كەلەسٸ جىلى «نۇرلى جەر» باعدارلاماسى ٶز جۇمىسىن باستاعالى وتىر. باعدارلاما بويىنشا 2031 جىلعا دەيٸن تۇرعىندارعا 600 مىڭ جەر ۋچاسكەسٸ ٷلەستٸرٸلەدٸ. بۇل جوبا قاراپايىم ازاماتتاردىڭ باسپانالى بولۋىنا ٶز سەپتٸگٸن تيگٸزبەك. بٸراق, قۇرىلىس كومپانييالارى بۇل باعدارلاماعا قاتىسپاۋى كەرەك. استانادا «نۇرلى جەر» تۇرعىن ٷي ساياساتى جەنە ونى جٷزەگە اسىرۋ اسىرۋ تەتٸكتەرٸ» تاقىرىبىندا ٶتكەن وتىرىستا «بولاشاق» جاستار قوزعالىسىنىڭ جەتەكشٸسٸ دەۋرەن بابامۇراتوۆ وسىلاي مەلٸمدەدٸ, دەپ حابارلايدى Baq.kz تٸلشٸسٸ.
«سٶزدٸڭ شىنى كەرەك, ٷكٸمەت قولعا العان بارلىق باعدارلاماعا ٷلكەن ٷمٸتپەن قاراپ كەلدٸك. وسى جولى دا سولاي. بۇل باعدارلاماعا دا زور ٷمٸت ارتىپ وتىرمىز. نەتيجە بەرەدٸ دەپ ويلايمىز. وعان قىزىلوردا مەن اقتٶبە وبلىستارى دەلەل. مىسالى, قىزىلوردادا 6600 جەر ۋچاسكەسٸ ٶز يەلەرٸنە بەرٸلدٸ. ال «جەر تۋرالى» كودەكستٸڭ 43-بابىندا «قازاقستاننىڭ ەربٸر ازاماتى 10 سوتىق جەرگە يەلٸك ەتە الادى» دەپ ايتىلعان», - دەدٸ ول.
دەۋرەن بابامۇراتوۆ اتالعان باعدارلاما حالىق اراسىندا تۇرعىن ٷي مەسەلەسٸن شەشۋگە ٶز سەپتٸگٸن تيگٸزەتٸنٸن ايتتى.
«نۇرلى جەر» باعدارلاماسى بويىنشا بٸر وتباسى جەر تەلٸمٸن السا, ول – ٷلكەن جەڭٸس. مەنٸڭ ويىمشا, بۇل باعدارلاما تۇرعىن ٷي مەسەلەسٸن شەشۋگە سەپتٸگٸن تيگٸزەدٸ. ال 600 مىڭ جەر ۋچاسكەسٸ حالىققا بەرٸلسە, ٷلكەن كٶمەك بولماق. قازٸرگٸ تاڭدا ەلٸمٸزدە شامامەن 4 ميلليونعا جۋىق وتباسى بار دەلٸك. ونىڭ 600 مىڭى, ياعني حالىقتىڭ 12-15%-ى جەر الىپ, باسپانالى بولسا ٷلكەن جەڭٸس ەمەس پە. بٸراق جەر تەلٸمٸن العان سوڭ, ونى پايدالانۋ كەرەك. ٷي سالۋ كەرەك. سوندا عانا جەر تەلٸمٸ سول ادامنىڭ مەنشٸگٸنە بەرٸلەدٸ», - دەدٸ ول.
الايدا, قوعام بەلسەندٸسٸ باسپانانى قۇرىلىس كومپانييالارىنا سالعىزۋعا قارسى.
«جوق, مەن مۇنى قولدامايمىن. ٶز باسىم بۇعان قارسىمىن. تۇرعىندار ٶز ٷيٸن ٶزدەرٸ سالىپ الۋى قاجەت. ال قۇرىلىستىڭ قالاي بولسا سولاي جٷرگٸزٸلۋٸنە جول بەرٸلمەۋ تيٸس. بٸراق, ٷيدٸ سالماس بۇرىن تۇرعىن جەرگٸلٸكتٸ بيلٸك ٶكٸلدەرٸمەن قۇرىلىسقا قاتىستى جۇمىستاردى رەتتەۋٸ كەرەك. ٷيلەردٸ قۇرىلىس كومپانييالارىنىڭ سالۋىنا قارسىمىن», - دەدٸ ول.
