رۋحاني جاڭعىرۋ باعدارلاماسى اياسىندا باتىس قازاقستان وبلىسىنىڭ مەدەنيەت سالاسىندا 2018 جىلى بٸراز ٸس-شارا جوسپارلانعان. سونىڭ بٸرٸ – قازاقستاننىڭ جالپىۇلتتىق كيەلٸ نىسانى قاتارىنا كٸرگەن عۇمار قاراش زيراتى ورنىنا كەسەنە ورناتىلماق. بۇل جٶنٸندە ٶڭٸردەگٸ مەدەنيەت, ارحيۆتەر جەنە قۇجاتتاما باسقارماسىنىڭ باسشىسى قادىربولات مۇساعاليەۆ حابارلادى.
سالا باسشىسىنىڭ ايتۋىنشا, ٶتكەن جىل ٸشٸندە ٶڭٸردە «تۋعان جەر – تۋعان ەل» باعدارلاماسى بويىنشا - 66 شارا, «قاسيەتتٸ قازاقستان» جوباسى بويىنشا – 25 شارا ۇيىمداستىرىلعان. ال «تۋعان جەر – تۋعان ەل» باعىتى بويىنشا 2017 جىلى جالپى كٶلەمٸ 57675,0 مىڭ تەڭگەنٸ قۇرايتىن 21 شارا ٶتكٸزٸلگەن. مۇنىڭ ٸشٸندە 16 جەلتوقسان كٷنٸ ورال قالاسىندا اشىلعان «رۋحاني جاڭعىرۋ» مۋزەيٸن اتاپ ايتۋعا بولادى. بۇل جوبانىڭ قۇنى - 40 ملن. تەڭگەنٸ قۇراعان. ال سىرىم اۋدانىنداعى الاش مۋزەيٸ 22 ملن.914 مىڭ تەڭگەگە كٷردەلٸ جٶندەۋدەن ٶتٸپ, ەكسپوزيتسيياسى جاڭارتىلدى.
قادىربولات مۇساعاليەۆ بولاشاقتا اۋىل كٸتاپحانالارى مەدەني, اعارتۋ جەنە ويىن-ساۋىق ورتالىقتارىنا اينالاتىنىن, بۇل باعىتتاعى جاڭعىرتۋ جۇمىسى اۋدان ەكٸمدٸكتەرٸمەن بٸرلەسە جٷرٸپ جاتقانىن ايتتى.
سونداي-اق «ٸشكٸ تۋريزم» باعىتى بويىنشا وبلىستا ۆيرتۋالدى تۋرلار جەنە وبلىس ٸشٸندەگٸ باعىتتار بويىنشا جورىقتار ۇيىمداستىرىلماق, بۇل ماقساتقا - 12 ملن. تەڭگە قاراستىرىلعان.
ايتا كەتەيٸك, باتىس قازاقستان وبلىسىندا قازاقستاننىڭ ماكروساكرالدى وبەكتٸلەر تٸزٸمٸنە 6 نىسان, اتاپ ايتساق – ورتاعاسىرلىق جايىق قالاشىعى, تاقساي وبالار كەشەنٸ, بٶكەيورداسى تاريحي مۋزەي كەشەنٸ, الاش مۋزەيٸ, جۇماعازى حازرەت كەسەنەسٸ جەنە عۇمار قاراش زيراتى كٸرگەن بولاتىن. 1921 جىلى 21 سەۋٸردە 45 جاسىندا قاسكٶيلەر قولىنان قازا تاپقان اعارتۋشى اقىنعا ارنالعان شاعىن قورشاۋ مەن بەلگٸ قازٸرگٸ جەنٸبەك اۋدانى بورسى اۋىلىنان 10 شاقىرىم جەردەگٸ قاراش كٶلٸ مەكەنٸندە ورنالاسقان.
قازبەك قۇتتىمۇراتۇلى,
«ەگەمەن قازاقستان»
