فوتو اشىق دەرەككٶزدەن الىندى
باس پروكۋرور بەرٸك اسىلوۆ مەجٸلٸستە دەپۋتاتتاردىڭ قاڭتار وقيعاسىنا قاتىستى ساۋالىنا جاۋاپ بەردٸ, دەپ حابارلايدى قازاقپارات اگەنتتٸگٸ.
ٶتكەن اپتادا مەجٸلٸس دەپۋتاتى ەدٸل جاڭبىرشين قاڭتار وقيعاسىنا قاتىستى حالىقتىڭ كٶكەيٸندە جٷرگەن سۇراقتارعا تيٸستٸ كٷشتٸك قۇرىلىمدار مەن مەملەكەتتٸك ورگانداردىڭ باسشىلارى مەجٸلٸسكە كەلٸپ جاۋاپ بەرۋٸن تالاپ ەتكەن بولاتىن.
«قاڭتار وقيعاسى بٷكٸل ەلدٸ دٷر سٸلكٸندٸرٸپ, بەرٸمٸزگە ٷلكەن سىن بولدى. بٷگٸندە قولىمىزدا تولىق مەلٸمەتتەر بار. تەرگەۋ ورگاندارى وقيعا حرونولوگيياسىن, نەگٸزگٸ ۇيىمداستىرۋشىلاردى انىقتادى. ولاردىڭ ٸشٸندە جوعارى لاۋازىمدى ادامدار مەن ۇيىمداسقان قىلمىستىق توپ مٷشەلەرٸ دە بولدى. بارلىق قازا بولعانداردىڭ كٸم ەكەنٸن, ولاردىڭ قايتىس بولۋ سەبەپتەرٸن زەرتتەدٸك. قارۋ-جاراقتى ٸزدەۋ جالعاسۋدا. قىلمىسكەرلەردٸ جاۋاپقا تارتۋدامىز. ولاردىڭ ٸشٸندە قىزمەت مٷددەسٸندە وپاسىزدىق جاساپ, ازاماتتاردىڭ قاۋٸپسٸزدٸگٸن قامتاماسىز ەتپەگەندەر دە بار. ازاپتاۋ بويىنشا ٸستەردٸ اياقتاپ جاتىرمىز», - دەدٸ بەرٸك اسىلوۆ مەجٸلٸستٸڭ بٷگٸنگٸ وتىرىسىندا.
باس پروكۋراتۋرا سول وقيعالاردى, ولاردىڭ سالدارىن ەسكە سالۋ ٷشٸن قاڭتار وقيعاسى تۋرالى بەينەروليك ۇسىندى. بەينەروليك مەلٸمەتٸنە سەيكەس, قاسٸرەتتٸ قاڭتاردا ەلٸمٸز بويىنشا 5149 ادام جارالانىپ, 238 ادام مەرت بولعان. ولاردىڭ 19-ى – كٷشتٸك قۇرىلىمداردىڭ قىزمەتكەرلەرٸ.
«جاپپاي تەرتٸپسٸزدٸك بارىسىندا قازا تاپقاندارعا ەرەكشە نازار اۋدارۋ كەرەك. مىسالى, وبەكتٸلەردٸ قورعاۋ جەنە لاڭكەستٸككە قارسى وپەراتسييا بارىسىندا 238 ازامات قازا تاپتى, ولاردىڭ 41 بۇرىن سوتتالعان. باس پروكۋراتۋرا تەرگەۋ بارىسىندا بارلىق اقپاراتتى قايتا تەكسەرٸپ, 67 ازاماتتىڭ جاپپاي تەرتٸپسٸزدٸكتەرگە قاتىسقانىن, 142 ادام تەرروريزمگە قارسى وپەراتسييا كەزٸندە ەرەكشە رەجيمدٸ بۇزعانىن, 4 ادام باسقا قۇقىق بۇزۋشىلىقتار بارىسىندا قازا تاپقانىن انىقتادى», - دەدٸ ول.
سونداي-اق, بەرٸك اسىلوۆ بەيبٸت ميتينگ تۋرالى زاڭنىڭ بارلىق نورمالارى بۇزىلعانىن تٸلگە تيەك ەتتٸ.
«بۇل كٷنٸ قاسيەتتٸ تەۋەلسٸزدٸگٸمٸزگە وراسان زور قاتەر تٶندٸ. كٶپتەگەن ٸرٸ قالالاردىڭ عيماراتتارى ٶرتكە ورانىپ, استاڭ-كەستەڭ بولدى. باستى قۇندىلىعىمىز – ادام ٶمٸرٸنە قاۋٸپ تٶندٸ. پرەزيدەنت قابىلداعان باتىل قيمىلدار نەتيجەسٸندە عانا ەلگە تٶنگەن قاۋٸپ-قاتەردٸڭ بەتٸ قايتتى. ول كٷندەرٸ بارلىق زاڭناما بۇزىلدى. ٶكٸنٸشكە وراي, قوعامدا بەيبٸت ميتينگ ٶتكٸزۋ مەدەنيەتٸ قالىپتاسپاعانىن مويىنداۋىمىز قاجەت. ادامدار جينالىپ, كٶشەگە شىققاندا, بەيبٸت ميتينگ تۋرالى زاڭنىڭ بارلىق نورمالارى بۇزىلدى», - دەدٸ باس پروكۋرور.
ونىڭ ايتۋىنشا, ۇيىمداستىرۋشىلار ەكٸمدٸكتٸ حاباردار ەتپەي, مىڭداعان ادام جينالدى. WhatsApp پەن Telegram ارقىلى تەرتٸپسٸزدٸككە قاتىسۋشىلاردىڭ جينالۋى مەن قوزعالىسىن ٷيلەستٸرگەن.
«الماتىدا ساناۋلى ساعات ٸشٸندە بٸر توپتىڭ عانا ٸشٸندە قاتىسۋشىلار سانى 5,5 مىڭعا دەيٸن كٶبەيدٸ. سول سيياقتى جامبىل وبلىسىندا قاتارداعى قاتىسۋشىلار سانى 4 مىڭعا دەيٸن ٶستٸ. كەيٸن توبىر ەسەرٸ ورىن الدى. ادامدار پوليتسييانىڭ زاڭدى تالاپتارىن ورىنداماي, قارسىلىق كٶرسەتتٸ, ٶرتەدٸ, تونادى جەنە كٷش قولداندى. بۇل ٷشٸن الماتىعا ارنايى كٶرشٸ وبلىستاردان ادامدار كەلە باستادى.
كەيٸن جاعداي ۋشىعا تٷستٸ. تەك بٸر كٷنٸ 5 قاڭتاردا 8 ٶڭٸردە ەكٸمدٸككە شابۋىل جاسالدى. تەرتٸپسٸزدٸككە قاتىسۋشىلار مۇنى بيلٸكتٸڭ سيمۆولى رەتٸندە باسىپ العىلارى كەلدٸ. 5 قاڭتارعا قاراعان تٷنٸ شابۋىلداۋشىلار الماتى ەكٸمدٸگٸنٸڭ عيماراتىنا باسىپ كٸردٸ. بٸر ساعاتتان كەيٸن, شىمكەنتتەگٸ ەكٸمدٸك عيماراتىنا شابۋىل باستالدى. سول كٷنٸ قىلمىسكەرلەر اتىراۋ مەن قىزىلوردا وبلىسى ەكٸمدٸكتەرٸنٸڭ عيماراتىنا شابۋىل جاساي باستادى. شامامەن سول ۋاقىتتا الماتىدا شابۋىلداۋشىلار ەكٸمدٸكتٸ ٶرتەپ, پرەزيدەنت رەزيدەنتسيياسىنا قاراي باعىت الدى», - دەدٸ اسىلوۆ.
