باس پروكۋرور جاقىپ اسانوۆتىڭ ٷندەۋٸ

«پروكۋراتۋرا تۋرالى» زاڭنىڭ  25-2 بابىن باسشىلىققا الىپ, كەلەسٸ ٷندەۋ جاسايمىن.

ەلەمدە 2 مينۋت سايىن 1 بالا جى­نىستىق زورلىق-زومبىلىق كٶرە­دٸ. ەربٸر ٷشٸنشٸ قىز 18-گە تولعان­شا وسىنداي جىنىستىق تيٸسۋگە ۇشى­رايدى ەكەن.

بۇل – جاھاندىق پروبلەما. ونىمەن بارلىق مەملەكەتتەر كٷرەسۋدە.

قازاقستاندا بيىل 183 بالا قىل­مىسكەرلەردٸڭ قۇربانى بولدى. ٶتكەن جىلدان ەلدەقايدا از بولسا دا (37% — 292), ونى, ەرينە, قۇرعاق سانمەن ٶلشەۋ ورىنسىز. ەربٸر جاعداي – قوعام ٷشٸن ٷلكەن تراگەدييا, وتباسىنا تٷسكەن قايعى-قاسٸرەت, بالانىڭ جانىنا سالىنعان جازىلماس جارا.

بيىلعى جىلى مۇنداي قىلمىسى ٷشٸن 111 ادام سوتتالدى.

اۋزىنان انا سٷتٸ كەپپەگەن بالانى زورلاۋ – ناعىز ازعىندىق. مۇن­داي قىلمىس جاساعانداردى مەم­لەكەت اياۋسىز جازالايدى – 20 جىل­عا دەيٸن نەمەسە ٶمٸر بويىنا باس بوستاندىعىنان ايىرادى. ولار­دىڭ جازاسى جەڭٸلدەتٸلمەيدٸ. سوتتال­عان­دار ۋاقىتىنان بۇرىن بوساتىلمايدى, امنيستيياعا جاتپايدى, ولارمەن ەشقانداي پروتسەستٸك كەلٸسٸم جاسالمايدى. جازا مەرزٸمٸن تولىق ٶتەيدٸ.

مۇنداي قىلمىسكەرلەر بالالارمەن جۇمىس جاساۋ قۇقىعىنان ٶمٸر بويىنا ايىرىلادى.

2018 جىلعى 1 قاڭتاردان باستاپ حيمييالىق كاستراتسييا قولدانىلماق. بۇل دەگەنٸمٸز قىلمىسكەرلەردٸ ارنايى دەرٸ-دەرمەكتەردٸ قابىلداۋعا مەجبٷرلەيدٸ.

قۇقىقتىق ستاتيستيكا كومي­تە­تٸنٸڭ infopublic.pravstat.kz سايتىن­دا پەدوفيلدەردٸڭ كارتاسى ٸسكە قو­سىل­دى. وندا ولاردىڭ فوتوسۋرەتٸ مەن ان­كەتاسى بار. بۇل سەرۆيستٸ كەز كەلگەن ادام ەركٸن پايدالانا الادى.

كٶپ جاعدايدا قىلمىسكەرلەردٸڭ ارام نيەتٸن جٷزەگە اسىرۋعا نەگٸزگٸ سەبەپ – ەرەسەكتەردٸڭ جاۋاپسىزدىعى.

ساناسى تولىق بەكٸمەگەن, ەر نەر­سەگە سەنگٸش, كٶنگٸش جاس بالا سىرت­تان كەلەر قاۋٸپتٸ قايدان بٸلسٸن? سون­دىقتان قاراۋسىز قالعان بٷلدٸرشٸن – قىلمىسكەرگە وڭاي ولجا.

بالالارىمىزدىڭ دەنٸ ساۋ, ٶمٸرٸ قاۋٸپسٸز بولسىن دەسەك, بٸرٸنشٸدەن, ەربٸر اتا-انا ساق بولۋى قاجەت. ٷيدە, اۋلادا, مەكتەپتە, دەمالىس ورىندارىندا, جالپى قاي جەردە بولسا دا بالانى ٷنەمٸ باقىلاۋدا ۇستاڭىز.

ەكٸنشٸدەن, جەتكٸنشەكتەر قور­لىق­تى كٶبٸنەسە تانىسى, تٸپتٸ جاقى­نى, ەكەسٸ, اعاسى سيياقتى ادامداردان كٶ­رەدٸ. بالاعا تيٸسۋ, الداۋ, كٷشتەۋ ەرەكەتٸن كٶرسەڭٸز, دەرەۋ 102-گە حابار­لاسىپ, شارا قولدانىڭىز.

ٷشٸنشٸدەن, كەيدە بولعان ٸستٸ ايت­پايمىز, جاسىرامىز, ۇيات بولادى دەيمٸز. بۇل دۇرىس ەمەس. ونىمەن قىلمىستىڭ جاسىرىن, سوزىلمالى تٷرگە اينالۋىنا كٶمەكتەسەمٸز. سون­دىقتان بالاڭىزدىڭ نامىسى اياققا تاپتالسا, ٷنسٸز قالماڭىز. بٸردەن قۇقىق قورعاۋ ورگانىنا حابارلاڭىز.

تٶرتٸنشٸدەن, بالانىڭ ارالاسىپ جٷرگەن ورتاسى قانداي, قاي جەرلەرگە جيٸ بارادى, ينتەرنەتتە كٸممەن دوس, قانداي سايتتاردا وتىراتىنىن بايقاپ جٷرٸڭٸز. بالامەن جيٸ, اشىق ەڭگٸمەلەسۋ – ونى ازعىنداردان قورعاۋدىڭ ەڭ تيٸمدٸ امالى.

بەسٸنشٸدەن, قاۋٸپتٸ جاعدايدا نە ٸستەۋ كەرەكتٸگٸن بالاعا تٷسٸندٸرٸپ ٷيرەتكەن جٶن. ونداي اقپاراتتى ينتەرنەتتەن جەنە جاقىن ارادا ٸسكە قوسىلاتىن «پروكۋروردىڭ 100 كەڭەسٸ» دەگەن موبيلدٸك قوسىمشادان الۋعا بولادى.

مۇنداي قىلمىستاردىڭ الدىن الۋ ٷشٸن تەك مەملەكەتتٸڭ شارالارى جەتكٸلٸكسٸز. وعان ەرقايسىمىز جەكە جەنە بٷكٸل قوعام بولىپ قارسى تۇرايىق.