تٷركٸستان وبلىسىندا "ەكٸ قوي ۇرلادى" دەپ كٷدٸككە ٸلٸنٸپ, ۇستالعان نۇربولات ٶمٸربەكوۆ ساۋران اۋدانى پوليتسييا بٶلٸمٸندە ازاپتالعانىن ايتتى. بۇل جٶنٸندە Otyrar.kz سايتى حابارلادى, دەپ جازادى ازاتتىق.
ٶمٸربەكوۆتٸڭ سٶزٸنە قاراعاندا, وقيعا اقپان ايىندا بولعان. ونىڭ پوليتسييادا ازاپتالعان كەزدە ايقايلاعانى سول كابينەتكە جاقىن ورنالاسقان دەلٸزدەگٸ كامەراعا جازىلىپ قالعان. تەلەارنا سيۋجەتتە سول ۆيدەودان دا ٷزٸندٸ كەلتٸرەدٸ.
"ماعان مالدى سەن ۇرلادىڭ دەدٸ, مەن ۇرلامادىم دەدٸم. باسىما قاپ كيگٸزٸپ, ۇرىپ-سوعا باستادى. ٶزٸڭە جامان بولادى دەدٸ. قانداي دا بٸر قۇجاتتار ەكەلٸپ, ەگەر قول قويماساڭ قايتا ازاپتايتىنىن ايتتى. مەن "ەگەر ەشتەڭە جاساماسام, نەنٸ مويىندايمىن" دەدٸم. ولار تاعدىرىڭ شەشٸلٸپ قويعان, پروكۋرورمەن كەلٸسٸپ العانبىز دەپ قورقىتتى" دەدٸ نۇربولات ٶمٸربەكوۆ.
سايتتىڭ جازۋىنشا, كەيٸن ٶمٸربەكوۆتٸڭ قوي ۇرلىعىنا قاتىسى جوعى انىقتالىپ, كٷدٸكتٸلەر قاتارىنان الىنعان. ول "ٶزٸن ازاپتاعان" بەس پوليتسەيدٸڭ ٷستٸنەن ارىز جازعان.
اقپاراتقا قاراعاندا, بەس پوليتسەيدٸڭ ەرەكەتٸنە قاتىستى قىلمىستىق ٸس قوزعالعان. الايدا قانداي باپ بويىنشا قوزعالعانى بەلگٸسٸز.
قازاقستاندا ازاپتاۋعا بايلانىستى قىلمىستىق ٸستەردٸڭ سوتقا جەتەتٸن كەزٸ سيرەك, ايىپتاۋ ٷكٸم شىعاتىن جاعداي دا ٶتە از كەزدەسەدٸ. باسىم بٶلٸگٸ "قىلمىس قۇرامى بولماعاندىقتان" نەمەسە "ايعاق جەتپەگەندٸكتەن" تەرگەۋ كەزٸندە جابىلادى. ادام قۇقىعىن قورعاۋ بيۋروسىنىڭ حابارلاۋىنشا, جىل باسىنان بەرٸ قۇقىق قورعاۋشىلارعا ازاپتاۋ جەنە ٶزگە دە زاڭسىز ەرەكەتتەر بويىنشا 172 شاعىم تٷسكەن.
ەلدە ازاپتاۋ بويىنشا ارىز-شاعىمدار قاڭتار وقيعاسىنان كەيٸن كٶپ تٷستٸ. باس پروكۋراتۋرا بۇعان دەيٸن قاڭتارداعى ازاپتاۋلارعا قاتىستى 8 ٸستٸ تەرگەپ جاتقانىن, كٷشتٸك قۇرىلىمنىڭ 15-ٸنٸڭ كٷدٸكتٸ اتانعانىن, توعىزى قاماۋدا ەكەنٸن ايتقان. وسىعان دەيٸن جەبٸرلەنۋشٸلەر قاڭتارداعى ازاپتاۋلار بويىنشا ٸستەردٸڭ باياۋ جٷرٸپ جاتقانىنا الاڭداعان.
ناۋرىزدىڭ ورتاسىندا باس پروكۋراتۋرا ازاپتاۋ ارىزدارى بويىنشا 243 ٸس قوزعالعانىن حابارلاعان ەدٸ. تٶرت ايدان سوڭ, "قازاقپاراتتا" جارىق كٶرگەن سۇحباتىندا ٸشكٸ ٸستەر مينيسترٸ مارات احمەتجانوۆ ازاپتاۋ شاعىمدارى بويىنشا ٸستەردٸ جٷرگٸزەتٸن سىبايلاس جەمقورلىققا قارسى قىزمەتتٸڭ 137 ٸستٸ توقتاتقانىن ايتقان.
رەسمي مەلٸمەت بويىنشا, قاڭتاردا قازا بولعان 238 ادامنىڭ التاۋى ازاپتاۋدان كٶز جۇمعان.
