باتىس قازاقستان وبلىسىندا 3 مىڭنان استام مەديتسينا قىزمەتكەرٸ كوروناۆيرۋسقا قارسى ەكپە سالدىردى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى باسشىسىنىڭ ورىنباسارى گٷلنەر ەبدٸراحمانوۆا ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەندەي, وسى ۋاقىتقا دەيٸن ٶڭٸرگە 9500 دوزا ۆاكتسينا جەتكٸزٸلسە, سونىڭ 5250-ٸ – بٸرٸنشٸ, 4250-ٸ – ەكٸنشٸ كومپونەنت.
گٷلنەر ماقسوتقىزىنىڭ سٶزٸنە قاراعاندا, كٷنٸ بٷگٸنگە دەيٸن 5243 ادام بٸرٸنشٸ كومپونەنتپەن (99,9 پايىز) ەگٸلٸپ ٷلگەردٸ. سونىڭ 3027-سٸ نەمەسە 57,7 پايىزى – مەديتسينا قىزمەتكەرلەرٸ, 1222-سٸ (23,3 پايىزى) – پەداگوگتار, 275-ٸ (5,2 پايىزى) – قۇقىق قورعاۋ ورگاندارىنىڭ قىزمەتكەرلەرٸ, 719-ى (13,8 پايىزى) – باسقا ادامدار.
«ۆاكتسيناتسييا كەستە بويىنشا جٷرگٸزٸلۋدە. الدىمەن كوروناۆيرۋس جۇقتىرۋ دەڭگەيٸ جوعارى سالا ٶكٸلدەرٸ ەكپە الۋدا. ەر كەزەڭ تولىق قامتىلعان سايىن حالىقتىڭ قالعان بٶلٸگٸنە كەزەك كەلەتٸن بولادى», دەدٸ گ.ەبدٸراحمانوۆا.
وسى كەزگە دەيٸن ٶڭٸردە 15250 ادام ٸندەت جۇقتىرسا, سونىڭ 12367-سٸ نەمەسە 81,1 پايىزى جازىلىپ شىقتى.
وبلىستا 241 ادام كٶز جۇمدى. جىل باسىنان بەرٸ 73 ادام (قاڭتاردا – 28, اقپاندا – 15, ناۋرىزدا – 30) قايتىس بولسا, سونىڭ 39-ى – ەيەلدەر, 34-ٸ – ەرلەر. 61-ٸ قالادا, 12-سٸ اۋدانداردا ٶمٸردەن وزدى.
قازٸرگٸ تاڭدا 195 تٶسەكتٸك 4 كارانتيندٸك ستاتسيوناردا 11 ادام ەمدەلۋدە. ال 696 تٶسەكتٸك 9 ينفەكتسييالىق ستاتسيوناردا جاتقاندار سانى 410-عا جەتتٸ. سونىڭ ٸشٸندە 22-سٸ جانساقتاۋ بٶلٸمشەسٸندە ەم الۋدا.
«اۋرۋدىڭ العاشقى بەلگٸلەرٸ بايقالعان بويدا ەشقايدا بارماي, ٷيگە دەرٸگەردٸ شۇعىل شاقىرتۋ كەرەك. ٶيتكەنٸ ەمحانالاردا كەزەك كٷتكەندە, كٶشەدە ينفەكتسييانى باسقا ادامدارعا جۇقتىرۋ قاۋپٸ جوعارى. سونداي-اق ٶزٸ قوسىمشا اۋرۋ جاماپ الۋى مٷمكٸن. بۇل دەرتتٸڭ اسقىنۋىنا, تٸپتٸ ٶلٸمگە سوقتىرۋى ىقتيمال. بەتپەردە رەجيمٸن, ەلەۋمەتتٸك اراقاشىقتىقتى ساقتاپ, ادامدار كٶپ جينالاتىن قوعامدىق ورىندارعا بارۋدان اۋلاق بولىپ, سونىمەن قاتار ٶزگە قالالارعا ساپار شەگۋدٸ توقتاتا تۇرۋ قاجەت», دەدٸ ەبدٸراحمانوۆا.
