باتىس قازاقستان وبلىسىندا التىن وردا دەۋٸرٸنە جاتاتىن كەسەنە تابىلدى, دەپ حابارلايدى قازاقپارات.
بقو تاريحي-ٶلكەتانۋ مۋزەيٸنٸڭ ديرەكتورى ميربولات ەرساەۆتىڭ مەلٸم ەتكەنٸندەي, كەسەنە تەرەكتٸ اۋدانى اۋماعىندا شالقار كٶلٸ ماڭىندا ورىن تەپكەن.
ونىڭ سٶزٸنە قاراعاندا, باستاپقىدا وعان شالقار اتاۋى بەرٸلدٸ. كەيٸنٸرەك ارحەولوگييالىق قازبا جۇمىستارىن جٷرگٸزۋ جەنە جەرگٸلٸكتٸ حالىققا ساۋالناما جٷرگٸزۋ كەزٸندە سول جەردٸڭ اتاۋى بويىنشا جاڭاباي دەپ اتالدى.
قۇندىلىعى جوعارى كەسەنەنٸ مۋزەيدٸڭ تاريح جەنە ارحەولوگييا بٶلٸمٸنٸڭ عىلىمي قىزمەتكەرٸ, جاساق باسشىسى يانا لۇقپانوۆا تاپتى.
كەسەنەنٸڭ جەر قازۋ جۇمىستارى قولمەن جٷرگٸزٸلدٸ. ٷيٸندٸنٸ زەرتتەۋ بارىسىندا سەۋلەت قۇرىلىمىنىڭ بارلىق انىقتالعان ەلەمەنتتەرٸ مەن تابىلعان ارتەفاكتٸلەردٸ تازارتۋ, فوتوفيكساتسييا جۇمىسى اتقارىلدى.
يانا لۇقپانوۆانىڭ ايتۋىنشا, كٶلەمٸ 25ح25 سم, قالىڭدىعى 6 سم بولاتىن كٶلەمدەگٸ كٷيدٸرٸلگەن كٸرپٸشتەن سالىنعان كەسەنە التىن وردا كەزەڭٸنە جاتادى.
عيماراتتىڭ ٶزٸ تٶرتبۇرىشتى پٸشٸندٸ, سىرتقى ٶلشەمٸ بويىنشا قابىرعالاردىڭ ۇزىندىعى 7-دەن 8 مەترگە دەيٸن, سولتٷستٸك-باتىس جاعىنداعى قابىرعالاردىڭ قالىڭدىعى 1,6 مەتر, شيكٸ كٸرپٸشتەن 7 قاتارعا بٷكتەلگەن, ەكٸ جاعىنان كٷيدٸرٸلگەن كٸرپٸشپەن قاپتالعان. شىعىس قابىرعاسى ناشار ساقتالعان, ونىڭ شەتتەرٸ قيراعان.
«قازبا جۇمىسى بارىسىندا تابىلعان ادامنىڭ سٷيەگٸن ەر ادامنىڭ قاڭقاسى دەپ بولجام جاساپ وتىرمىز. جاسىن انىقتاۋ مٷمكٸن بولمادى, ەرينە, ونىمەن انتروپولوگتار جۇمىس ٸستەيدٸ. جەرگٸلٸكتٸ تۇرعىندار بٸرنەشە جىل بويى جەرلەۋ ورنىن اشۋعا تىرىسقاندىقتان, قاڭقانىڭ زاقىمدالعانى كٶرٸنٸپ تۇر. قۇندىلىقتاردى ٸزدەگەن كەزدە قالدىقتاردان باسقا كارنەل مونشاعىن تاپتىق. بٸردەن ايتايىن, دەل وسىنداي زاتتار ورتا عاسىرعا تەن باسقا جەرلەۋ ورىندارىنان دا تابىلعان. ەدەتتە, كارنەل مونشاقتارى جٷرەك, بٸلەك ايماعىندا جاتادى. استراحاندىق ارحەولوگ ۆياچەسلاۆ ۆاسيلەۆيچ پلاحوۆتىڭ بولجامىنا قاراعاندا, سول كەزدٸڭ ادامدارى كارنەل مونشاقتارىن اۋىرعان جەرلەرٸنە قويعان. سەبەبٸ, كارنەلدٸڭ سۋلانعان جارانى تەز قۇرعاتىپ, جازاتىن قاسيەتٸ مەلٸم. ەمدەۋ كەزٸندە قىزدىرىلعان كارنەل بٶلٸكتەرٸن قولدانۋدىڭ ارقاسىندا قابىنۋ ازايىپ, جارانىڭ تەز بٸتٸپ كەتەتٸندٸگٸن سول كەزدٸڭ ادامدارى دا بٸلگەن بولىپ تۇر», - دەدٸ يانا لۇقپانوۆا.
ەسكە سالا كەتەيٸك, قازاقستاننىڭ كيەلٸ ورىندارىنىڭ قاتارىنا ەنگٸزٸلگەن تاقساي حانشايىمى جەرلەنگەن قورعان كەشەنٸ دە وسى تەرەكتٸ اۋدانى دوليننىي اۋىلى ماڭىندا ورنالاسقان. ول 2012 جىلى تابىلىپ, كەيٸن «التىن حانشايىم» قالپىنا كەلتٸرٸلٸپ, ەلورداداعى قر ۇلتتىق مۋزەيٸنە قويىلدى.
تاقساي حانشايىمىنىڭ باسىنا اق كەسەنە ورناتىلدى.
