دەنساۋلىق ساقتاۋ مينيسترلٸگٸنٸڭ اۋديتورلىق تەكسەرۋٸ مارات وسپانوۆ اتىنداعى باتىس قازاقستان مەديتسينا ۋنيۆەرسيتەتٸندەگٸ بٸرقاتار كەمشٸلٸكتٸ انىقتادى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
قر دەنساۋلىق ساقتاۋ مينيسترلٸگٸ جوسپاردان تىس اۋديتورلىق تەكسەرۋ قورىتىندىسىن قۇقىق قورعاۋ ورگاندارىنا جٸبەردٸ.
«11 قازاندا قر دەنساۋلىق ساقتاۋ مينيسترلٸگٸندە جاۋاپتى حاتشى بوتاگٶز جاكسەلەكوۆانىڭ تٶراعالىعىمەن مەملەكەتتٸك اۋديت جەنە تەۋەكەلدەر جٶنٸندەگٸ كەڭەستٸڭ وتىرىسى ٶتتٸ. جيىندا مارات وسپانوۆ اتىنداعى باتىس قازاقستان مەديتسينا ۋنيۆەرسيتەتٸندە جٷرگٸزٸلگەن جوسپاردان تىس مەملەكەتتٸك اۋديتورلىق تەكسەرۋ قورىتىندىسى قارالدى. انىقتالعان كەمشٸلٸكتەر از ەمەس, اتاپ ايتقاندا, ۋنيۆەرسيتەتتەگٸ ماتەريالدىق تاۋارلار نەگٸزسٸز ەسەپتەن شىعارىلعان, ازاماتتىق-قۇقىقتىق مەمٸلە شارتتارىنا سەيكەس كەلمەيتٸن تاۋارلار, جۇمىستار مەن قىزمەتتەر بار. «جاستار-ارەنا» ستاديونىنا جٷرگٸزٸلگەن قۇرىلىستىڭ ساپاسى تٶمەن جەنە ەڭبەك زاڭناماسى بۇزىلعان» دەلٸنگەن حابارلامادا.
كەڭەستە اتالمىش مەدۋنيۆەرسيتەتتەن تەكسەرۋ بارىسىندا تابىلعان بارلىق ماتەريالدى قۇقىق قورعاۋ ورگاندارىنا جٸبەرۋ تۋرالى شەشٸم قابىلداندى.
ايتا كەتۋ كەرەك, ٶتكەن جىلى 15 تامىزدا دەنساۋلىق ساقتاۋ مينيسترلٸگٸ مەن مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ ىنتىماقتاستىق تۋرالى مەموراندۋمعا قول قويعان. وندا سىبايلاس جەمقورلىق بويىنشا كٷدٸك بولعان كەزدە جەدەل دەن قويۋ جەنە ماتەريالداردى سىبايلاس جەمقورلىققا قارسى ٸس-قيمىل ورگاندارىنا جٸبەرۋ قاراستىرىلعان.
