باتىس قازاقستان وبلىسىندا دالا ٶرتٸ ٷش كٷننەن كەيٸن سٶندٸرٸلدٸ, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, 22 تامىز كٷنٸ اقجايىق اۋدانى بۋدارين اۋىلىنان 3 شاقىرىم جەردە ٶرت شىققان ەدٸ.
ونىڭ اۋماعى شامامەن 265 گەكتاردى قامتىسا, سونىڭ 249 گەكتارىندا قۇرعاق شٶپ, 16 گەكتارىندا ورمان القابى وتقا وراندى. كەشە ٶرت سٶندٸرۋشٸلەرگە كٶمەككە «قازاۆياقۇتقارۋدىڭ» مي-8 تٸكۇشاعى اتىراۋدان كەلٸپ جەتتٸ. ٶرت ەلٸ تولىقتاي جويىلعان جوق, جەكە قۇرامنان 61 ادام 11 تەحنيكامەن سول جەردە قالىپ, باقىلاۋدا.
24 تامىز كٷنٸ ساعات 12.42-دە بەيتەرەك اۋدانى ششاپوۆ اۋىلدىق وكرۋگٸنە قاراستى ٷلكەن شاعان اۋىلى ماڭىندا 100 گەكتار دالا ٶرتٸ تٸركەلدٸ, سونىڭ تەڭ جارتىسى ورمان القابىنا جاتادى.
«تٸلسٸز جاۋ» تج دەپارتامەنتٸ (21 قىزمەتكەر, 6 تەحنيكا), «ٶرت سٶندٸرۋشٸ» (7 قىزمەتكەر, 2 تەحنيكا), ەرٸكتٸ ٶرت سٶندٸرۋ جاساعى (16 ادام, 4 تەحنيكا) كٷشٸمەن بٷگٸن ساعات 03.20-دا اۋىزدىقتالدى.
مۇندا مي-8 ۇشاعى ەۋەدەن بەس رەت سۋ شاشتى.
ٶرت سٶندٸرٸلگەنٸمەن, كٷن جەل بولعاندىقتان, جەكە قۇرام مەن تٸكۇشاق سول جەردەن ەلٸ كەتكەن جوق.
باتىس قازاقستاندا كٷن ٶتە ىستىق بولعاندىقتان, تٶتەنشە ٶرت قاۋپٸ سەيٸلمەي تۇر.
