ەلٸمٸزدە مەدەنيەت سالاسى قىزمەتكەرلەرٸن ەلەۋمەتتٸك قولداۋ باعىتىنداعى شارالار كەزەڭ-كەزەڭٸمەن كٷشەيتٸلٸپ جاتىر. اتالعان باعىتتاعى جۇمىستار مەملەكەت باسشىسى قاسىم-جومارت توقاەۆتىڭ تاپسىرمالارى اياسىندا ٸسكە اسىرىلىپ كەلەدٸ. پرەزيدەنت ٶز سٶزٸندە مەدەنيەتتٸ ۇلتتىق بٸرەگەيلٸكتٸ نىعايتۋدىڭ, رۋحاني قۇندىلىقتاردى دەرٸپتەۋدٸڭ جەنە قوعامدىق كەلٸسٸمدٸ بەكەمدەۋدٸڭ ماڭىزدى تەتٸگٸ رەتٸندە ٷنەمٸ اتايدى.
مەدەنيەت سالاسى قىزمەتكەرلەرٸن باسپانامەن قامتاماسىز ەتۋ – سالاداعى ماڭىزدى باعىتتاردىڭ بٸرٸ. 2024 جىلى مەملەكەت باسشىسىنىڭ قولداۋىمەن استانا قالاسىندا ەڭبەك ەتەتٸن مەدەنيەت سالاسى قىزمەتكەرلەرٸنە 200 پەتەر كٸلتٸ تابىستالدى. ال 2026 جىلى بۇل باستاما جالعاسىن تاۋىپ, الماتى قالاسىنداعى مەدەنيەت ۇيىمدارىنىڭ تاعى 60 قىزمەتكەرٸ جاڭا باسپاناعا قول جەتكٸزدٸ.
سونىمەن قاتار مەدەنيەت قىزمەتكەرلەرٸ ەلٸمٸزدٸڭ دەنساۋلىق ساقتاۋ جٷيەسٸندە كٶزدەلگەن بارلىق ەلەۋمەتتٸك كەپٸلدٸكتٸ پايدالانا الادى. اتاپ ايتقاندا, تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ جەنە مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ اياسىندا مەديتسينالىق قىزمەتتەرگە جٷگٸنۋ مٷمكٸندٸگٸ قاراستىرىلعان.
مەدەنيەت پەن ٶنەر سالاسىنىڭ جەكەلەگەن قىزمەتكەرلەرٸنە قوسىمشا ەلەۋمەتتٸك جەڭٸلدٸكتەر بەرٸلەدٸ. اتاپ ايتقاندا, جوعارى مەملەكەتتٸك اتاق مەن ماراپاتتارى بار ازاماتتار تەگٸن مەديتسينالىق كٶمەك الۋ قۇقىعىنا يە.
سونداي-اق اتالعان ساناتتاعى ازاماتتار مەن ولاردىڭ جۇبايلارىنا جىلىنا بٸر رەت ەلٸمٸزدەگٸ شيپاجايلاردا تەگٸن ەم الىپ, ساۋىقتىرۋ دەمالىسىن ٶتكٸزۋ مٷمكٸندٸگٸ ۇسىنىلادى. ال ولاردىڭ بالالارىنا ەمدٸك-ساۋىقتىرۋ قىزمەتتەرٸن 50 پايىز جەڭٸلدٸكپەن پايدالانۋ قاراستىرىلعان.
ەرەكشە ەڭبەك جاعدايىندا قىزمەت ەتەتٸن ٶنەر ٶكٸلدەرٸنە دە ايرىقشا قولداۋ كٶرسەتٸلەدٸ. ەلٸمٸزدە كەسٸبي ەڭبەك ٶتٸلٸ كەمٸندە 20 جىلدى قۇرايتىن جەنە زەينەت جاسىنا جەتكەنگە دەيٸن ەڭبەك جولىن اياقتاعان بالەت ەرتٸستەرٸنە ارنايى اي سايىنعى تٶلەم بەرٸلەدٸ. بٷگٸندە مۇنداي تٶلەمدٸ رەسپۋبليكا بويىنشا 56 ٶنەر قىزمەتكەرٸ الىپ وتىر.
2024 جىلدىڭ قاڭتار ايىنان باستاپ مەملەكەتتٸك مەدەنيەت ۇيىمدارىندا ەڭبەك ەتەتٸن حالىق بيٸ ٶنەرٸنٸڭ ەرتٸستەرٸنە دە ارنايى ەلەۋمەتتٸك تٶلەم ەنگٸزٸلدٸ. بۇل قولداۋ تٷرٸ 55 جاسقا تولعان جەنە كەيٸنگٸ جەتٸ جىل ٸشٸندە مٸندەتتٸ كەسٸپتٸك زەينەتاقى جارنالارى تۇراقتى اۋدارىلعان ازاماتتارعا بەرٸلەدٸ.
