قازاقستاننىڭ دەنساۋلىق ساقتاۋ مينيسترلٸگٸ جانىنداعى سانيتارلىق-ەپيدەميولوگييالىق باقىلاۋ كوميتەتٸنٸڭ سايتىندا ەلٸمٸزدٸڭ باس سانيتارييا دەرٸگەرٸ ەرلان قيياسوۆتىڭ جاڭا قاۋلىسى جارييالاندى, - دەپ حابارلايدى "ۇلت اقپارات".
قاۋلى "قازاقستان رەسپۋبليكاسىنىڭ حالقى اراسىندا كوروناۆيرۋس ينفەكتسيياسى اۋرۋىنىڭ الدىن الۋ جٶنٸندەگٸ شارالاردى ودان ەرٸ جٷرگٸزۋ تۋرالى" قازاقستان رەسپۋبليكاسىنىڭ باس مەملەكەتتٸك سانيتارييا دەرٸگەرٸنٸڭ 2021 جىلعى 20 قازانداعى № 46 قاۋلىسىنا ٶزگەرٸستەر مەن تولىقتىرۋلار ەنگٸزۋ تۋرالى.
قاۋلىدا مىناداي ٶزگەرٸستەر قاراستىرىلعان:
كۆي-گە قارسى ۆاكتسيناتسييالاۋعا مىنا تۇلعالار جاتادى:
- 12 جاستان 18 جاسقا دەيٸنگٸ جاسٶسپٸرٸمدەر;
- جٷكتٸ ەيەلدەر – جٷكتٸلٸكتٸڭ 16 اپتاسىنان باستاپ 37 اپتاسىنا دەيٸن;
- لاكتاتسييا كەزەڭٸندەگٸ ەيەلدەر – بوسانعاننان كەيٸنگٸ كەزەڭ اياقتالعاننان كەيٸن (42 كٷننەن كەيٸن) بالا 2 جاسقا تولعانعا دەيٸن.
بۇل رەتتە, 12 جاستان 18 جاسقا دەيٸنگٸ شەتەلدٸك جاسٶسپٸرٸمدەر, ونىڭ ٸشٸندە قر اۋماعىندا ٷزدٸكسٸز 3 جەنە ودان دا كٶپ اي وقىپ جاتقان جەنە تۇراتىن ستۋدەنتتەر دە كوروناۆيرۋسقا قارسى ۆاكتسينا الۋعا جاتادى.
مىناداي رەداكتسييادا جازىلسىن:
- ەگۋ پۋنكتٸ جاسٶسپٸرٸمدەردٸڭ شوعىرلانۋىن بولدىرمايتىن ەگٸلەتٸن ادامداردىڭ تۇراقتى بٸر جاقتى اعىمىن قامتاماسىز ەتە وتىرىپ ۇيىمداستىرىلادى;
- ەگۋ كابينەتٸندە ەگٸلەتٸن ادامداردىڭ جەنە مەديتسينالىق باقىلاۋداعى ادامداردىڭ جينالۋىنا جول بەرمەۋ;
- بٸر مەزگٸلدە ۆاكتسيناتسييالاۋعا 3 ادامنان اسىرماي شاقىرا وتىرىپ, ەگۋ كابينەتٸنٸڭ الدىندا حالىقتىڭ كٶپ جينالۋىن بولدىرماي جەكە ۆاكتسيناتسييا جٷرگٸزۋدٸ ۇيىمداستىرۋ;
- جالپى قارسى كٶرسەتٸلٸمدەردەن باسقا, جٷكتٸ ەيەلدەرگە اللەرگييالىق رەاكتسييالار, جەدەل قىزبا جاعدايلارى كەزٸندە, سونداي-اق جٷكتٸلٸكتٸڭ اۋىر اسقىنۋلارى – ەكلامپسييا, قان كەتۋ جەنە باسقا دا جاعدايلار كەزٸندە ۆاكتسيناتسييا جٷرگٸزٸلمەيدٸ;
- ەگەر جٷكتٸ ەيەل جٷكتٸلٸكتٸڭ 35-37 اپتاسىندا كۆي-گە قارسى ۆاكتسيناتسييانىڭ بٸرٸنشٸ دوزاسىن السا, وندا ۆاكتسينانىڭ ەكٸنشٸ دوزاسى بوسانعاننان كەيٸن 42 كٷننەن كەيٸن ەنگٸزٸلەدٸ. ەكٸ ەگۋدٸڭ اراسىنداعى ۇسىنىلاتىن ارالىق 12 اپتادان اسپايدى;
- ەگەر ەكٸ دوزادا ابايسىزدا كۆي-گە قارسى ۆاكتسينالاردىڭ ەرتٷرلٸ تيپتەرٸ ەنگٸزٸلسە, وندا پايدالانىلعان ۆاكتسينالاردىڭ كەز كەلگەنٸنە قوسىمشا دوزالاردى ەنگٸزۋ ۇسىنىلمايدى;
- "كوميرناتي" ۆاكتسيناسىن (پفايزەر, اقش) قولدانا وتىرىپ, كۆي-گە قارسى ۆاكتسيناتسييانى جەنە رەۆاكتسيناتسييانى الۋ تۋرالى دەرەكتەر كۆي-گە قارسى ۆاكتسينانىڭ بارلىق الىنعان دوزالارىن رەت-رەتٸمەن (ەگۋ جٷرگٸزٸلگەن كٷن, ۆاكتسينانىڭ اتاۋى, سەريياسى, ٶندٸرۋشٸ ەل, دوزا) كٶرسەتە وتىرىپ, "ۆاكتسيناتسييا" مودۋلٸنٸڭ اقپاراتتىق جٷيەسٸندە كٶرسەتٸلەدٸ.
قاۋلىنىڭ تولىق مەتٸنٸن مىنا سٸلتەمەدەن كٶرە الاسىز.
قاۋلى قول قويىلعان كٷننەن باستاپ قولدانىسقا ەنگٸزٸلەدٸ.
