyń ishinde biyl 560 baladan indet tabyldy.
BQO sanitarlyq-epidemiologiialyq baqylaý departamenti málimetine qaraǵanda, qazirgi tańda oblysta bir mektep (aýdanda) túgeldei karantinge jabylǵan. Oǵan qosa 25 mektepte 35 synyp, 1 JOO-da 3, 8 balabaqshada 9 topqa osyndai shekteý qoiyldy.
Eske sala keteiik, budan buryn Batys Qazaqstanda sońǵy tórt kúnde 463 adamnan koronavirýs anyqtalǵanyn jazǵan bolatynbyz.
