باتىس قازاقستان وبلىسىندا بٸر كومپانييانىڭ 47 قىزمەتكەرٸنەن كوروناۆيرۋس تابىلدى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا مەلٸم ەتكەنٸندەي, بٶرلٸ اۋدانىندا بوناتتي س.پ.ا. كومپانيياسى قازاقستاندىق فيليالى قىزمەتكەرلەرٸ اراسىندا ۆاحتالىق اۋىسىمنان شىعۋ الدىنداعى سكرينينگ كەزٸندە 47 ادامنان سيمپتومسىز ٸندەت انىقتالدى.
بٶرلٸ اۋدانىندا بيىلعى جىل باسىنان بەرٸ اۋىرعاندار سانى 100-گە جەتكەن.
وسىعان وراي بٶرلٸ اۋدانى باس مەملەكەتتٸك سانيتار دەرٸگەرٸنٸڭ 13 قاڭتارداعى قاۋلىسىمەن شەكتەۋ شارالارى كٷشەيتٸلدٸ. اتاپ ايتقاندا, قوعامدىق تاماقتاندىرۋ جەنە باسقا كٶپشٸلٸك ورىنداردا سانيتارلىق-دەزينفەكتسييالىق رەجٸمنٸڭ ساقتالۋىن باقىلاۋ كٷشەيتٸلٸپ, مەملەكەتتٸك ورگاندار قىزمەتكەرلەرٸنٸڭ 80 پايىزى قاشىقتان جۇمىس ٸستەۋگە كٶشٸرٸلدٸ.
سول سەكٸلدٸ جەنٸبەك اۋدانى بورسى اۋىلدىق وكرۋگٸندە 8 ادام ٸندەت جۇقتىرعان. سوندىقتان كوروناۆيرۋس جۇقپاسىن ودان ەرٸ تاراتپاۋ ماقساتىندا بورسى اۋىلىندا كارانتيندٸك شەكتەۋ شارالارى كٷشەيتٸلٸپ, بلوكپوست قويىلدى.
سونداي-اق ورال قالاسىندا 1 بالاباقشا تەربيەلەنۋشٸسٸنٸڭ كوروناۆيرۋس جۇقتىرعانى تٸركەلدٸ. ورال قالاسى باس مەملەكەتتٸك سانيتار دەرٸگەرٸ مٸندەتٸن اتقارۋشىنىڭ قاۋلىسىمەن كارانتين بەلگٸلەنٸپ, بالاباقشا توبىنىڭ قىزمەتٸ توقتاتىلدى. بايلانىستا بولعان 18 ادام (15 تەربيەلەنۋشٸ مەن 3 بالاباقشا قىزمەتكەرٸ) مەديتسينالىق باقىلاۋعا الىندى.
نۇرلىبەك ەرمەكۇلىنىڭ سٶزٸنە قاراعاندا, جىل باسىنان بەرٸ ٶڭٸردە 572 ادامنىڭ سىرقاتتانعانى انىقتالدى. 1 قاڭتاردان باستاپ وبلىس بويىنشا بارلىعى 24645 پتر زەرتتەۋ جٷرگٸزٸلدٸ, ورتاشا ەسەپپەن تەۋلٸگٸنە 3400-گە دەيٸن زەرتتەۋ جٷرگٸزٸلەدٸ. زەرتحانالاردىڭ قۋاتتىلىعى تەۋلٸگٸنە 6000 زەرتتەۋگە دەيٸن جەتەدٸ.
«قاڭتار ايىندا مەملەكەتتٸك شەكارادان بارلىعى 6882 ادام ٶتتٸ. 2079 جولاۋشىنىڭ 227-سٸندە انىقتاما بولعان جوق. 214 ادام كارانتيندٸك ستاتسيونارعا جاتقىزىلىپ, ەكەۋٸنەن ٸندەت تابىلدى. حالىقارالىق جٷك تاسىمالىمەن اينالىساتىن 3015 جٷرگٸزۋشٸنٸڭ انىقتاماسى جوق 995-ٸنەن الىنعان سىناما كوروناۆيرۋس جوقتىعىن كٶرسەتتٸ», دەدٸ ن.مۇستاەۆ.
