ورالدا قازاق كٷرەسٸنەن قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ جٷلدەسٸ ٷشٸن «قازاقستان بارىسى» تۋرنيرٸنٸڭ وبلىستىق ٸرٸكتەۋ سايىسى مەرەگە جەتتٸ, دەپ حابارلايدى "ۇلت اقپارات".
دەستٷرلٸ جارىسقا وبلىس اۋداندارى مەن ورال قالاسىنان بارلىعى 13 بالۋان قاتىسىپ, باق سىنادى.
فينالدا بٶرلٸ اۋدانىنىڭ ٶكٸلٸ تەمٸرلان كٶلباي كازتالوۆتىق بەكايدار مەڭدەشەۆتٸ تازا ۇتتى.
ٷشٸنشٸ ورىن بەلدەسۋدە بەيتەرەكتٸك ەرلان مۇساعاليەۆ جاراقاتىنا بايلانىستى كٸلەمگە شىقپاي قالدى دا, جەڭٸس قارسىلاسى, جاڭاقالالىق ەراسىل احمەتوۆكە بەرٸلدٸ.
بيىلعى ەرەكشەلٸك, جەڭٸمپازعا «جايىق بارىسى» بەلدٸگٸ تابىس ەتٸلدٸ.
سونداي-اق چەمپيونعا - 150 مىڭ, ەكٸنشٸ ورىن يەگەرٸنە - 100 مىڭ, ٷزدٸك ٷشتٸكتٸ تٷيٸندەگەن بالۋانعا 50 مىڭ تەڭگە اقشالاي سىيلىق تاپسىرىلدى.
«قازاقستان بارىسى» رەسپۋبليكالىق تۋرنيرٸندە ت.كٶلباي مەن ب.مەڭدەشەۆ وبلىس نامىسىن قورعايتىن بولادى.
جارىسقا قازاق كٷرەسٸ وبلىستىق فەدەراتسيياسىنىڭ ۆيتسە-پرەزيدەنتٸ ەسەت سۇلتانۇلى دەمەۋشٸلٸك كٶرسەتتٸ.
جالپى, ول قازاق كٷرەسٸنەن الدى رەسپۋبليكالىق دەڭگەيدە جٷلدە الىپ جٷرگەن بالۋاندارعا ٷنەمٸ قولۇشىن بەرٸپ كەلەدٸ.
جارىس جەڭگٸر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتٸنٸڭ (رەكتورى اسقار نامەتوۆ) جاڭادان سالىنعان, ەدەمٸ بەزەندٸرٸلگەن سپورت كەشەنٸندە ٶتتٸ.
