فوتو: Tengrinews.kz
تٶتەنشە جاعدايلار مينيسترٸ يۋريي يلين باتىس قازاقستان جەنە اقتٶبە وبلىستارىندا جاعداي كٷردەلٸ ەكەنٸن مەلٸمدەدٸ, دەپ حابارلايدى Sputnik قازاقستان.
"قازٸرگٸ جاعداي بويىنشا 51 ٷيدٸ سۋ باستى: 45-ٸ باتىس قازاقستان وبلىسىنىڭ اۋماعىندا, قالعان التاۋى - اقتٶبە وبلىسىندا. 240-تان استام ادام ەۆاكۋاتسييالاندى", - دەدٸ يلين ٷكٸمەت كۋلۋارىندا.
تجم اقپاراتىنشا, 20-دان استام ادام ۋاقىتشا ەۆاكۋاتسييا پۋنكتٸندە ورنالاسقان, قالعاندارى تۋىسقاندارىن پانالاعان.
مينيستر جاعدايدى باقىلاۋ جۇمىسى جالعاسىپ جاتقانىن ايتتى. بۇعان دەيٸن 26 جول جابىنىن سۋ شايىپ كەتسە, ونىڭ 13-ٸ توقتاتىلعان.
يلين بۇل ٶڭٸرلەردە قۇتقارۋشىلار توبى تجم تاراپىنان عانا ەمەس, جەرگٸلٸكتٸ اتقارۋشى ورگاندار تاراپىنان دا ۇلعايتىلاتىنىن مەلٸمدەدٸ.