قر پرەزيدەنتٸ جانىنداعى قازاقستان ستراتەگييالىق زەرتتەۋلەر ينستيتۋتى زاڭناما دەپارتامەنتٸنٸڭ ديرەكتورى اسارا مۇقانوۆا اۋداندىق دەڭگەيدەگٸ ەكٸم سايلاۋىن ٶتكٸزۋ تۋرالى پٸكٸر بٸلدٸردٸ, دەپ حابارلايدى قازاقپارات.
25 شٸلدەدەن باستاپ, قازاقستاندا اۋداندىق ماڭىزى بار قالالاردىڭ, اۋىلداردىڭ, كەنتتەردٸڭ, اۋىلدىق وكرۋگتەر ەكٸمدەرٸن تٸكەلەي سايلاۋ ٶتتٸ. جاڭا ەرەجە بويىنشا قازاقستاندىقتار تٸكەلەي داۋىس بەرۋ ارقىلى ٶز ەلدٸمەكەنٸنٸڭ ەكٸمٸن سايلاي الادى.
«تالاپتارعا سەيكەس, اۋداندىق ماڭىزى بار قالالاردىڭ, اۋىلداردىڭ, كەنتتەردٸڭ, اۋىلدىق وكرۋگتەردٸڭ ەكٸمٸ قىزمەتٸنە جوعارى بٸلٸمٸ بار جەنە وسى ەلدٸمەكەننٸڭ اۋماعىندا تۇراتىن 25 جاستان اسقان قر ازاماتتارى ٷمٸتكەر بولا الادى. سونداي-اق ولاردىڭ بەلسەندٸ سايلاۋ قۇقىعى بولۋى كەرەك جەنە «قازاقستان رەسپۋبليكاسىنداعى مەملەكەتتٸك قىزمەت تۋرالى» زاڭداعى بارلىق تالاپتارعا ساي بولۋعا تيٸس», - دەپ اتاپ ٶتتٸ ساراپشى.
كانديداتتاردى ساياسي پارتييالار ٶز مٷشەلەرٸنٸڭ اراسىنان نەمەسە ەكٸدەن كەم كانديدات ۇسىنىلسا, ودان جوعارى تۇرعان ەكٸم ۇسىنادى. سونىمەن بٸرگە, ٷمٸتكەرلەر ەكٸم لاۋازىمىنا ٶزٸن-ٶزٸ ۇسىنا الادى. نەگٸزگٸ شارت – سايلاۋشىلاردىڭ جالپى سانىنىڭ كەمٸندە 1%-ىنىڭ قولىن جيناۋ.
«ورتالىق سايلاۋ كوميسسيياسىنىڭ رەسمي دەرەكتەرٸ بويىنشا, «Nur Otan», «اۋىل», «اق جول», «اDAL», «قحپ» پارتييالارىنان تٸكەلەي سايلاۋعا 878 كانديدات ۇسىنىلعان. بۇل رەتتە پارتييالاردا دا شەكتەۋ بولادى – ولار ەر وكرۋگتە بٸر كانديداتتى عانا ۇسىنا الادى. سايلاۋ قورىتىندىسى بويىنشا «Nur Otan» پارتيياسىنان باسقا «اۋىل», «اق جول», «اDAL» پارتييالارىنان دا كانديداتتار سايلانعان», - دەيدٸ ا. مۇقانوۆا.
ونىڭ ايتۋىنشا, پارلامەنت مەجٸلٸسٸ مەن مەسليحاتتار سايلاۋى كەزٸندە ساياسي پارتييالاردىڭ ٶتۋ شەگٸن 7%-دان 5%- عا دەيٸن تٶمەندەتۋ جەنە ساياسي پارتييالاردىڭ جاندانۋى پارتييالارعا مەسليحاتتار مەن پارلامەنت مەجٸلٸسٸنە ٶز تٸزٸمدەرٸن ۇسىنۋدا وڭ سەرپٸن بەرە الادى.
«سايلاۋدىڭ تاعى بٸر ەرەكشەلٸگٸ – سايلاۋ بيۋللەتەندەرٸندە «بارلىعىنا قارسى» باعانىنىڭ ەنگٸزٸلۋٸ بولدى. ەكٸمدەردٸ تٸكەلەي سايلاۋدى تالداۋ دا «بارلىعىنا قارسى» باعانىن قوسۋ تۋرالى تٷزەتۋلەر سايلاۋشىلاردىڭ قۇقىقتارىن كەڭەيتكەنٸن جەنە سايلاۋ پروتسەسٸنٸڭ اشىقتىعىنا ىقپال ەتكەنٸن كٶرسەتەدٸ. مىسالى, اقپارات كٶزدەرٸنە سەيكەس (kazpravda.kz, regtv.kz, kt.kz), قاراعاندى وبلىسى بويىنشا «بارلىعىنا قارسى» باعانى اقتوعاي اۋدانىنىڭ شاشۋباي كەنتٸندە (116) ەڭ كٶپ بەلگٸلەنگەن – بۇل داۋىس بەرگەندەردٸڭ 7 پايىزى», - دەيدٸ ا. مۇقانوۆا.
