2018 جىلدىڭ 21 تامىزى - قۇربان ايتتىڭ بٸرٸنشٸ كٷنٸ. وسى مەرەكەگە وراي قازاقستان مۇسىلماندارى دٸني باسقارماسىنىڭ تٶراعاسى, باس مٷفتي سەرٸكباي قاجى وراز مۇسىلمان قاۋىمىن قۇربان ايت مەيرامىمەن قۇتتىقتادى.
«مەيٸرٸمنٸڭ مەرەكەسٸ - قۇربان ايت قۇتتى بولعاي!
اسا قامقور, ەرەكشە مەيٸرٸمدٸ اللانىڭ اتىمەن باستايمىن!
قادٸرمەندٸ قاۋىم!
بارشاڭىزدى يسٸ مۇسىلمان قاۋىمىنىڭ ۇلىق مەيرامى - قۇربان ايتپەن شىن جٷرەكتەن قۇتتىقتايمىن. ايت مەيرامى قۇتتى-بەرەكەلٸ بولعاي! ەر وتباسىنا اماندىق, مىقتى ساۋلىق, مول ىرىس پەن باق-بەرەكە تٸلەيمٸن!
قۇربان ايت - كٷللٸ مۇسىلمان ٷمبەتٸنٸڭ ەكٸ ۇلىق مەرەكەسٸنٸڭ بٸرٸ. بٸزدٸڭ حالقىمىز بۇل مەيرامدى سان عاسىردان بەرٸ ەرەكشە قادٸرلەپ, ايرىقشا اتاپ ٶتكەن. ايتۋلى مەيرامدا اعايىن-جۇرت بٸر-بٸرٸنە «قۇربان ايت قۇتتى بولسىن, ايت قابىل بولسىن» ايتىپ, جىلى لەبٸزدەرٸ مەن ٸزگٸ تٸلەكتەرٸن ارناعان.
كٶرشٸ مەن تۋىسقانعا ايتتاپ بارۋ, قادٸرلٸ قوناققا ايتتىق بەرٸپ, ٷلكەننٸڭ العىسى مەن باتاسىن الۋ - سوناۋ زاماننان جالعاسىپ كەلە جاتقان مۇسىلماندىق دەستٷرٸمٸز.
اللاعا شٷكٸر, سالتىنان جاڭىلماعان جۇرتىمىز تەۋەلسٸزدٸك جىلدارىندا ايتتى تويلاۋ دەستٷرٸن قايتا جاڭعىرتىپ, ونى حالىقتىق دەڭگەيدە اتاپ ٶتۋگە مٷمكٸندٸك الدى. ەلباسىنىڭ يگٸ باستاماسىمەن ەلٸمٸزدە قۇربان ايتتىڭ قۇرمەتٸنە دەمالىس جارييالانىپ, بۇل مەيرام بارشا ۇلت پەن ۇلىستى بٸرلٸك پەن ٸزگٸلٸككە ٷندەيتٸن حالىقتىق مەرەكەگە اينالدى.
ەسٸلٸندە «قۇربان» سٶزٸ «جاقىن بولۋ», «جاقىنداۋ» دەگەن ۇعىمداردى بٸلدٸرەدٸ. مۇسىلمان بالاسى ايت كٷنٸ قۇرباندىق شالۋ ارقىلى اللاعا دەگەن اق نيەتٸن پاش ەتەدٸ. ٶيتكەنٸ, قاسيەتتٸ قۇراندا حاق تاعالا: «ۇمىتپاڭدار, ولاردىڭ ەتٸ دە, قانى دا ەشقاشان اللاعا جەتپەيدٸ. وعان جەتەتٸن نەرسە - جٷرەكتەرٸڭٸزگە ۇيالاعان تاقۋالىقتارىڭ (شىنايى نيەتتەرٸڭ)» («حاج» سٷرەسٸ, 37-ايات), - دەپ ادال نيەتتٸڭ ماڭىزدىلىعىن اتاپ ٶتكەن.
جاعدايى بار, əرٸ جولاۋشى ەمەس مۇسىلمانعا قۇرباندىق شالۋ - ۋəجٸپ, مۇسىلماندىق مٸندەت. ال مٷمكٸندٸگٸ جوق ادامعا اللا تاعالا مۇنداي مٸندەت جٷكتەمەگەن. بۇل قاسيەتتٸ كٷندە مٷمكٸندٸگٸ جوق, تۇرمىسى تٶمەن وتباسىلارعا قول ۇشىن بەرٸپ, ولارعا قۋانىش سىيلاۋ - ساۋاپتى ٸس.
قۇرباندىققا تٷيە, سيىر جəنە قوي, ەشكٸ شالىنادى. بٸر قوشقار نەمەسە قوي بٸر كٸسٸ اتىنان شالىنادى. ال قارا مال نەمەسە تٷيەنٸ جەتٸ كٸسٸ بٸرٸگٸپ, قۇرباندىققا شالۋعا بولادى. قۇرباندىق مالىن ايت نامازىنان كەيٸن ايتتىڭ ٷشٸنشٸ كٷنٸ كەش باتقانعا دەيٸن شالۋعا بولادى. قۇرباندىق ەتٸ اعايىن-تۋىسقا, كٶرشٸگە, تۇرمىسى تٶمەن وتباسىلارىنا تاراتىلادى.
ايت كٷنٸ ەرتە تۇرىپ, عۇسىل قۇيىنىپ, ايت نامازىنا قاتىسۋ - مۇسىلماندىق مٸندەت. ايت نامازىنا ەدەمٸ, تازا كيٸممەن بارعان ابزال.
قۇرمەتتٸ وتانداستار!
قۇربان ايت - كەشٸرٸم مەن مەيٸرٸمنٸڭ, قاناعات پەن قايىرىمدىلىقتىڭ مەرەكەسٸ. ايتتىڭ قۇرمەتٸنە ٸزگٸلٸك پەن كەڭشٸلٸكتٸڭ جولىن ۇستانىپ, قاراۋسىز قالعان قارتتارعا قايىرىمدىلىق جاساپ, قامكٶڭٸل جاندارعا سىيلىق بەرۋدٸڭ ساۋابى مول. وسى رەتتە بارشا وتانداستارىمدى ەل يگٸلٸگٸ ٷشٸن جاسالاتىن قايىرىمدىلىق اكتسييالارى مەن ساۋاپتى ٸس-شارالارعا اتسالىسۋعا شاقىرامىن.
للا تاعالا شالعان قۇرباندىقتارىڭىز بەن يگٸ امالدارىڭىزدى قابىل ەتكەي. قاسيەتتٸ مەككە قالاسىندا حالقىمىزدىڭ بٸرلٸگٸ مەن بەرەكەسٸن سۇراپ, دۇعا جاساپ جاتقان وتانداستارىمىزدىڭ تٸلەگٸ مەن قاجىلىعى قابىل بولعاي! ەمين!», - دەلٸنگەن قۇتتىقتاۋدا.
