فوتو: حك بارىس
قۇرلىقتىق حوككەي ليگاسىندا (قحل) ەلوردالىق «بارىس» ٶز ايدىنىندا نيجەگورودتىق «تورپەدومەن» كەزدەسٸپ, 3:5 ەسەبٸمەن ەسە جٸبەردٸ, دەپ حابارلايدى Ult.kz.
ويىننىڭ العاشقى مينۋتتارىندا قازاقستاندىق كوماندا بەلسەندٸ باستاما كٶرسەتتٸ. كيريلل پانيۋكوۆ قارسىلاستىڭ قاقپاسىنا جىلدام شايبا سوعىپ, جانكٷيەرلەرگە ٷمٸت سىيلادى. الايدا ەكٸنشٸ كەزەڭدە «بارىس» قورعانىستا بٸرنەشە قاتەلٸككە جول بەرٸپ, «تورپەدو» تٶرت شايبامەن العا شىقتى.
قورعاۋشى رايلي ۋولش بٸر گول جەنە بٸر نەتيجەلٸ پاس بەرٸپ, ماتچتىڭ ٷشٸنشٸ جۇلدىزى اتاندى. دەگەنمەن ونىڭ ەڭبەگٸ كومانداعا جەڭٸس سىيلاي المادى.
بۇل كەزدەسۋدەگٸ سەتسٸزدٸك «بارىس» ٷشٸن قحل-دەگٸ بەسٸنشٸ قاتارىنان جەڭٸلٸس بولىپ تٸركەلدٸ. كوماندا تۋرنير كەستەسٸندە تٶمەنگٸ ورىندا قالىپ وتىر.
ماتچتان كەيٸنگٸ باسپاسٶز جيىنىندا باس باپكەر ويىنشىلاردىڭ شابۋىلداعى بەلسەندٸلٸگٸن اتاپ ٶتٸپ, قورعانىستاعى ەلسٸز تۇستاردى مويىندادى.
«بٸز الدىڭعى شەپتە جاقسى وينادىق, بٸراق ٶز قاقپامىزدى قورعاۋدا قاتەلٸكتەر كٶپ بولدى. كەلەسٸ ويىنعا دەيٸن وسى باعىتتا جۇمىس ٸستەيمٸز», – دەدٸ ول.
كلۋبتىڭ باسپاسٶز قىزمەتٸ حابارلاعانداي, جاراقاتىنان ايىققان امەريكالىق شابۋىلشى تايس تومپسون جاقىن كٷندەرٸ ساپقا ورالۋى مٷمكٸن. ال كيريلل پانيۋكوۆ سىناق كەلٸسٸمشارتى اياسىندا كوماندا قۇرامىندا ٶز ورنىن بەكٸتٸپ قالۋعا مٷمكٸندٸك الىپ وتىر.
«بارىستىڭ» كەلەسٸ كەزدەسۋٸ 15 قازاندا استانادا ٶتەدٸ.
