Batys Qazaqstan oblysynda dala órti úsh kúnnen keiin sóndirildi, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, 22 tamyz kúni Aqjaiyq aýdany Býdarin aýylynan 3 shaqyrym jerde órt shyqqan edi.
Onyń aýmaǵy shamamen 265 gektardy qamtysa, sonyń 249 gektarynda qurǵaq shóp, 16 gektarynda orman alqaby otqa orandy. Keshe órt sóndirýshilerge kómekke «Qazaviaqutqarýdyń» MI-8 tikushaǵy Atyraýdan kelip jetti. Órt áli tolyqtai joiylǵan joq, jeke quramnan 61 adam 11 tehnikamen sol jerde qalyp, baqylaýda.
24 tamyz kúni saǵat 12.42-de Báiterek aýdany Shapov aýyldyq okrýgine qarasty Úlken Shaǵan aýyly mańynda 100 gektar dala órti tirkeldi, sonyń teń jartysy orman alqabyna jatady.
«Tilsiz jaý» TJ departamenti (21 qyzmetker, 6 tehnika), «Órt sóndirýshi» (7 qyzmetker, 2 tehnika), erikti órt sóndirý jasaǵy (16 adam, 4 tehnika) kúshimen búgin saǵat 03.20-da aýyzdyqtaldy.
Munda MI-8 ushaǵy áýeden bes ret sý shashty.
Órt sóndirilgenimen, kún jel bolǵandyqtan, jeke quram men tikushaq sol jerden áli ketken joq.
Batys Qazaqstanda kún óte ystyq bolǵandyqtan, tótenshe órt qaýpi seiilmei tur.
