بانكتەردٸڭ ازاماتتاردىڭ تۇرعىن ٷيٸن ٶندٸرٸپ الۋدى قولدانۋىنا شەكتەۋ ەنگٸزٸلەدٸ. بۇل جايىندا سەنات دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى قازاقپارات اگەنتتٸگٸ.
«مەملەكەت باسشىسىنىڭ 2021 جىلعى 22 قىركٷيەكتە ماڭعىستاۋ وبلىسىن ەلەۋمەتتٸك-ەكونوميكالىق دامىتۋ جٶنٸندەگٸ كەڭەستە بەرگەن تاپسىرماسى بويىنشا يپوتەكالىق قارىز الۋشىلاردىڭ قۇقىقتارىن قورعاۋدى كٷشەيتۋ ٷشٸن ٷكٸمەت ۇلتتىق بانكپەن جەنە قارجى نارىعىن رەتتەۋ جەنە دامىتۋ اگەنتتٸگٸمەن بٸرلەسە وتىرىپ, اتقارۋشىلىق ٸس جٷرگٸزۋ, جەكە سوت ورىنداۋشىسىنىڭ جۇمىسى, ەكٸنشٸ دەڭگەيدەگٸ بانكتەردٸڭ باعالاۋ قىزمەتٸ مەن كەپٸلدٸك ساياساتىن رەتتەۋ اياسىندا قاتىناستاردى جەتٸلدٸرۋ جٶنٸندەگٸ زاڭنامالىق تٷزەتۋلەر توپتاماسىن ەزٸرلەدٸ. تٷزەتۋلەر پارلامەنت مەجٸلٸسٸندە قارالىپ جاتقان بيۋدجەت زاڭناماسىن جەتٸلدٸرۋ مەسەلەلەرٸ جٶنٸندەگٸ زاڭ جوباسىنا ەنگٸزٸلدٸ», - دەلٸنگەن ٷكٸمەت باسشىسىنىڭ جاۋابىندا.
پرەمەر-مينيستردٸڭ جاۋابىنا سەيكەس, اتقارۋشىلىق ٸس جٷرگٸزۋ رەسٸمدەرٸ اياسىندا كەپٸلگە سالىنعان مٷلٸككە ٶندٸرٸپ الۋ قولدانىلعان كەزدە ازاماتتاردىڭ قۇقىقتارىن قورعاۋدى كٷشەيتۋ ماقساتىندا زاڭ جوباسىندا مىنالار كٶزدەلەدٸ:
- كرەديتورلار تاراپىنان جوسىقسىز ەرەكەتتەر مەن قىزمەتتەرٸن اسىرا پايدالانۋلارىنا جول بەرمەۋ ٷشٸن كرەديتوردىڭ, ونىڭ جۇمىسكەرلەرٸنٸڭ جەنە ٷلەستەس تۇلعالاردىڭ جىلجىمايتىن مٷلٸكتٸ ٶتكٸزۋ بويىنشا ساۋدا-ساتتىققا قاتىسۋىنا تىيىم سالۋ جەنە وندا ەكٸدەن كەم قاتىسۋشى بولعان جاعدايدا ساۋدا-ساتتىق ٶتپەدٸ دەپ تانۋ;
- ازاماتتاردىڭ تۇرعىن ٷيٸنە ٶندٸرٸپ الۋدى قولدانۋدى شەكتەۋ ٷشٸن جەكە تۇلعانىڭ تۇرعىن ٷيمەن قامتاماسىز ەتٸلگەن يپوتەكالىق قارىزدارى بويىنشا ورىندالماعان مٸندەتتەمە سوماسىنىڭ جەنە كەپٸلگە سالىنعان مٷلٸك قۇنىنا مەرزٸمدٸ ٶتكٸزٸپ الۋ كەزەڭٸنٸڭ ەلەۋسٸزدٸگٸ مەن مٶلشەرلەس بولماۋىنىڭ جوعارى شەگٸن ەنگٸزۋ (ورىندالماعان مٸندەتتەمە سوماسى 10 پايىزدان 15 پايىزعا دەيٸن جەنە مەرزٸمدٸ ٶتكٸزٸپ الۋ كەزەڭٸ 3 ايدان 6 ايعا دەيٸن);
- بورىش جٷكتەمەسٸن ازايتۋ ٷشٸن بورىشكەردٸڭ كەپٸلگە سالىنعان مٷلٸكتٸ سوتتان تىس, سول سيياقتى سوت ارقىلى ٶتكٸزۋ كەزٸندە 3 اي مەرزٸمدە ٶز بەتٸنشە ٶتكٸزۋ مٸندەتتٸلٸگٸ بەلگٸلەۋ;
- تۇرعىن ٷيدٸ تٶمەندەتٸلگەن قۇنمەن ٶتكٸزۋگە جول بەرمەۋ جەنە يپوتەكالىق قارىزدار بويىنشا ورىندالماعان مٸندەتتەمەلەردٸ ٶتەۋ ٷشٸن كەپٸلگە سالىنعان مٷلٸكتٸ ٶتكٸزۋدەن الىنعان اقشانىڭ جەتكٸلٸكتٸلٸگٸن قامتاماسىز ەتۋدە كەپٸل مٷلٸكتٸ ساۋدا-ساتتىقتا ساتۋ باعاسىنىڭ تٶمەنگٸ شەگٸن باستاپقى قۇنىنىڭ 50-دەن 75 پايىزىنا دەيٸن ارتتىرۋ.
«سونىمەن بٸرگە زاڭ جوباسىندا كەپٸل ساتىلعاننان كەيٸن بلانكٸلٸك بەرەشەكتٸ ەسەپتەن شىعارۋ نەگٸزدەرٸ كەڭەيتٸلدٸ. تٷزەتۋلەردٸ ەسكەرە وتىرىپ, يپوتەكالىق تۇرعىن ٷي قارىزى شارتى بويىنشا كەپٸلگە سالىنعان جىلجىمايتىن مٷلٸك سوت تەرتٸبٸمەن ساتىلعان جاعدايدا, بورىشكەر-جەكە تۇلعادا ٶندٸرٸپ الۋدى قولدانىلۋى مٷمكٸن ٶزگە مٷلٸك نەمەسە ەڭ تٶمەنگٸ جالاقىنىڭ 2 ەسەلەنگەن مٶلشەرٸنەن اساتىن تابىسى بولماعان كەزدە قالعان بەرەشەك ەسەپتەن شىعارىلاتىن بولادى»,- دەپ اتاپ ٶتەدٸ اسقار مامين.
