باتىس قازاقستان وبلىسىنىڭ ەكٸمٸ عالي ەسقاليەۆ كوروناۆيرۋسقا بايلانىستى رەسەيمەن شەكارانى جابۋ تۋرالى ۇسىنىسقا تٷسٸنٸكتەمە بەردٸ, دەپ حابارلايدى "ۇلت اقپارات" ايماق باسشىسىنىڭ ەلەۋمەتتٸك جەلٸدەگٸ پاراقشاسىنا سٸلتەمە جاساپ.
ول ٶڭٸرگە COVID-19 دياگنوزىمەن كەلگەندەردٸڭ كٶپشٸلٸگٸ قازاقستان ازاماتتارى ەكەنٸن حابارلادى.
"سوڭعى كٷندەرٸ بٸزدٸڭ وبلىستا كوروناۆيرۋس انىقتالعان ادامداردىڭ سانى كٷرت ٶستٸ. ولاردىڭ 92% -ٸ بٸزگە رەسەي فەدەراتسيياسىنان, نەگٸزٸنەن مەسكەۋدەن كەلگەن ادامدار. حالىق اراسىندا شەكارانى جابۋ تۋرالى ۇسىنىس ايتىلىپ جاتىر. وسىعان بايلانىستى جاعدايدى تٷسٸندٸرە كەتەيٸن. ولاردىڭ بارلىعى دەرلٸك بٸزدٸڭ ەلدٸڭ ازاماتتارى, ەڭ الدىمەن, بٸزدٸڭ وبلىستىڭ تۇرعىندارى. ولاردى قابىلداپ, ەمدەۋ – بٸزدٸڭ مٸندەتٸمٸز", - دەپ مەلٸمدەدٸ ەسقاليەۆ.
رەسەيدەن كەلگەن ازاماتتار دەرەۋ شەكاراداعى ٶتكٸزۋ بەكەتٸنەن كارانتيندٸك ستاتسيونارعا جەتكٸزٸلەدٸ, ياعني ولار ەلدٸ مەكەندەرگە كٸرمەيدٸ, دەپ جالعاستىردى ول.
"سونداي-اق, ترانزيتتٸك جٷك كٶلٸگٸنٸڭ تٶرت جٷرگٸزۋشٸسٸ بار. قازٸرگٸ ۋاقىتتا قازاقستانعا جٷك نەمەسە ترانزيتتٸك جٷكتەردٸ ەكەلەتٸندەردٸ قوسپاعاندا, شەتەل ازاماتتارىنا قازاقستانعا كٸرۋگە تىيىم سالىنعان. ەگەر جٷك ەكەلۋدٸ توقتاتساق, وندا تاۋار تاپشىلىعى پايدا بولىپ, باعا ٶسەدٸ", - دەپ جازدى ەكٸم.
بارلىق ترانزيتتٸك كٶلٸك بەلگٸلٸ بٸر جانارماي قۇيۋ بەكەتتەرٸنە توقتايدى, دەپ ناقتىلادى ول.
"ولارعا وبلىستىڭ باسقا جەرلەرٸندە توقتاۋعا تىيىم سالىنعان. كٶلٸكتەر قالادان پاترۋلدٸك پوليتسەيلەردٸڭ باقىلاۋىمەن شىعارىلادى", - دەپ تٷسٸندٸردٸ ەسقاليەۆ.
ول بارلىق ناۋقاسقا تەز ساۋىعىپ كەتۋٸن تٸلەدٸ.
دٷيسەنبٸ, 20 سەۋٸردە باتىس قازاقستان وبلىسىندا 16 ادامنان كوروناۆيرۋس ينفەكتسيياسى انىقتالدى. ولاردىڭ بارلىعى رەسەيدە ۆاحتالىق ەدٸسپەن جۇمىس ٸستەگەن.
