قر باس مەملەكەتتٸك سانيتار دەرٸگەرٸ ايجان ەسماعامبەتوۆا ەلەۋمەتتٸك جەلٸدە اۋاعا بەلگٸسٸز گازدىڭ تارالۋىنا قاتىستى جارييالانىپ جٷرگەن قاۋەسەتكە سەنبەۋگە شاقىردى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا وسى مەسەلەگە قاتىستى سۇراق قويىلدى.
«تٷندە اۋاعا بەلگٸسٸز گازدى شاشۋ جاعدايى بولىپ جاتقاندىعى تۋرالى تۇرعىندار اراسىندا حابارلاما تارالۋدا. وسى ورايدا تٷندە ٷيدٸڭ تەرەزەلەرٸن جابۋ, بالالاردى دالاعا شىعارماۋ كەرەكتٸگٸ ايتىلىپ جاتىر. وسى اقپارات قانشالىقتى شىندىققا جاناسادى?», - دەلٸنگەن قويىلعان ساۋالدا.
ٶز كەزەگٸندە ايجان ەسماعامبەتوۆا بۇل قاۋەسەت شىندىققا ساي ەمەستٸگٸن جەتكٸزدٸ.
«قانداي دا بٸر قوسپالاردى اۋاعا شاشۋعا بايلانىستى اقپارات دۇرىس ەمەس ەرٸ شىندىققا جاناسپايدى. بۇل تۇرعىدا تەك تەكسەرٸلگەن اقپاراتتى, سونداي-اق رەسمي اقپارات كٶزدەرٸنەن الۋدى سۇرايمىن», - دەدٸ باس مەملەكەتتٸك سانيتار دەرٸگەر.
