قۇربان ايت قۇتتى بولسىن!
اسا قامقور, ەرەكشە مەيٸرٸمدٸ اللانىڭ اتىمەن باستايمىن!
قۇرمەتتٸ باۋىرلار!
بارشاڭىزدى كٷللٸ مۇسىلمان قاۋىمى اسىعا كٷتكەن قاسيەتتٸ, ۇلىق مەرەكە – قۇربان ايت مەيرامىمەن قۇتتىقتايمىن! وتباسىلارىڭىزعا اماندىق, مىقتى دەنساۋلىق, جۇمىستارىڭىزعا بەرەكە تٸلەيمٸن.
بەرٸمٸزدٸ ايتقا امان-ەسەن جەتكٸزگەن اللا تاعالاعا سانسىز شٷكٸرلەر مەن ماقتاۋلار بولسىن!
يسلام دٸنٸ سان عاسىردان بەرٸ ەلٸمٸزدٸڭ رۋحاني تٸرەگٸ بولىپ كەلەدٸ. حالقىمىز اسىل دٸنٸمٸزدەگٸ جاراتۋشى يەمٸز بەلگٸلەپ بەرگەن ەكٸ مەيرامنىڭ ۇلىعى, ايتۋلى مەرەكە – قۇربان ايتقا ايرىقشا دايىندالىپ, كٶپشٸلٸكپەن ەرەكشە اتاپ ٶتەدٸ. بەرەكەگە باستاعان بۇل مەرەكە بٸرلٸك پەن يگٸلٸككە, مەيٸرٸم مەن كەشٸرٸمگە ٷندەيدٸ.
ايت – اعايىن اراسىن جاقىنداستىرا تٷسەتٸن, ادامزات بالاسىن يماندىلىققا ۇيىتىپ, قاناعات پەن تەۋبەگە شاقىراتىن ۇلىق مەيرام. بۇل كٷندەرٸ بارشا مۇسىلمان قۇربان شالۋمەن عانا ەمەس, ۇلى اللاعا ۇنامدى ەربٸر ٸزگٸ امالى ارقىلى راببىسىنىڭ رازىلىعىنا, راقىمىنا جاقىنداي تٷسەدٸ. ٶيتكەنٸ, اراب تٸلٸندەگٸ «قۇربان» سٶزٸ «جاقىن بولۋ», «جاقىنداۋ» دەگەن ۇعىمداردى بٸلدٸرەدٸ.
قاسيەتتٸ قۇراندا: «ۇمىتپاڭدار, ولاردىڭ ەتٸ دە, قانى دا ەشقاشان اللاعا جەتپەيدٸ. وعان جەتەتٸن نەرسە – جٷرەكتەرٸڭٸزگە ۇيالاعان تاقۋالىقتارىڭ (شىنايى نيەتتەرٸڭ)» («حاج» سٷرەسٸ, 37-ايات), – دەپ باياندالعان.
ايت كٷندەرٸ قاجىلىق پارىزىن ٶتەپ جاتقان مۇسىلماندار دا جاراتۋشىعا جالبارىنا دۇعا جاساپ, قۇرباندىق شالادى. قاسيەتتٸ مەككە قالاسىندا ەلٸمٸزدٸڭ اماندىعى, حالقىمىزدىڭ بٸرلٸگٸ مەن بەرەكەسٸن تٸلەپ جاتقان وتانداستىرىمىزدىڭ دا دۇعاسى, قاجىلىعى قابىل بولعاي!
قارجىلىق مٷمكٸندٸگٸ جوق ادامعا قۇربان شالۋ – مٸندەت ەمەس. قۇرباندىق ەتٸ اعايىن-تۋىس, كٶرشٸ-قولاڭ, تۇرمىسى تٶمەن وتباسىلارىنا, جەتٸم مەن جەسٸرلەرگە, مٷگەدەكتەر مەن ناۋقاس جاندارعا تاراتىلادى.
قۇربان ايت كٷنٸ ەرتە تۇرىپ, عۇسىل قۇيىنىپ, ايت نامازىنا قاتىسۋ – پايعامبارىمىز مۇحاممەدتٸڭ (وعان اللانىڭ سالاۋاتى مەن سەلەمٸ بولسىن) سٷننەتٸ.
قادٸرلٸ اعايىن!
بارشا جاماعاتتى, ەلٸمٸزدٸڭ جاناشىر ازاماتتارىن مٷبەراك مەيرامنىڭ قۇرمەتٸ ٷشٸن مٷگەدەكتەرگە, جەتٸمدەر مەن جەسٸرلەرگە, قاراۋسىز قالعان قارتتارعا قايىرىمدىلىق جاساۋعا شاقىرامىن.
اللا تاعالا دۇعا-تٸلەكتەرٸمٸز بەن ساۋاپتى ٸستەرٸمٸزدٸ جەنە شالعان قۇرباندىقتارىمىزدى قابىل ەتكەي! ەمين!
ەرجان قاجى مالعاجىۇلى,
قازاقستان مۇسىلماندارى دٸني
باسقارماسىنىڭ تٶراعاسى, باس مٷفتي
