2017 جىلدىڭ 1 قىركٷيەگٸ – قۇربان ايتتىڭ بٸرٸنشٸ كٷنٸ!
قۇربان ايت قۇتتى بولسىن!
اسا قامقور, ەرەكشە مەيٸرٸمدٸ اللانىڭ اتىمەن باستايمىن!
قۇرمەتتٸ باۋىرلار!
بارشامىزدى ايتقا امان-ەسەن جەتكٸزگەن اللا تاعالاعا سانسىز شٷكٸرلەر مەن ماقتاۋلار بولسىن!
بارشاڭىزدى كٷللٸ مۇسىلمان قاۋىمى اسىعا كٷتكەن قاسيەتتٸ, ۇلىق مەرەكە – قۇربان ايت مەيرامىمەن قۇتتىقتايمىن! وتباسىلارىڭىزعا اماندىق, مىقتى دەنساۋلىق, جۇمىستارىڭىزعا بەرەكە تٸلەيمٸن.
قۇربان ايت – جاراتۋشى يەمٸز بەلگٸلەپ بەرگەن ەكٸ مەيرامنىڭ ۇلىعى, ايتۋلى مەرەكە. حالقىمىز بۇل مەيرامعا ايرىقشا دايىندالىپ, كٶپشٸلٸكپەن ەرەكشە اتاپ ٶتەدٸ. بەرەكەگە باستاعان قۇربان ايت بٸرلٸك پەن يگٸلٸككە, مەيٸرٸم مەن كەشٸرٸمگە ٷندەيدٸ.
ايت – اعايىننىڭ اۋىزبٸرشٸلٸگٸن ارتتىرا تٷسەتٸن, مۇسىلمان قاۋىمىن يماندىلىققا ۇيىتىپ, بارشا ادامدى قاناعات پەن تەۋبەگە شاقىراتىن ۇلىق مەيرام. ايت كٷنٸ ادامدار قۇربان شالۋمەن عانا ەمەس, ساۋاپتى, ٸزگٸ, قايىرلى امالدارىمەن راببىسىنىڭ رازىلىعىنا, راقىمىنا جاقىنداي تٷسەدٸ. ٶيتكەنٸ, اراب تٸلٸندەگٸ «قۇربان» سٶزٸ «جاقىن بولۋ», «جاقىنداۋ» دەگەن ۇعىمداردى بٸلدٸرەدٸ.
قاسيەتتٸ قۇراندا: «ۇمىتپاڭدار, ولاردىڭ ەتٸ دە, قانى دا ەشقاشان اللاعا جەتپەيدٸ. وعان جەتەتٸن نەرسە – جٷرەكتەرٸڭٸزگە ۇيالاعان تاقۋالىقتارىڭ (شىنايى نيەتتەرٸڭ)» («حاج» سٷرەسٸ, 37-ايات), – دەپ باياندالعان.
ايت كٷندەرٸ قاجىلىق پارىزىن ٶتەيتٸن كٷللٸ مۇسىلمان بالاسى جاراتۋشىعا جالبارىنا دۇعا جاساپ, قۇرباندىق شالادى. قاسيەتتٸ مەككە قالاسىندا حالقىمىزدىڭ بٸرلٸگٸ مەن بەرەكەسٸن تٸلەپ جاتقان وتانداستىرىمىزدىڭ دا دۇعاسى, قاجىلىعى قابىل بولعاي!
قارجىلىق مٷمكٸندٸگٸ جوق ادامعا قۇربان شالۋ – مٸندەت ەمەس. قۇرباندىق ەتٸ اعايىن-تۋىس, كٶرشٸ-قولاڭ, تۇرمىسى تٶمەن وتباسىلارىنا, جەتٸم مەن جەسٸرلەرگە, مٷگەدەكتەر مەن ناۋقاس جاندارعا تاراتىلادى.
قۇربان ايت كٷنٸ ەرتە تۇرىپ, عۇسىل قۇيىنىپ, ايت نامازىنا قاتىسۋ – پايعامبارىمىز مۇحاممەدتٸڭ (وعان اللانىڭ سالاۋاتى مەن سەلەمٸ بولسىن) سٷننەتٸ.
وسى رەتتە ەلٸمٸزدٸڭ بارشا ازاماتىن مٷبەراك مەيرامنىڭ قۇرمەتٸ ٷشٸن مٷگەدەكتەرگە, جەتٸمدەر مەن جەسٸرلەرگە, قاراۋسىز قالعان قارتتارعا قايىرىمدىلىق جاساۋعا شاقىرامىن.
اللا تاعالا دۇعا-تٸلەكتەرٸمٸز بەن ساۋاپتى ٸستەرٸمٸزدٸ جەنە شالعان قۇرباندىقتارىمىزدى قابىل ەتكەي! ەمين!
ەرجان قاجى مالعاجىۇلى,
قازاقستان مۇسىلماندارى دٸني
باسقارماسىنىڭ تٶراعاسى, باس مٷفتي
