مەملەكەت باسشىسى باس پروكۋرور بەرٸك اسىلوۆتى قابىلدادى, - دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت قاسىم-جومارت توقاەۆقا ەلٸمٸزدەگٸ زاڭدىلىق پەن قۇقىقتىق تەرتٸپتٸڭ جاي-كٷيٸ, سونداي-اق قاداعالاۋشى ورگاننىڭ قىزمەتٸندەگٸ باسىم باعىتتار جٶنٸندە مەلٸمەت بەرٸلدٸ.
بەرٸك اسىلوۆ زاڭسىز يەمدەنٸلگەن اكتيۆتەردٸ قايتارۋ ٷشٸن قابىلدانىپ جاتقان شارالار جەنە وسى ماقساتتا جاڭادان قۇرىلعان كوميتەتتٸڭ قىزمەتٸ تۋرالى باياندادى. باس پروكۋروردىڭ ايتۋىنشا, كوميتەت شەتەلگە شىعارىلعان اكتيۆتەردٸ ٸزدەۋ, زاڭسىز سحەمالاردى ەشكەرەلەۋ ٷشٸن جاساندى ينتەللەكتٸنٸ پايدالانۋ ارقىلى IT تەحنولوگييالاردى قولدانادى.
مەملەكەت باسشىسىنا ماڭىزدى ينۆەستيتسييالىق جوبالاردى قۇقىقتىق تۇرعىدان قولداۋ جۇمىستارى جٶنٸندە اقپارات بەرٸلدٸ. قۇرامىنا سىرتقى ٸستەر مينيسترلٸگٸ, "قازاق-ينۆەست" ۇك" اق, "اتامەكەن" ۇكپ ٶكٸلدەرٸ جەنە بيزنەس-ومبۋدسمەن كٸرەتٸن ارناۋلى ۆەدومستۆوارالىق كوميسسييا ينۆەستيتسييالىق احۋالدى جاقسارتۋعا باعىتتالعان العاشقى شارالاردى ەزٸرلەدٸ. پروكۋرورلار 900-دەن استام ينۆەستيتسييالىق جوبانى باقىلاۋعا الدى. قازٸردٸڭ ٶزٸندە 41 ينۆەستوردىڭ تٷيتكٸلدٸ مەسەلەلەرٸ شەشٸمٸن تاپتى.
پرەزيدەنتكە ينۆەستيتسييانىڭ قاۋٸپسٸزدٸگٸنە كەپٸلدٸ كٷشەيتۋ ٷشٸن ينۆەستيتسييالىق جوبانى جٷزەگە اسىرۋدىڭ بٷكٸل پروتسەسٸن ناقتى ۋاقىت رەجيمٸندە باقىلاۋدا ۇستاۋعا مٷمكٸندٸك بەرەتٸن تسيفرلىق شەشٸمدەر ەنگٸزۋ, سونداي-اق مەملەكەتتٸك ورگانداردىڭ بيزنەسكە قاتىستى نەگٸزگٸ شەشٸمدەرٸن پروكۋرورمەن كەلٸسۋ ۇسىنىلدى.
سونىمەن قاتار قاسىم-جومارت توقاەۆقا ٷش بۋىندى مودەل اياسىندا كەسٸپكەرلەردٸ قىلمىستىق قۋدالاۋ 3 ەسە قىسقارعانى (614-تەن 204-كە دەيٸن) جٶنٸندە مەلٸمەت بەرٸلدٸ. جالپى, ەلٸمٸز بويىنشا 1041 تۇلعانىڭ نەگٸزسٸز قىلمىستىق قۋدالاۋعا تارتىلۋىنا جول بەرٸلگەن جوق. كونستيتۋتسييالىق قۇقىق بۇزۋشىلىقتار سانى 29 پايىزعا قىسقاردى (310-نان 222-گە دەيٸن).
بۇدان بٶلەك, پرەزيدەنتكە ازاپتاۋعا قارسى ٸس-قيمىل شارالارى جٶنٸندە باياندالدى. مۇنداي ەرەكەتتەردٸڭ الدىن الۋ ٷشٸن 54 تٷزەتۋ مەكەمەسٸندە 29 مىڭ بەينەكامەرا ورناتىلعان, سەيكەسٸنشە ازاپتاۋ فاكتٸلەرٸنە شاعىمدانۋ دا 94-تەن 17-گە دەيٸن ازايعان.
سونداي-اق باس پروكۋرور قوعامدا رەزونانس تۋدىرعان قىلمىستاردىڭ تەرگەلۋ بارىسى جٶنٸندە ەسەپ بەردٸ. اتالعان مەسەلەلەرمەن قاتار, حالىقارالىق ىنتىماقتاستىق باعىتىندا اتقارىلعان جۇمىستاردىڭ نەتيجەسٸ تانىستىرىلدى. اتاپ ايتقاندا, بيىل شەتەلدەن اۋىر جەنە اسا اۋىر قىلمىس جاسادى دەپ ايىپ تاعىلعان 40 ادام ەكستراديتسييالاندى. جالپى قازاقستان قىلمىستىق-قۇقىقتىق سالا بويىنشا الىس شەتەلدٸڭ 34 مەملەكەتٸمەن 74 شارتقا قول قويدى.
كەزدەسۋ سوڭىندا قاسىم-جومارت توقاەۆ ەلٸمٸزدٸڭ تىنىس-تٸرشٸلٸگٸنە قاتىستى بارلىق سالادا زاڭنىڭ ساقتالۋىن قامتاماسىز ەتۋ ٸسٸن كٷشەيتۋ قاجەت ەكەنٸنە نازار اۋداردى.
