قر باس پروكۋراتۋراسى قىلمىستىق قۋدالاۋ قىزمەتٸ باسشىسىنىڭ ورىنباسارى ەلدوس قيلىمجانوۆ قاڭتاردا پوليتسييادان ۇرلانعان قارۋ جايىندا ايتتى, دەپ حابارلايدى قازاقپارات.
ونىڭ ايتۋىنشا, بيىل قاڭتاردا قۇقىق قورعاۋ ورگاندارى عيماراتتارىنان 1 259 تابەلدٸك قارۋ ۇرلانعان, ونىڭ ٸشٸندە اۆتوماتتار مەن تاپانشالار بار.
«اتاپ ايتقاندا, الماتى وبلىسىندا پوليتسييا دەپارتامەنتٸ عيماراتىنان 53 اۆتومات, 367 تاپانشا, 1 گراناتومەت, سونداي-اق 20 مىڭنان استام پاترون ۇرلاندى», - دەدٸ قيلىمجانوۆ ورتالىق كوممۋنيكاتسييالار قىزمەتٸندەگٸ بريفينگٸدە.
ونىڭ سٶزٸنە قاراعاندا, جامبىل وبلىسىندا 200 اۆتومات, 148 تاپانشا, 11 گراناتومەت, بٸر پۋلەمەت جەنە 40 مىڭعا جۋىق پاترون ۇرلانعان.
«رەزيدەنتسييادا ويران سالۋدان كەيٸن 130 قارۋ مەن وق-دەرٸنٸڭ جەتٸسپەيتٸنٸ انىقتالدى. ونىڭ ٸشٸندە 80 گراناتا, 17 تاپانشا, 11 اۆتومات, 21 گراناتومەت جەنە سنايپەر مىلتىعى بار. اتالعان قارۋدى كەيٸننەن قىلمىسكەرلەر بەيبٸت تۇرعىندار مەن قۇقىق قورعاۋ قىزمەتكەرلەرٸنە قارسى قولداندى», - دەدٸ باس پروكۋراتۋرا ٶكٸلٸ.
