كوللاج: Orda.kz
باس پروكۋروردىڭ ورىنباسارى جاندوس ٶمٸرەليەۆ سامات ەبٸشكە قاتىستى ەشقايدا كەتپەۋ تۋرالى بۇلتارتپاۋ شاراسى ٶزگەرمەگەنٸن مەلٸمدەدٸ, دەپ حابارلايدى Sputnik قازاقستان.
"بۇل قىلمىستىق ٸس بويىنشا بۇلتارتپاۋ شاراسى ٶزگەرتٸلگەن جوق. سول ەشقايدا كەتپەۋ تۋرالى بۇلتارتپاۋ شاراسى ٶز كٷشٸندە. سەبەبٸ ەشقانداي دا بوي تاسالاۋ نەمەسە جاۋاپ بەرۋگە كەلمەي جاتىر دەگەن فاكتٸلەر جوق", - دەدٸ ٶمٸرەليەۆ مەجٸلٸس كۋلۋارىندا جۋرناليستەر سۇراعىنا جاۋاپ بەرٸپ.
جۋرناليستەردٸڭ "ەلدەن كەتٸپ قالادى دەپ ويلامايسىزدار ما?" دەگەن سۇراعىنا:
"تەرگەۋ ورگاندارىندا وعان ەشقانداي نەگٸز جوق", - دەپ جاۋاپ بەردٸ باس پروكۋروردىڭ ورىنباسارى.
ايتۋىنشا, سامات ەبٸشتٸڭ ٷستٸنەن لاۋازىمدىق ٶكٸلەتتٸگٸن اسىرا پايدالانۋ بويىنشا قىلمىستىق ٸس قوزعالىپ, تەرگەۋ جٷرٸپ جاتىر.
بيىل 19 قىركٷيەكتە باس پروكۋراتۋرا قاڭتار وقيعاسى بويىنشا ۇلتتىق قاۋٸپسٸزدٸك كوميتەتٸ تٶراعاسىنىڭ بۇرىنعى بٸرٸنشٸ ورىنباسارى سامات ەبٸشكە قاتىستى تەرگەۋ باستالعانىن حابارلادى. ول "قاڭتار وقيعاسى" كەزٸندە بيلٸك پەن لاۋازىمدىق ٶكٸلەتتٸكتەردٸ اسىرا پايدالاندى دەگەن كٷدٸككە ٸلٸنگەن.
دەل سول كٷنٸ باس پروكۋراتۋرا سامات ەبٸشتەن ەشقايدا كەتپەۋ تۋرالى قولحات العانىن, ول قازاقستاندا ەكەنٸن مەلٸمدەدٸ.
ايتا كەتەرٸ, سامات ەبٸش – تۇڭعىش پرەزيدەنت نۇرسۇلتان نازارباەۆتىڭ نەمەرە ٸنٸسٸ. 2015 جىلدان باستاپ قاڭتار وقيعاسىنا دەيٸن, ياعني 2022 جىلدىڭ قاڭتارىنا دەيٸن ۇلتتىق قاۋٸپسٸزدٸك كوميتەتٸ تٶراعاسىنىڭ بٸرٸنشٸ ورىنباسارى قىزمەتٸن اتقارعان.
ەسكە سالا كەتەيٸك, قاڭتار وقيعاسىنان كەيٸن ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆ پەن ونىڭ ورىنباسارلارى ۇستالدى. ارتىنشا ولارعا سوت ٷكٸمٸ شىقتى. مەسٸموۆتٸڭ مٷلكٸ تەركٸلەنٸپ, ول 18 جىلعا باس بوستاندىعىنان ايىرىلدى. ال مەسٸموۆتٸڭ ورىنباسارى بولعان سامات ەبٸش قىزمەتٸنەن بوساتىلدى, ونىڭ ٷستٸنەن قىلمىستىق ٸس قوزعالعان جوق.
