Qazaqstannyń Densaýlyq saqtaý ministrligi janyndaǵy Sanitarlyq-epidemiologiialyq baqylaý komitetiniń saitynda elimizdiń bas sanitariia dárigeri Erlan Qiiasovtyń jańa qaýlysy jariialandy, - dep habarlaidy "Ult aqparat".
Qaýly "Qazaqstan Respýblikasynyń halqy arasynda koronavirýs infektsiiasy aýrýynyń aldyn alý jónindegi sharalardy odan ári júrgizý týraly" Qazaqstan Respýblikasynyń bas memlekettik sanitariia dárigeriniń 2021 jylǵy 20 qazandaǵy № 46 qaýlysyna ózgerister men tolyqtyrýlar engizý týraly.
Qaýlyda mynadai ózgerister qarastyrylǵan:
KVI-ge qarsy vaktsinatsiialaýǵa myna tulǵalar jatady:
- 12 jastan 18 jasqa deiingi jasóspirimder;
- júkti áielder – júktiliktiń 16 aptasynan bastap 37 aptasyna deiin;
- laktatsiia kezeńindegi áielder – bosanǵannan keiingi kezeń aiaqtalǵannan keiin (42 kúnnen keiin) bala 2 jasqa tolǵanǵa deiin.
Bul rette, 12 jastan 18 jasqa deiingi sheteldik jasóspirimder, onyń ishinde QR aýmaǵynda úzdiksiz 3 jáne odan da kóp ai oqyp jatqan jáne turatyn stýdentter de koronavirýsqa qarsy vaktsina alýǵa jatady.
Mynadai redaktsiiada jazylsyn:
- Egý pýnkti jasóspirimderdiń shoǵyrlanýyn boldyrmaityn egiletin adamdardyń turaqty bir jaqty aǵymyn qamtamasyz ete otyryp uiymdastyrylady;
- egý kabinetinde egiletin adamdardyń jáne meditsinalyq baqylaýdaǵy adamdardyń jinalýyna jol bermeý;
- bir mezgilde vaktsinatsiialaýǵa 3 adamnan asyrmai shaqyra otyryp, egý kabinetiniń aldynda halyqtyń kóp jinalýyn boldyrmai jeke vaktsinatsiia júrgizýdi uiymdastyrý;
- jalpy qarsy kórsetilimderden basqa, júkti áielderge allergiialyq reaktsiialar, jedel qyzba jaǵdailary kezinde, sondai-aq júktiliktiń aýyr asqynýlary – eklampsiia, qan ketý jáne basqa da jaǵdailar kezinde vaktsinatsiia júrgizilmeidi;
- eger júkti áiel júktiliktiń 35-37 aptasynda KVI-ge qarsy vaktsinatsiianyń birinshi dozasyn alsa, onda vaktsinanyń ekinshi dozasy bosanǵannan keiin 42 kúnnen keiin engiziledi. Eki egýdiń arasyndaǵy usynylatyn aralyq 12 aptadan aspaidy;
- Eger eki dozada abaisyzda KVI-ge qarsy vaktsinalardyń ártúrli tipteri engizilse, onda paidalanylǵan vaktsinalardyń kez kelgenine qosymsha dozalardy engizý usynylmaidy;
- "Komirnati" vaktsinasyn (Pfaizer, AQSh) qoldana otyryp, KVI-ge qarsy vaktsinatsiiany jáne revaktsinatsiiany alý týraly derekter KVI-ge qarsy vaktsinanyń barlyq alynǵan dozalaryn ret-retimen (egý júrgizilgen kún, vaktsinanyń ataýy, seriiasy, óndirýshi el, doza) kórsete otyryp, "Vaktsinatsiia" Modýliniń aqparattyq júiesinde kórsetiledi.
Qaýlynyń tolyq mátinin myna siltemeden kóre alasyz.
Qaýly qol qoiylǵan kúnnen bastap qoldanysqa engiziledi.
