Ninety One توبى Zamandas پودكاسىنا قاتىسىپ, تٷركٸستانداعى كونتسەرتتٸڭ نەگە بولماي قالعانىن تٷسٸندٸرٸپ بەردٸ, - دەپ حابارلايدى Tengrinews.kz.
"نەگٸزٸ, بٷگٸن بٸز تٷركٸستاندا كونتسەرت قوياتىن بولعانبىز. ودان بٶلەك, وبلىستىق كٸتاپحانادا جاستارمەن كەزدەسۋ جوسپاردا بولدى. دەگەنمەن, كەشە بٸزگە مەنەدجەرٸمٸز حابارلاسىپ, تٷركٸستانداعى كونتسەرتتٸڭ بولمايتىنىن حابارلادى. سەبەبٸن سۇراساق, سونداعى حالىق ەكٸمدٸككە شىعىپ, بٸزدٸ كەلمەسٸن دەپ ٶتٸنٸش بٸلدٸرگەن ەكەن", - دەيدٸ توپ مٷشەلەرٸ.
قازاقستاندىق بويزبەند تٷركٸستانداعى حالىقتىڭ نارازىلىعىن ٶزدەرٸنٸڭ سىرتقى يميدجٸمەن بايلانىستىرادى.
"سول باياعى جىر. 2015 جىلى باستالعان ەڭگٸمەگە قايتا ورالىپ وتىرمىز. شاشتارى بويالعان, سىرعا تاققان جٸگٸتتەرگە ساحنادان ورىن بەرگٸلەرٸ كەلمەيدٸ. بۇل بٸرٸنشٸ رەت بولعان جاعداي ەمەس, ەتٸمٸز ٷيرەندٸ. بٸز كونتسەرتتٸ كەز كەلگەن جاعدايدا ابىرويمەن ٶتكٸزەتٸن ەدٸك, بٸراق ۇيىمداستىرۋشىلار مۇنداي جاۋاپكەرشٸلٸكتٸ مويىندارىنا العىسى كەلمەدٸ. سەبەبٸ بۇل جەردە جاي عانا نارازىلىق بولعان جوق, شاعىمدانعاندار كٶتەرٸلٸسكە شىعاتىنىن, تٸپتٸ, باسىمىزدى كەسٸپ الۋدان تايىنبايتىنىن جەتكٸزگەن, - دەيدٸ Ninety One جٸگٸتتەرٸ.
ايتا كەتەيٸك, 28 مامىردا تٷركٸستاندا Ninety One توبىنىڭ كونتسەرتٸ ٶتۋٸ كەرەك بولعان. الايدا, جەرگٸلٸكتٸ تۇرعىندار جەلٸ ارقىلى توپتىڭ كونتسەرت قويۋىنا قارسىلىق بٸلدٸردٸ. كٶپشٸلٸك ولاردىڭ رۋحاني استانادا ٶنەر كٶرسەتۋٸ دۇرىس ەمەس دەگەن مازمۇندا پٸكٸر جازعان.
بۇل جاعدايعا قاتىستى ۇيىمداستىرۋشىلار دا پٸكٸر بٸلدٸرگەن ەدٸ.
"تٷركٸستان قالاسىنىڭ ەكٸمدٸگٸ تۇرعىندار نارازىلىعىن ەسكەرە وتىرىپ, شارانى ۇيىمداستىرۋشى "كەرۋەن ساراي" تۋريستٸك كەشەنٸنٸڭ باسشىلىعىنا كونتسەرتتٸ ٶتكٸزبەۋ جٶنٸندە ۇسىنىس جولدادى. كەشەن ەكٸمشٸلٸگٸ بۇل ەنشٸلەرمەن كەلٸسٸمدٸ بۇزدى", - دەپ حابارلادى ۇيىمداستىرۋشى كومپانييا.
