باس پروكۋرور جاقىپ اسانوۆ سوتتىڭ "قورعاس" شىحو ەكس-پرەزيدەنتٸ ۆاسيليي نيدٸڭ ٸسٸنە قاتىستى شەشٸمٸنە قاتىستى پٸكٸر بٸلدٸردٸ, - دەپ حابارلايدى kaz.tengrinews.kz تٸلشٸسٸ.
"وسى ٸسكە قاتىستى شۋدىڭ كٶپ بولۋى جاقسى بولدى دەۋگە بولادى. سٸزدەردٸ دۇرىس ەستٸدٸڭٸزدەر - ٶتە جاقسى بولدى. بۇل دەگەنٸمٸز بٸزدٸڭ قوعامىمىز جەتٸلە باستادى دەگەن سٶز. نەمقۇرايلى قاراۋ, ٸسكە ارالاسپاۋ دەگەن دٷنيەلەر قالدى, بەلسەندٸلٸك بايقالادى. بٸر جاعىنان, بٸز, مەملەكەتتٸك ورگاندار مەن سوتتار, سٸزدەرگە اشىلىپ جاتىرمىز. بٸرنەشە جىل بۇرىن مۇندايدى ەلەستەتۋ مٷمكٸن ەمەس ەدٸ. سەبەبٸ بارلىعى جابىق تەرتٸپتە ٶتٸپ جاتتى. ال بٷگٸن بارلىعى اشىق", - دەدٸ جاقىپ اسانوۆ مەجٸلٸس وتىرىسىندا.
سونداي-اق, جۋرناليستەر باس پروكۋروردىڭ وسى اتىشۋلى ٸس تۋرالى نە ويلايتىنىن سۇرادى.
"ەشبٸر ەلدە ەشقاشان مٸنسٸز زاڭداردىڭ بولمايتىنىن ەسكەرۋ قاجەت. وسىدان 2-3 جىل بۇرىن بٸر جٸگٸت سۇمدىق جول اپاتىن جاساعان بولاتىن. سالدارىنان بٸر ادام قازا تاۋىپ, بٸرنەشە ادام زارداپ شەكتٸ, تۋىستارى ونى كەشٸردٸ. قىلمىستىق ٸس توقتاتىلدى. نەلٸكتەن توقتاتىلدى? سەبەبٸ قر قىلمىستىق كودەكسٸنٸڭ 68-بابى وسى قىلمىستى توقتاتۋدى مٸندەتتەدٸ. بٸراق قوعام بۇل شەشٸممەن كەلٸسكەن جوق. ولار اشۋلاندى. نەتيجەسٸندە پارلامەنت وسى 68-باپتى ٶزگەرتتٸ. جول اپاتىن جاساعان جٸگٸت قازٸر دەل سول ەرەكەتٸن قايتالاسا, مٸندەتتە تٷردە تٷرمەگە قامالادى", - دەدٸ باس پروكۋرور.
"قورعاس" شىحو ەكس-پرەزيدەنتٸ ۆاسيليي نيدٸڭ ٸسٸ جايلى ايتا كەلە جاقىپ اسانوۆ قر قىلمىستىق كودەكسٸنٸڭ 65-بابىنا توقتالىپ ٶتتٸ.
"بولعان جاعدايدى ەسكەرە وتىرساق, 65-باپ سوتقا وسىنداي شەشٸم قابىلداۋعا قۇقىق بەرەدٸ. يە, سوت ونى كٸنەلٸ دەپ تانىدى. بۇل سوتتىڭ قۇقىعى, ەشكٸم سوت زاڭدى بۇزدى دەپ ايتا المايدى. سۋديا وسى ٸستٸ قاراي وتىرىپ, بارلىق تاراپتى تىڭداپ وسىنداي شەشٸمگە كەلٸپ, 65-باپقا توقتادى. ولار ايىپتى دەپ تانىلىپ, كەم دەگەندە بٸر جىل تەرگەۋ يزولياتورىندا بولدى. ايىپتاۋ ٷكٸمٸ بار, بٸراق ولار جازادان قۇتىلىپ كەتتٸ", - دەدٸ باس پروكۋرور.
"ەندٸ سٸزدەرگە مەنٸڭ جەكە پٸكٸرم قىزىق بولىپ تۇر ما?", - دەپ سۇرادى جاقىپ اسانوۆ جۋرناليستەردەن.
"مۇنى مەن شەشپەيمٸن. مۇنى پارلامەنت شەشەدٸ. قر قىلمىستىق كودەكسٸنٸڭ 65-بابىن ٶزگەرتۋٸمٸز كەرەك. وسى قىلمىسقا 65-باپ مٷلدە قولدانىلماۋى كەرەك, مەنٸڭ جەكە پٸكٸرٸم وسىنداي. (...) بٸراق سوت زاڭدى بۇزدى دەپ ايتۋعا دا بولمايدى. نارازىلىق تەك بٸر جاعدايدا قابىلدانادى, ياعني ماڭىزدى زاڭبۇزۋشىلىقتار بولعان جاعدايدا. قر قىلمىستىق نەمەسە قىلمىستىق-پروتسەستٸك كودەكسٸندەگٸ زاڭبۇزۋشىلىقتار بولعاندا. ايقىن ەرٸ ناقتى زاڭبۇزۋشىلىق جوق - بۇل سوتتىڭ قۇقىعى", - دەدٸ جاقىپ اسانوۆ.
وسىعان دەيٸن باس پروكۋراتۋرا "قورعاس" شىحو ەكس-پرەزيدەنتٸنٸڭ قىلمىستىق جاۋاپكەرشٸلٸكتەن بوساتىلۋىنا قاتىستى پٸكٸر بٸلدٸرگەن بولاتىن.
ەسكە سالايىق, ميلليون دوللار پارا العان جەرٸنەن ۇستالعان "قورعاس" شىحو بۇرىنعى پرەزيدەنتٸ ۆاسيليي ني قىلمىستىق جاۋاپكەرشٸلٸكتەن بوساتىلعانى حابارلانعان ەدٸ. بۇل تۋرالى الماتى قالاسىنىڭ قىلمىستىق ٸستەر بويىنشا سوت القاسىنىڭ تٶراعاسى باقىتجان قارمانوۆتىڭ رەسمي ساۋالعا بەرگەن جاۋابىندا ايتىلادى. سونداي-اق, ينۆەستورلارمەن جۇمىس بٶلٸمٸنٸڭ باسشىسى ماحاببات سايدۋللاەۆانىڭ دا قىلمىستىق جاۋاپكەرشٸلٸكتەن بوساتىلعانى بەلگٸلٸ بولدى.
"پروكۋروردىڭ ٶتٸنٸشٸ بويىنشا جەنە سوتتالۋشىلاردىڭ وسىعان دەيٸن سوتتى بولماۋىنا, جۇمىس ورنى مەن تۇرعىلىقتى جەرٸنەن جاعىمدى پٸكٸرلەر بولعاندىقتان جەنە سوتتالۋشى سايدۋللاەۆا ماحاباتتىڭ اسىراپ العان كٸشكەنتاي بالاسى بولۋىنا بايلانىستى سوت قر قىلمىستىق كودەكسٸنٸڭ 65-بابىنىڭ 1-بٶلٸگٸ نەگٸزٸندە ("شىنايى ٶكiنۋiنە بايلانىستى قىلمىستىق جاۋاپتىلىقتان بوساتۋ") جاۋاپكەرشٸلٸكتەن بوساتتى", - دەگەن ەدٸ سوتتاعىلار رەسمي ساۋالعا بەرگەن جاۋاپتارىندا.
5 قىركٷيەكتە "قورعاس" شىحو پرەزيدەنتٸ ميلليون دوللار پارا الىپ جاتقان جەرٸنەن ۇستالعان بولاتىن. ول وسى پارا ٷشٸن ينۆەستيتسييالىق تەندەردٸڭ نەتيجەلەرٸن شەشٸپ بەرۋ ٷشٸن العان دەلٸنگەن ەدٸ.
