قازاقستان مەن جاپونييا بٸرلەسٸپ تٷسٸرگەن «بارىمتاشىلار. ۋاقىت جولى» اتتى تولىقمەتراجدى فيلمٸنٸڭ ەلەمدٸك تۇساۋكەسەرٸ ازيياداعى ەڭ ٸرٸ فەستيۆالدٸڭ بٸرٸ – 3-12 قازان ارالىعىندا ٶتەتٸن 24-شٸ حالىقارالىق بۋسان كينوفەستيۆالٸ شەڭبەرٸندە ٶتەدٸ, دەپ حابارلايدى قازاقپارات «قازاقفيلم» كينوستۋديياسىنا سٸلتەمە جاساپ.
اتالعان فيلم 5 000-نان استام كٶرەرمەندٸ جينايتىن وڭتٷستٸك كورەيانىڭ ەڭ ٷلكەن كينو الاڭى – بۋسان كينو ورتالىعىندا (Busan Cinema Center) فەستيۆالدٸڭ اشىلۋ سالتاناتىندا كٶرسەتٸلەدٸ. ايتا كەتسەك, بۇل ورتالىق فەستيۆالدٸڭ اشىلۋ جەنە جابىلۋ سالتاناتىندا عانا جۇمىس ٸستەيدٸ.
ەستەرٸڭٸزگە سالا كەتسەك, «بارىمتاشىلار. ۋاقىت جولدارى» فيلمٸنٸڭ ٶندٸرٸسٸن قازاقستان تاراپىنان قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا ش. ايمانوۆ اتىنداعى «قازاقفيلم» اق ٸسكە اسىرسا, جاپون تاراپىنان – «Tokyo New Cinema» كومپانيياسى جٷزەگە اسىرىپ وتىر. «بارىمتاشىلار. ۋاقىت جولى» فيلمٸ جىلقى باعۋمەن اينالىساتىن قاراپايىم وتباسى تۋرالى باياندايدى. بٸر كٷنٸ جىلقى ٷشٸن ادام ٶلتٸرۋدەن تايىنبايتىن بارىمتاشىلار وتاعاسىن ٶلتٸرەدٸ. 12 جاسار ولجاس بارىمتاشىلاردىڭ قولىنان مەرت بولعان ەكەسٸنٸڭ ٶلٸمٸنە قايعىرىپ, زۇلىمدىقپەن كٷرەسٸپ, وتباسىلارىنا تٷسكەن اۋىرتپالىقتى قارىنداستارىمەن بٸرگە كەشەدٸ. قورعانسىز قالعان ولجاستىڭ وتباسىنا عايىپتان پايدا بولعان بٶگدە بٸرەۋ قول ۇشىن سوزادى.
«فيلمنٸڭ ستسەنارييٸ قازاقستاندا ورىن العان شىنايى وقيعاعا نەگٸزدەلگەن. جاقىندارىنان ايىرىلۋدىڭ قانداي قيىن ەكەندٸگٸن وسى وقيعا ارقىلى كينەماتوگرافييالىق تٸلمەن جەتكٸزگٸم كەلدٸ», - دەدٸ رەجيسسەر ەرلان نۇرمۇحامبەتوۆ.
ايتا كەتسەك, فيلمدٸ تٷسٸرۋدە تەجٸريبيەلٸ ينتەرناتسيونالدى توپ جۇمىس ٸستەدٸ, ولار: «جاڭعاق تال» فيلمٸ ٷشٸن 20-شى بۋسان كينوفەستيۆالٸنٸڭ «جاڭا تولقىن» (New Currents) باعدارلاماسىندا ٷزدٸك اتانىپ, باس جٷلدەنٸ يەمدەنگەن رەجيسسەر ەرلان نۇرمۇحامبەتوۆ (قازاقستان), فيلمنٸڭ تەڭ رەجيسسەرٸ ليزا تاكەبا (جاپونييا), جاپوندىق پروديۋسەر سيودزو يچيياما (تاكەشا كيتانو, تسزيا دجانگكە, حوۋ سياوسيانيا سىندى تانىمال رەجيسسەرلەر تٷسٸرگەن فيلمدەردٸڭ پروديۋسەرٸ), پروديۋسەر يۋلييا كيم (قازاقستان/فرانتسييا), بەرلين كينوفەستيۆالٸندە «اسلاننىڭ ساباقتارى» فيلمٸ ٷشٸن «كٷمٸس ايۋ» جٷلدەسٸمەن ماراپاتتالعان قويۋشى وپەراتورى ەزيز جامباكيەۆ (قازاقستان).
فيلمدە باستى رٶلدەردٸ كانن كينوفەستيۆالٸندە ٷزدٸك اكتريسا اتانعان سامال ەسلياموۆا (قازاقستان), تانىمال قازاقستاندىق اكتەر دۋلىعا اقمولدا جەنە جاپوندىق اكتەر ميراي موريياما سومدايدى. سونداي-اق فيلمگە مەدي مينايداروۆ ەسٸمدٸ جاس اكتەر تٷستٸ (ولجاستىڭ رٶلٸندە).
«ەكٸ ەلدٸڭ كينەماتوگرافيستەرٸ بٸرلەسٸپ تٷسٸرگەن فيلمگە تٷسكەنٸمە قۋانىشتىمىن. تٷسٸرٸلٸم جۇمىستارى قازاقستاننىڭ كٶركەم جەرلەرٸندە ٶتتٸ. جاپوندىق اكتەر ميراي موريياما - ٶتە جاقسى اكتەر, ونىمەن بٸرگە جۇمىس ٸستەۋ ٶتە ۇنادى», - دەدٸ سامال ەسلياموۆا.
«بارىمتاشىلار. ۋاقىت جولدارى» فيلمٸ بۋسان كينوفەستيۆالٸنٸڭ اشىلۋ سالتاناتىندا – 2019 جىلى 3 قازاندا كٶرسەتٸلەدٸ.
ايتا كەتەرلٸگٸ, حالىقارالىق بۋسان كينوفەستيۆالٸ ەڭ العاش رەت 1996 جىلدىڭ قىركٷيەك ايىندا ٶتكٸزٸلگەن بولاتىن. جىل سايىن بۇل كينو الاڭىندا ەر ەلدٸڭ اكتەرلەرٸ, رەجيسسەرلەرٸ مەن پروديۋسەرلەرٸ, سونداي-اق كينو ٶنەرٸنٸڭ تابىنۋشىلارى باس قوسادى. اتالعان فەستيۆال ازييالىق جەنە وڭتٷستٸك كورەي ەلٸندە تٷسٸرٸلگەن فيلمدەرٸن ناسيحاتتاۋعا باعىتتالعان باستى بايقاۋ.
