قازاقستان قۇراماسىنىڭ باس باپكەرٸ ماگومەد اديەۆ سلوۆاكييامەن بولعان ماتچتى قورىتىندىلاۋ ٷشٸن باسپاسٶز مەسليحاتىنا قاتىسىپ, تٸلشٸلەردٸڭ سۇراقتارىنا جاۋاپ بەردٸ, دەپ حابارلايدى "ۇلت اقپارات" قفف باسپاسٶز قىزمەتٸنە سٸلتەمە جاساپ.
- بٷگٸنگٸ ويىن جايلى نە ايتاسىز?
- كەز-كەلگەن كوماندانىڭ ٶز ەرەكشەلٸكتەرٸ بولادى. بٸز سلوۆاكييانىڭ مىقتى ويىنشىلارىن تۇساپ ۇستاۋعا تىرىستىق. قاراپ قالماي, قارىمتا شابۋىلدارعا شىعىپ, گول سوعاتىن مٷمكٸندٸكتەر جاسادىق. ەرينە, قارسىلاس دوپقا كٶپ يەلٸك ەتتٸ.
بٸز ون كٷن ٸشٸندە نەبەرٸ ون بەس شاقتى فۋتبولشىمەن ويناپ شىقتىق. ەلٸمٸزدٸڭ كٶرسەتكەن قولداۋىن دا ايتا كەتۋ كەرەك. ولار بٸزگە كٷش بەرٸپ, العا جەتەلەدٸ.
- قازاقستان قۇراماسىنىڭ مۇنداي جەتٸستٸككە جەتۋٸنە نە سەبەپ بولدى?
- فۋتبولدا جەڭٸسپەن بٸرگە, جەڭٸلٸس تە قاتار جٷرەدٸ. بەلارۋسپەن ٶتكەن ماتچتىڭ سوڭعى جاعىندا گول جٸبەرٸپ, ۇتىلىپ قالۋىمىز مٷمكٸن ەدٸ. ەڭ باستىسى, بٸز باپكەرلەر شتابىمەن بٸرگە كيٸم اۋىستىراتىن بٶلمەدەگٸ اتموسفەرانى جاقسارتا الدىق. كوماندادا مىقتى ويىنشىلار مەن ٷزدٸك باپكەر بولا تۇرا, بٸرلٸك بولماسا, نەتيجەگە جەتۋ ٶتە قيىن.
فۋتبولشىلار بار كٷشٸن سالدى. بۇل ولاردىڭ مەرەكەسٸ. باس باپكەرگە قاراعاندا ويىنشىلاردىڭ ەڭبەگٸ كٶپ بولدى. العاش رەت جەڭٸستٸ وسىلاي تويلاعان شىعارمىن. جٸگٸتتەردٸڭ ارقاسىندا ەموتسيياعا ەرٸك بەرٸپ, بالاشا قۋاندىم. بۇل ٷشٸن ولارعا كٶپ راحمەت!
- ۇلتتىق قۇراماعا كٶپ شاقىرتىلمايتىن ميحايل گابىشەۆتٸڭ ويىنىن قالاي باعالايسىز?
- تيمۋر جەنە ميشامەن «شاحتەردە» بٸرگە جۇمىس ٸستەدٸم. ولاردى ۇلتتىق قۇراماعا نە ٷشٸن شاقىرعانىمدى جاقسى بٸلەمٸن. قوس قاپتالعا ەر ويىن سايىن روتاتسييا جاساۋ قاجەت بولدى. سول قاپتالدا تيمۋر, يان جەنە عافۋر, ال وڭ قاپتالدا ميحايل مەن باعدات ويناي الادى. سلوۆاكييامەن بولعان ەكٸ ماتچتا دا گابىشەۆ ٶنەر كٶرسەتتٸ. سەبەبٸ بۇل ويىنعا ونىڭ قارىم-قابٸلەتٸ كەرەك دەپ ەسەپتەدٸك.
- بەلارۋسپەن بولاتىن ويىندى اقتٶبەدە ٶتكٸزۋ جوسپاردا بار ما?
- مەن اقتٶبەدەگٸ ستاديونعا باپكەر رەتٸندە ەكٸ رەت بارىپ, تاماشا اتموسفەرانىڭ كۋەسٸ بولدىم. العاشىندا پاندەميياعا بايلانىستى جانكٷيەرلەردٸ ستاديونعا كٸرگٸزبەدٸ. بٸراق ولار سىرتتا تۇرىپ, ماتچ بويى قىزۋ قولداۋ كٶرسەتتٸ. ەكٸنشٸ رەت كەلگەندە قوسالقى ستاديوندا وينادىق. ول كەزدە دە كەرەمەت قولداۋ كٶرسەتتٸ. سوندىقتان اقتٶبەدەگٸ جانكٷيەرلەر قۇرمەتكە لايىق دەپ ويلايمىن. دەگەنمەن ول جاقتاعى ستاديون تالاپقا ساي كەلمەيدٸ ەكەن. سول سەبەپتٸ ۋەفا-عا بەلارۋسپەن بولاتىن ماتچتى «استانا ارەنادا» ٶتكٸزۋ تۋرالى ٶتٸنٸش جولداپ قويدىق.
