باتىس قازاقستان وبلىسىندا 1 مامىر كٷنٸ ساعات 00.00-دەن باستاپ 21 بلوكپوست جۇمىس جاسايتىن بولادى. بۇل تۋرالى وبلىس ەكٸمٸ عالي ەسقاليەۆتٸڭ تٶراعالىق ەتۋٸمەن ٶتكەن ٶڭٸرلٸك جەدەل شتاب وتىرىسىندا بقو پوليتسييا دەپارتامەنتٸنٸڭ باستىعى, پوليتسييا گەنەرال-مايورى ماقسوتحان ابلازيموۆ مەلٸم ەتتٸ, دەپ حابارلايدى "ۇلت اقپارات".
ونىڭ ايتۋىنشا, بقو باس مەملەكەتتٸك سانيتار دەرٸگەرٸنٸڭ 26 سەۋٸردەگٸ قاۋلىسىنا سەيكەس 21 بلوكپوستىڭ جەتەۋٸ وبلىس ورتالىعىندا, 14-ٸ اۋدانداردا ورناتىلىپ جاتىر.
سونىڭ ٸشٸندە اقجايىق, بەيتەرەك, بٶرلٸ, قازتالوۆ, تەرەكتٸ جەنە شىڭعىرلاۋ اۋداندارىندا 2-3 بلوكپوستان قويىلماقشى.
«بارلىق بلوكپوستاردا مودۋلدار ورناتىلىپ, قاجەتتٸ قۇرال-جابدىقتارمەن قامتىلادى. ەر بەكەتتە پوليتسييا دەپارتامەنتٸ باسشىلىعى ساپىنان جاۋاپتى ادام بەكٸتٸلدٸ. ولار بەكەت جۇمىسىن ۇيىمداستىرىپ, باسشىلىق ەتەتٸن بولادى.
بلوكپوستاردا ەكٸ اۋىسىمدا 143 پوليتسييا قىزمەتكەرٸ جۇمىس جاسايدى, 21 قىزمەتتٸك اۆتوكٶلٸك بٶلٸندٸ. سونىڭ ٸشٸندە 68-ٸ – ورال قالاسى پوليتسييا باسقارماسىنىڭ قىزمەتكەرلەرٸ. 7 كٶلٸك وسى باسقارماعا تيەسٸلٸ», دەدٸ م.ابلازيموۆ.
بقو سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى مۇحامعالي ارىسپاەۆتىڭ مەلٸم ەتكەنٸندەي, وبلىستا سوڭعى سەۋٸر ايىندا ٸندەت ٶرشٸپ كەتكەندٸكتەن, كارانتيندٸك شارالار كٷشەيتٸلٸپ وتىر.
ونىڭ سٶزٸنە قاراعاندا, رەسەيدٸڭ 83 ٶڭٸرٸندە سوڭعى تەۋلٸكتە 9284 ادامنان كوروناۆيرۋس انىقتالدى. سونىڭ ٸشٸندە باتىس قازاقستانمەن كٶرشٸلەس سامارا وبلىسىندا – 176, ساراتوۆتا – 130, ورىنبوردا – 67, ۆولگوگرادتا 45 ادامنان ٸندەت تابىلدى. ەپيدەميولوگييالىق جاعداي تۇراقسىز بولعاندىقتان, بۇل ەلدە ٸشكٸ لوكداۋن جالعاسۋدا.
«ٷندٸستاندا كوروناۆيرۋستىڭ ٶرشۋٸ بٷكٸل دٷنيە جٷزٸن الاڭداتىپ وتىر. سوڭعى تەۋلٸكتە بۇل ەلدە 379 مىڭنان استام تۇرعىننىڭ اۋىرعانى تٸركەلدٸ. ياعني بٸزدەگٸ بٸر قالانىڭ حالقىمەن تەڭ دەۋگە بولادى. جالپى, ٸندەت جۇقتىرعاندار سانى 18,3 ميلليوننان استى. بٸر تەۋلٸكتە 3645 ادام كٶز جۇمدى. ٷندٸستاندىق شتامنىڭ ەرەكشەلٸگٸ ٶتە تەز تارالاتىندىعىندا. سوندىقتان وسىنداي جاعدايعا جول بەرمەس ٷشٸن شەكتەۋ شارالارىن قاتاڭداتىپ وتىرمىز», دەدٸ م.ارىسپاەۆ.
«1 مامىردان باستاپ كارانتيندٸك شارالاردى كٷشەيتۋدەگٸ ماقسات – ٸندەتتٸڭ ٶرشۋٸن بولدىرماۋ. وسىنى تۇرعىندار دا تٷسٸنٸپ, سانيتارلىق تالاپتاردى ساقتاۋى قاجەت. وبلىستا ٶتكەن جىلى ٸندەت ٶرشٸگەن شٸلدە ايىندا كٷنٸنە 120-130 ادامنان كوروناۆيرۋس انىقتالسا, قازٸر 180-200-گە دەيٸن جەتٸپ وتىر. سوندىقتان بارلىق ساقتىق شارالارىن الۋعا تيٸستٸمٸز», دەدٸ وبلىس ەكٸمٸ عالي ەسقاليەۆ.
