قازاقستاننىڭ بوكس قۇراماسىنىڭ باس باپكەرٸ عالىمبەك كەنجەباەۆ توكيو وليمپياداسىندا ٶنەر كٶرسەتكەن وتاندىق بوكسشىلاردىڭ سەتسٸز جەكپە-جەگٸنە قاتىستى تٷسٸنٸكتەمە بەردٸ, دەپ حابارلايدى قازاقپارات.
«بوكسشىلاردىڭ دايىندىعى جەتكٸلٸكتٸ دەڭگەيدە بولدى, ولاردىڭ وليمپياداداعى كٶرسەتكٸشتەرٸنە قاتىستى ٶزٸمە دە سۇراق قويىپ جاتىرمىن. سپورتشىلار دايىندىقتىڭ بارلىق دەڭگەيٸنەن ٶتتٸ جەنە ٶزارا سىنعا دا تٷستٸ. وليمپيادادا بوكسشىلارعا پسيحولوگييالىق قىسىم كەرٸ ەسەرٸن تيگٸزدٸ دەپ ويلايمىن, دەسەك تە بارلىعى دا تەجٸريبەلٸ سپورتشىلار», - دەدٸ كەنجەبەكوۆ وكق-دە ونلاين ٶتكەن باسپاسٶز مەسليحاتىندا.
سونداي-اق, ەلٸمٸزدٸڭ باس باپكەرٸ بوكسشىلار توكيو كليماتىنا سەيكەس كەلەتٸن كٶرشٸ رەسەيدە نەگە دايىندالمادى دەگەن سۇراققا جۋاپ بەردٸ.
«پاندەميياعا بايلانىستى ۆلاديۆوستوكقا بارىپ جاتتىعۋدىڭ رەتٸ كەلمەدٸ. وندا رەسەيدٸڭ قۇراما كومانداسى جاتتىعىپ, بٸزدٸ دە شاقىرعان بولاتىن. كارانتيندٸك شەكتەۋلەردەن بارا المادىق. جالپى ۆلاديۆوستوكتا شەتەلدەن كەلٸپ, جاتتىعۋ ٶتكٸزگٸسٸ كەلگەن نيەت بٸلدٸرۋشٸلەردٸڭ سانى كٶپ بولدى, دەگەنمەن كارانتينگە بايلانىستى ولارعا تىيىم سالىندى. بٸزدٸڭ بوكسشىلار الماتىداعى «اقبۇلاق» بازاسىندا جاتتىقتى. سپورتشىلارىمىز توكيوعا 17-سٸندە باردى, اراعا ون كٷن سالىپ بوكسشىلاردىڭ العاشقى جەكپە-جەگٸ ٶتتٸ. سوندىقتان دا جەرگٸلٸكتٸ كليماتقا بەيٸمدەلۋ ٷشٸن ۋاقىت جەتكٸلٸكتٸ بولدى», - دەيدٸ ول.
