باس پروكۋراتۋرا ينتەرنەتتە تاراعان فەيكتەرگە بايلانىستى قازاقستاندىقتارعا ٷندەۋ جاسادى, - دەپ حابارلايدى "ۇلت اقپارات".
ۆەدومستۆو مەلٸمەتٸنشە, وتاندىق اقپارات كەڭٸستٸگٸندە, ەلەۋمەتتٸك جەلٸلەردە تٷرلٸ تاقىرىپتا كٶرٸنەۋ جالعان اقپارات تاراتۋ دەرەگٸ جيٸلەپ كەتكەن.
"جەلٸدە بلوگەرلەردٸڭ ارانداتۋشىلىق, ۇلتارالىق ارازدىقتى تۋدىراتىن مەلٸمدەمەلەرٸ جەنە بەلگٸلٸ بٸر ازاماتتاردىڭ ار-نامىسى مەن قادٸر-قاسيەتٸنە نۇقسان كەلتٸرەتٸن, سونداي-اق بٸرقاتار ازاماتتاردىڭ ۇستالىپ, قىلمىستىق جاۋاپكەرشٸلٸككە تارتىلعانى تۋرالى جالعان حابارلامالار تاراپ جاتىر", - دەلٸنگەن حابارلامادا.
مۇنداي فەيك مەلٸمەتتەر قوعامدا جالعان پٸكٸر قالىپتاستىرىپ قانا قويماي, سونىمەن بٸرگە قوعامدىق تەرتٸپكە دە تەرٸس ەسەر ەتۋٸ ىقتيمال, دەپ باسا ايتتى ۆەدومستۆو.
"مۇنداي جالعان اقپاراتتى تاراتۋدى نەگٸزٸنەن بلوگەرلەر ەدەيٸ جەنە ٷشٸنشٸ تۇلعالاردىڭ مٷددەسٸن كٶزدەپ جٷزەگە اسىرادى. ولاردىڭ ماقساتى - جەكە باسىن بايۋ جەنە اقشا بوپسالاۋ ارقىلى ماتەريالدىق پايدا الۋ.
ۇلتارالىق ارازدىقتى قوزدىرۋعا, بوپسالاۋعا, كٶرٸنەۋ جالعان اقپارات تاراتۋعا باعىتتالعان بۇل ەرەكەتتەر قىلمىستىق ەرەكەت بولىپ سانالادى. قىلمىستىق كودەكستٸڭ 174, 194 جەنە 274-باپتارى بويىنشا جاۋاپ بەرەدٸ", - دەپ تولىقتىردى باس پروكۋراتۋرا.
وسىعان وراي, باس پروكۋراتۋرا ەل ازاماتتارىن, باق ٶكٸلدەرٸن, ەلەۋمەتتٸك جەلٸ قولدانۋشىلارىن زاڭدى قاتاڭ ساقتاۋعا جەنە جوعارىدا اتالعان قۇقىق بۇزۋشىلىقتاردىڭ ەشقايسىسىن جاساماۋعا, ارانداتۋشىلىققا بوي الدىرماۋعا جەنە تەك رەسمي اقپارات كٶزدەرٸنە سەنۋگە شاقىرادى.
